mánadagur 24. oktober 2011síða 29

29 Mánadagur 24. oktober 2011 · Nr. 123 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Jóannes Prestá gjørdist við níggju málum størsti málslúkurin hjá strandingum, tá teir seinnapartin í gjár gjørdu bart í Vestmanna og vunnu á VÍF, og hann stóð fyri helvtini av málunum avgerandi løtuna tað síðsta korterið, tá StÍF gjørdi av við VÍF. Ikki tí, at tað hava teir í StÍF roynt fyrr, men hetta kappingarárið hevur líkasum ligið í kortunum, at VÍF taldist millum tey frægastu og StÍF bara bygdi upp. Frá byrjan og inn í hálvan seinna hálvleik fylgdust liðini, men so fór StÍF framum og megnaði at vinna við fimm málum. Eftir aftur í ár at vera fyrsta liðið, ið mátti lúta fyri Team Klaks­ vík, hevur H71 fótað sær væl og vunn­ið tveir teir síðstu dystirnar. Leygardagin var Kyndil á vitjan í Hoyvíks­høllini, men hóast gestirnir mitt í seinna hálvleiki togaðu seg framum, kláraðu teir ikki at halda fast, men máttu lúta, tí H71 vann við fýra málum og fekk sostatt bestu hugsandi upptaktina til 40 ára veitsluna hjá felagnum seinni um kvøldið. Umbýttir leiklutir Hóast nógv hevur verið at hoyrt um ta beru neyð og elendigheit hjá fleiri av kvinnuliðunum, er talan fyri tað nógva um dystir, ið ikki avspegla hetta meira enn neyðugt. Í onkrum dystum er eitt sindur av muni á, og í onkrum førum eru tað vinnararnir undanfarin ár, sum eru tapararnir í ár, men tað er nú ikki eitt fullkomuliga ókent fyribrigdi. Mest spennandi dysturin var í høllini á Hálsi í Havn, har Kyndil tók ímóti Stjørnuni. Her fór Stjørnan framum mitt í fyrra hálvleiki og var fýra mál frammanfyri í steðg­ inum, og hóast Kyndil royndi at fáa fatur í klaksvíkskvinnum í seinna hálvleiki, eydnaðist tað bara næstan – og tá skoraði Stjørnan enn­tá sítt seinasta mál í dystinum fimm minuttir fyri tíð! Tjaldur, sum seinnu árini hevur vunnið bæði føroyameistaraheiti og steypakapping, er ein skuggi av sær sjálvum, og túrurin í Vági í gjár gav enn eitt tap, tí VB vann við 10 málum. Serliga eftir steðgin var munur á, tí VB var bara tvey mál á odda eftir fyrra hálvleik, men beinan­vegin í seinna hálvleiki slapp VB sær langt framum og helt fast. Eisini í Vestmanna bleiv alt av­ gjørt eftir steðgin, tí í hálvleikinum var VÍF bara á odda við trimum málum ímóti StÍF, men endaði við at vinna við 11 málum, sum veruliga var ein staðfesting av, hvat av lið­ unum var tað betra. hilmarjan@sosialurin.fo Hilmar Jan Hansen Hjá kvinnunum var einki var at rafla um um vikuskiftið, tí dyst­ir­ nir endaðu allir við 3-0 sigrum, og millum annað vunnu FM-finalist­ arnir síðsta kappingarár sínar dystir, so nógv bendir á, at Mjølnir og Fleyr eru størstu favorittarnir, nú liðini á stigatalvuni hava lagt sjógv millum seg og hini. Kortini var í tí eina dystinum um vikuskiftið sera lítil munur á liðunum, tí hóast Mjølnir leygar­ dagin vann øll trý settini ímóti SÍ, so var munurin sera lítil allan vegin ígjøgnum. Men Mjølnir hevði munin, og tað vísir eisini styrki, at eitt lið eisini greiðir setningin, tá mótstøðan er stór og lítið skal til, at tað kann koppa hinvegin. Ternan, sum bara spælir annað kappingarárið yvirhøvur í bestu kvinnudeildini, telist millum trý lið við fýra stigum, nú tað á útivølli í Trongisvági eydnaðist at vinna á TB, sum enn eina ferð byrjar kapp­ ingina sera illa. ÍF hevur sæð út sum ein møguligur avbjóðari, men Fleyr gjørdi fyribils av við hesa myndina, tá ein greiður 3-0 sigur varð vunnin. Óvæntað úrslit Mest óvæntaða flogbóltsúrslitið um viku­skiftið kom í Klaksvík, har tað eydnaðist Mjølni at basa ÍF, sum aftur í ár er stórfavorittur til meistaraheitið. Ikki tí, at nógvir av dystunum síðsta kappingarár vóru sera tættir millum feløgini bæði, ið eisini spældu FM-finalurnar, men Mjølnir hevur bara ikki sæð út av tí stóra. Tí var 3-1 sigurin í Bad­mintonhøllini í Klaksvík helst nakað, tey fægstu høvdu væntað, men samstundis boðar slíkt frá ein­ari kanska betri og enn meira spenn­andi kapping hjá monnunum henda veturin. SÍ, sum vitjaði TB í Trongisvági í gjár, gjørdi sína skyldu og vann 3-0 við rímiliga sannførandi sett­ úrslitum. hilmarjan@sosialurin.fo Mjølnir koppaði ÍF Flogbóltur Menninir hjá Mjølni stóðu fyri mest óvæntaða úrslitinum um vikuskiftið, tá teir á heima­ vølli vunnu 3-1 á greipuvinnarunum úr ÍF Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 4 4 0 12 0 12 8 2 Fleyr 4 4 0 12 1 11 8 3 SÍ 4 2 2 7 6 1 4 4 Ternan 4 2 2 6 6 0 4 5 ÍF 4 2 2 6 8 -2 4 6 Dráttur 3 1 2 4 8 -4 2 7 TB 4 0 4 3 12 -9 0 8 KÍF 3 0 3 0 9 -9 0 Eik-ligan menn nr. Lið Dystir Vunnið tapt vunnin sett tapt sett munur Stig 1 SÍ 3 2 1 8 4 4 4 2 Mjølnir 3 2 1 7 4 3 4 3 Fleyr 2 1 1 4 4 0 2 4 ÍF 2 1 1 4 5 -1 2 5 TB 2 0 2 0 6 -6 0 Hondbóltur Hóast VÍF-menninir skulu vera avbjóðarar til Neistan og KÍF, fingu teir eitt skot fyri bógvin í gjár, tá unga StÍF-liðið vann við fimm málum Strandingar smekkaðu til Atlantic Airways Deildin menn nr. Lið Dystir Vunnin mál Tapt mál Munur Stig 1 KÍF 4 115 94 21 6 2 Neistin 2 58 43 15 4 3 VÍF 3 68 69 -1 4 4 StÍF 4 100 105 -5 4 5 H71 5 127 134 -7 4 6 Team Klaksvík 4 95 103 -8 3 7 Kyndil 4 79 94 -15 1 Sunset Deildin kvinnur nr. Lið Dystir Vunnin mál Tapt mál Munur Stig 1 Neistin 4 137 84 53 8 2 Stjørnan 5 122 109 13 6 3 VB 2 56 45 11 4 4 Kyndil 4 93 93 0 3 5 VÍF 3 72 76 -4 3 6 Tjaldur 3 68 100 -32 0 7 StÍF 3 48 89 -41 0 Mynd: Álvur Haraldsen