fríggjadagur 21. oktober 2011síða 14

Fríggjadagur 21. oktober 2011 · Nr. 122 14 Sosialurin Hugskot og viðmerkingar – send sms til 225000 Nøvn Áhugain fyri kórsangi her á landi hevur er meira enn øld gamal. Tí er natúrligt at kórsangur eisini hevur verið millum føroyingar í útlegd. Í Keypmannahavn sungu føroyingar í kóri seinast í 1930-árunum. Ljómur varð kórið kallað, men lá stilt frá miðskeiðis í 1950, til Ólavur Hátún miðskeiðis í sekstiárunum byrjaði tað aftur. Í 1971 varð Húsakórið sett á stovn. Júst aftur­komin av konsertferð í Eysturríki við Havnar­kórinum settu tey fýra, Ása Justinus­sen, Sólva Johannesen, Zacharias Sørensen og Kári Bæk sær fyri at stovna kór í Keyp­manna­havn, har tey høvdu sett búgv. Fyrsti kórleiðari hjá kórinum var Alex Sólstein, sum tað árið var á skeið í danska høvuðsstaðnum. Húsakórið fór at halda til í Føroya­húsi­ num og harav kom navnið. Í fyrstani var kórið ikki stórt – eini 15 sang­arar, men við tíðini legðist afturat til tað síðst í nítiárunum taldi knapt 60 sang­ar­ar. Í dag syngja eini 40 sangarar í Húsakórinum. Helst var fyrsta framførslan hjá Húsa­kórinum tá kórið sang til veitslu hjá Føroyinga­felagnum á vetri 1972/73. Kórið sang annars fyrstu árini til ymisk mentanar­tiltøk í húsinum og hevði javnan konsert í Sámuelskirkjuni á Nørre Brúgv, har føroyska kirkjuliðið helt til. Húsakórið er í dag sera virkið og syngur til hópin av tiltøkum í Keypmannahavnar­ umráðnum. Nevnast kann, at kórið hvørji jól syngur í Samuelskirkjuni til jólaguð­ stæn­astu, umframt at vitjað verður á Sjúklinga­hotellinum Tórshavn. Kórið eigur eisini stóran leiklut í sera vælumtóktu Norður­atlantisku jólakonsertini, sum hvørt ár verður fyriskipað í Helligåndskirkjuni á Strøgnum. Niðurgangstíðinar í Føroyum miðskeiðis í 1990-árunum vóru uppgangstíðir hjá føroysk­um kórsangi í Keypmannahavn. Húsakórið taldi tá um 55 sangarar og eitt føroyskt kór afturat, Mpiri, varð sett á stovn í býnum. Húsakórið luttók og fyriskipaði í hesum tíðarskeiðnum nakrar av stóru Norðuratlantisku kórstevnunum, ið vóru hildnar í ymiskum donskum býum. Av størri verkum, sum Húsakórið, undir leiðslu av Marianne Clausen, framførdi hetta tíðar­ skeiðið, kunn nevnast Carmina Burana. Kórið gav í 2005 gjøgnum Tutl út fløguna Sólarmessa, við sangum, sum kórið hevði sungið gjøgnum tíðina. At kórið er eitt útisetakór ger, at stór útskifting alla tíðina er í hópinum. Soleiðis eisini millum kórleiðarar. Hesi 40 árini hevur kórið havt 11 kórleiðarar og ómøguligt er at meta um, hvussu mangir sangarar hava sungið í kórinum. Hetta viðvirkar alt til, at tónleikaliga støðið hevur verið skiftandi. Men kórið hevur, við sínum sterka sosiala profili, verið ein savningarmiðdepil millum føroyingar í Keypmannahavn seinastu 40 árini. Mong eru eisini tey, sum við gleði minnast aftur á tíðina í kórinum. Vón mín er at instutitiónin Húsakórið framhaldandi fer at savna og gleða, ikki bara kórliminar, men eisini øll tey, sum fara at líða á. Í samband við 40 ára hátíðarhaldið hjá kórinum verður skipa fyri gallakonsert á Norð­uratlantisku bryggjuni á Christians­ havn leygardagin 22. oktober klokkan 15.00. Leif Hansen Kórleiðarar í tíðarrøð: Alex Sólstein 1971 – 1972 Sámal Júst Ziska Dahl 1972 – 1973 Knút Olsen 1972 – 1973 Christian Wahl 1973 – 1978 Marianne Clausen 1978 – 1979 Bjarni Restorff 1979 – 1984 Símun Andrass Andreasen 1984 Marianne Clausen 1984 – 2000 Sunleif Rasmussen 2000 – 2001 Tórður á Brúnni 2001-2010 Leif Hansen 2010 – 2011 Benjamin Gåsedal 2011 - Húsakór í 40 ár Við sínum sterka sociala profili hevur Húsakórið verið savningarmiðdepil millum føroyingar í Keypmannahavn seinastu 40 árini Føðingar 4. oktober fingu Sólvá Jacobsen og Jóan Petur Joensen, Sandavágur, ein son. Hann vigaði 3738 g og var 50 cm. 11. oktober fingu Selma og Klæmund Johannesen eina dóttur. Hon var 49 cm. long og vigaði 2260 gr. 12. oktober fingu Laufey og Pauli Hansen, Argir, ein son. Hann var 55 cm. og vigaði 3720 gr. Julia Bogadóttir Simonsen bleiv fødd 14. oktober. Hon var 52 cm long og vigaði 3210 gr. Foreldrini eru Anna og Bogi Simonsen úr Klaksvík. 15. oktober fingu Johanna Majken og Allan Eidesgaard Poulsen, Tórshavn, ein son. Hann var 54 cm langur og vigaði 3300 gr. 16. oktober fingu Katrin Jensen, Sørvágur og Heini Dánjalsson Thomsen, Sandavágur, eina dóttur. Hon var 52 cm. long og vigaði 3345 gr. 23. august fingu Annika Á. Olsen og Rói Hentze, eina lítla fitta diddu. Hon vigaði 3420 gr. og var 53 cm. lang. 14. september fingu Vígdis og Jógvan Skorheim, Klaksvík, eina dóttur á Hvid­ ovre Hospital. Hon vigaði 3608 gr. og var 53 cm. long. 28. september fingu Høgni og Lóa eina líttla­systir. Hon var 53 cm. long og vigaði 3634 gr. Foreldrini eru Fía Lindenskov og Stein­grímur Funding og tey búgva í Valby. 6. oktober fingu Elsa Martina og Yuichi Saka­guchi, úr Syðrugøtu, eina vakra fitta dótt­ur. Hon vigaði 3565 gr. og var 52 cm. long. 10. oktober fingu Kathrina F. Joensen, Vest­ manna og Páll Hansen, Hvalvík, eina dóttur. Hon var 53 cm. long og vigaði 3710 gr. 12. oktober fingu Eyðbjørg og Poul Henn­ ing Jacobsen, Syðrugøta, ein son. Hann var 52 cm. langur og vigaði 3375 gr. Systkin (á myndini): Julia 5 ár og Kristian 3 ár.