fríggjadagur 28. oktober 2011síða 39

39 Fríggjadagur 28. oktober 2011 · Nr. 125 Sosialurin Hugskot og viðmerkingar – send sms til 225000 Leygardagin varð punkt­ um sett fyri 2011 kapp­ ing­ar­árið. Summir fóru undir fyrireikingarnar til kappingarárið longu í november í fjør ella fyri einum ellivu mánaðum síðani, og allir spælararnir hava runnið og stríðst síðani stutt eftir ársskiftið. Nú eru 27 umfør í landskappingini avgreidd, og tað eru fýra spælarar, sum hava verið á vøllinum 27 ferðir 90 minuttir ella tilsaman 2430 minuttir. Tríggir teirra eru mál­ verjar. Ein teirra er Meinhard Joensen, sum er málverji hjá meistaraliðnum B36. Ein annar er málverjin hjá silvur­vinn­arunum og steypa­ vinnarunum EB/Streymi. Tað er René Tórgarð, sum hev­ur havt framúr gott kappingarár og í heyst vardi málið á landsliðnum. Tann triði er KÍ málverjin Gunnar á Steig, sum áður hevur vart málið hjá EB/ Streymi. Einasti útispælarin, sum hevur spælt allar 2430 minutt­ irnar, er B68 mið­vallarin Ndende Adama Guéye. Sene­galesiski miðvallarin hevur spælt við B68 í fýra ár. Hann kom til Toftir í 2008, og síðani hevur hann spælt 107 dystir. Sjey av hesum dystunum eru steypadystir, og leygardagin var talan um landskappingardyst nummar eitt hundrað. Tað er greitt, at Ndende Adama Guéye eisini næsta ár fer at spæla við B68. Fjúrtan aðrir spælarar hava verið við í øllum 27 lands­kappingardystunum. Onkrir teirra hava verið á vøllinum mest sum alla tíðina, og onkrir hava verið útskiftir fleiri ferðir. Málverjin hjá B71, Símun Rógvi Han­sen, spældi allar dystirnar á tamb. Undantakið var tann síðsti, tá ið hann 25 minuttir undan leikloki í heimadystinum ímóti NSÍ varð skiftur út. Tá kom Ger­ hard Páll Lognberg, sum annars hevur sitið á beink­ inum, á vøllin. Hetta var fyrsta ferðin, at 21 ára gamli Lognberg maðurin kom inn á besta liðið hjá B71. Millum hinar spælararnar, sum hava verið við í 27 dystum, eru Jonas Flindt Rasmussen og Lukasz Cieslewicz úr meistaraliðnum B36 og Hans Pauli Samuelsen og Leif Niclasen úr EB/Streymi. Fýra í Víkingi hava verið við í øllum umførunum: Mál­ verjin Geza Turi spældi allar dystirnar á tamb uttan ein, tá ið hann fór av vøllinum tíggju minuttir undan dystar­ loki, og Erling Jacobsen, Sølvi Vatnhamar og Hanus Jacobsen vóru eisini við hvørja ferð. Tveir NSÍ spælarar vóru við í øllum umførunum: Mál­verjin Andras Gango og vongverjin Jónhard Frede­ riks­berg, sum spældu allar dystirnar á tamb utt­an ein, tá ið teir fóru av vøllinum í 2. hálvleiki. Hjá KÍ vóru lykla­spæl­ ar­arnir Hjal­grím Elttør og Kristoffur Jakobsen við í øllum 27 dystunum, og hjá ÍF var stjørnu­skotið Dánjal á Lakjuni við í øllum 27 dystunum. Ndende og málverjarnir spældu mest Einasti útispælarin, sum var á vøllinum allar 2430 minuttirnar í teimum 27 umførunum í Vodafonedeildini, var B68 miðvallarin Ndende