mikudagur 26. oktober 2011síða 39

39 Mikudagur 26. oktober 2011 · Nr. 124 Sosialurin Hugskot og viðmerkingar – send sms til 225000 Kjak Jákup av Skarði Fyri arbeiðsbólkin Higartil hava politikkarar skilt støðuna sum, at vit í Nólsoy ynskja skip, bert fyri at betra nólsoyarleiðina. Hetta er púra misskilt! Vit, ið búgva í Nólsoy, eru ikki so nalvaskoðandi! Faktist hugsa vit í Nólsoy nógv meira um heildina. Vit eru púra sannførd um, at tað er Strand­ferðslan, ið hevur tørv á nýggjum skipi - soleiðis, at nýtt skip er á nólsoyar­leið­ ini og harvið er nøktandi eykaskip leyst á leiðina til Sandoy (og Skúvoy), Hest, Kalsoy, Nólsoy, og Suðuroy. Tíanverri tykist tað sum at hetta ynski okkara verður mett út frá eini yvirdimen­ sión av farleiðini til Nólsoyar, samstundis sum mett verður út frá einum ónøgdsemi við skipið, ið røkir farleiðina nú. Ternan er stór og góð. Men Ternan er ikki okkara. Vit vita okkum ikki trygg, hvat skip siglir til Nólsoyar - ti um so er at onkur kuril er á SSL-leiðini, so skal Ternan vera tøk. Um tað nú var soleiðis, at politikkarar høvdu sína gerandis-farleið sjóvegis til Havnar, so var teimum greitt, at tað ið umræður, er at fáa fasta og trygga farleið til og frá arbeiði. Hetta vita tey uml. 40 fólkini, ið hvønn dag ferðast til Havnar til arbeiðis. Nógv eru eisini foreldur at smáum børnum í Nólsoy, og hava tí uppiborið tryggleikan, at tey sleppa heimaftur eftir loknan arbeiðsdag. Til teirra, ið hava vega­ samband til arbeiðis, verður hesin fyrispurningur settur: Vóru tit knýtt at SAM ella Ternuni, áðrenn undir­sjóvar­ tunnlar vóru boraðir? Um so er, minnast tit so bíðirøð og ringar túrar tvørtur um firðirnar? Minnast tit kanska eisini onkra avlýsing? Eitt er vist: Tykkara skip varð ikki tikið til aðra farleið! Har er munurin! Til tykkum, ið nú hava ferjusamband: - Vilja tit í Kalsoynni missa mjólkarpengar ella stuðla ferjuætlan og tryggja eykaskip? - Vilja tit í Sandoynni tryggja tykkum møguleikan at sett verður eykaskip inn, tá ið tørvur er, ella vilja tit órógva aðrar oyggjar? - Vilja tit í Hesti sleppa upp í part, tá ið fartur mangl­ ar tvørtur um fjørðin, ella vilja tit bara sleppa upp í part, tá ið tað ber til? - Vilja tit í Skúgvi missa fartin til Skopunar, sam­stund­ is sum siglandi er av Sandi, ella vilja tit eisini sleppa av Gomlu Rætt? Her er bert eitt at gera: Skjót ferju-verkætlanina í gongd, soleiðis at Strandfaraskip landsins hevur eykaskip at seta inn. Tó at Ternan er gomul, so hevur hon við hes­ um dagføringum fyri nakrar milliónir krónur møgu­leika at traðkað til á nógvum leiðum - eisini til Suðuroyar! Ikki er neyðugt at lova og lova. Einasta tørvur er, er at politikkarar seta ferj­una í langtíðarætlan - har talan er um 18 mánaðir! Hetta er lang­ tíðarætlan, tí vit hava longu bíða í mong ár! Samstundis er hetta langtíðarætlan, tí so nógvar aðrar oyggjar bíða eftir einum eykaskipi, ið tryggjar teimum støðuga farleið. Ein millión er brúkt til skitsuprojekt. Hvussu leingi skal hetta liggja áðrenn gongd kemur á? Hvussu leingi hevur hetta nakað virðið? Setið 20 milliónir av í 2012 og aðrar 20 milliónir í 2013, so røkir nýggj ferja farleiðina á ovastevnu 2013! Góðu valevni til løg­tings­ valið 2011! Tykkum verður ynskt gott val og hervið verður lovað tykkum øllum, at arbeiðs­bólk­urin vitjar upp í saman, við grundgevingum og fyrispurningum um at verkætlanin verður byrja0. Persónliga skal eg vitja tykkum við jøvnum millum­ bili og minna tykkum á jaliga hugburðin tit og flokkar tykkara hava sýnt okkum hesi farnu sjey árini. Fyri at hjálpa tykkum at síggja fyrimunir í hesi verkætlan, verður her víst á at til ber at leggja grundarlag undir mongum inntøkum, har­við verður sjálvsagt eisini talan um skattakrónur beint í landskassan. Har­aftur­at verður vitan innan føroy­skt skipasmíð ment og møgu­ leikarnir at bjóða seg fram uttanlands verður betraðir. Trivnaðurin á smærri oyggj­ um verður betraður og sam­ ferðslan verður dagførd. Einasta fortreytin er: Nýggj ferja til Nólsoyar! Bestu ynski um gott val og gott samstarv! Eingin - ikki ein! Góði Eyðun, tú ert ikki hvør sum helst, tá ið tú lyftir lokið av grýtuni. Stórur skarði av føringum – eins og eg sjálvur - lesur tínar viðmerkingar og situr undir hvørjum orði. Sum oftast sera beinrakið, men kanska ov sjálvdan aftursvar. Loyvi mær hesuferð fyri egnu rokning at senda tær alment respons. Tíðir broytast. Sum nýliga avmynstraður stýrislimur veitst tú, at Kringvarpið tíverri hevur avmarkaðar karmar at avrikað fólka­ tings- og løgtingsval í sama fíggjar­árið. Hetta ger, at public-service-stovnurin noyðist at hugsa nýtt - sum nakna kvinnan. Stovnurin hevur eftir førimuni lagt til rættis, at fáa sum mest burtur úr tí, sum fíggjarkarmarnir loyva. Á hesum sinni hevur Kringvarpið, sum eg síggi tað, lagt seg eftir at seta luppin á aktuellu samfelagsligu høvðuspurningarnar. Fyrr var frítt slag, men nú skulu valevnini fyrihalda seg til tað , sum er viðkomandi og hevur týdning fyri veljarin. Hetta hevur verið gongdin í grannalondunum, so tað kann ikki vera heilt av leið at vit flyta okkum á somu leið. Vit skulu eisini minnast til, at veljarin er frá 18 og langt upp í ellisárini. Tað er ein rættiliga breiður málbólkur og neyvan hava aldirsbólkarnir sama sjónarmið, um hvussu eitt valstríð eigur at skip­ast av public-service-stovni­num. Tað er sjálvandi ein stór avbjóðing hjá Krinvarpi­num at røkka øllum aldurs­bólkum. Hesuferð hevur Kring­ varpið gjørt sær tann ómak, at kunna politisku valfeløgini í rímuligar tíð, um hvussu valsendingar í útvarpi og sjónvarpi verða skipaðar. Valfeløgini ynsktu onkrar broytingar. Nøkur ynski eru gingin á møti, meðan okkurt av teimum hevur Kringvarpið ikki fíggjarliga orku til. At senda frá valfundum í sjónvarpinum kring landið er serliga dýrt. Tað er væl møguligt, at verandi valsendingar ikki hava havt sama undir­ haldsvirði sum í gomlum døgum. Nú skulu valevni greiða frá, hvørjar loysnir flokkarnir hava til mest átroðkandi spurningarnar, sum føroyska samfelagið stendur fyri. Tað eru dýrt­ drivin fjølmiðlafólk, sum seta dagsskránna og eg gangi útfrá, at tú er samdur í, at tey hava innlit í, hvat hevur týdning fyri framtíðina hjá meiniga føringinum. Krøvini til valevnini at sláa í gjøgnum í nútíðar miðlaverðini eru eisini ørvísi og helst herd. Hetta er ein avbjóðing, sum fyrst og fremst liggur á teimum, sum bjóða seg fram og flokkunum. Avbjóðingin hjá Krinvarpinum er, at val­ evni yvir fyri veljarunum lýsa ymsu sjónarmiðini og uppskot til loysnir til tær størstu avbjóðingarnar, sum Føroyar sum samfelag standa fyri. Við hesum broytingunum, haldi eg, at Kringvarpið í størri mun heldur seg til public- service-skylduna, hóast, at undirhaldsvirðið møguliga er lægri. Alt til sína tíð. Eyðun Joensen, skal valstríð vera undihald? Rúni Heinesen formaður í Kringvarpsstýrinum