mikudagur 2. november 2011síða 10

Mikudagur 2. november 2011 · Nr. 127 10 Sosialurin Hugskot og viðmerkingar – send sms til 225000 Lagt til rættis: Árni Joensen Grønlendsk virkir, sum virka svartkalva til útflutnings, siga, at tað kann fáa álv­ ars­samar avleiðingar, um keyp­ararnir fara at krevja, at vøran hevur ta sokallaðu MSC-góðkenningina, sum sigur, at fiskurin er veiddur á burðardyggum grundarlagi. Qeqertaq Fish er eitt av virkjunum, sum kenna seg hótt. Erik Nielsen, nevnd­ arformaður, sigur við kring­ varpið í Nuuk, at eitt krav frá keyparunum um MSC- góðkenning kann fara at kosta felagnum nógvar peng­ ar. – Vit útfluttu umleið 3.000 tons av svartkalva í fjør og umleið 2.000 tons í ár, og tað fer at raka okkum meint, um keypararnir vraka okkara vøru, tí hon ikki hevur MSC- góðkenningarmerkið, sigur Erik Nielsen við KNR. Í Kangaamiut Seafood, sum útflytir grønlendskar fiska­vørur, sigur stjórin, Ulrik Bjerre Rasmussen, við KNR, at vørur við MSC- góð­kenning fara uttan iva at geva betri prís, og at tað slepst neyvan uttan um hend­an veruleikan. Í Danmark er Dansk Sup­ er­marked, sum eigur hand­ ilsketurnar Bilka, Føtex og Netto, givið at selja fleiri fiskavørur, sum ikki hava MSC-góðkenning. Grønland hevur ikki bið­ ið um MSC-góðkenning fyri svartkalva enn, men lands­ stýrið er í ferð við at fyrireika umsóknina. Vantandi MSC-góðkenning kann fáa stórar avleiðingar Grønlendska svartkalvaveiðan er ikki MSC-góðkend, og nú stúra virkini fyri avleiðingunum Nógvar neyð­ tøkur í Oslo Higartil í ár hevur løgreglan í Oslo fingið 49 fráboðanir um neyðtøku. Tað er tvær ferðir so nógv um alt árið í fjør Teir seinastu tilburðirnir vóru um vikuskiftið. Tá tók løg­reglan ikki færri enn átta menn, sum vórðu skuldsettir fyri kynsligan ágang, og hon hevur biðið almenningin um hjálp til at finna fleiri. Sunnunáttina varð ein kvinna fyrst í 20'árunum neyð­tikin, og seinni tók løg­ reglan ein norskan ríkis­ borgara av srilankiskum upp­runa og ein svenskan ríkis­borgara av iranskum upp­runa. Um somu tíð fekk løg­reglan boð um, at ein norð­maður hevði neyðtikið eina 20 ára gamla kvinnu. Kvøldið fyri hevði løg­ reglan eisini úr at gera. Á høvuðsjarnbreytarstøðini í Oslo vórðu fimm ungir menn úr Pakistan og Afghanistan tiknir fyri at hava gjørt seg inn á tvær gentur. Tveir aðrir tilburðir av kynsligum ágangi vórðu eisini fráboðaðir, men enn er eingin tikin í tí sam­ bandi. Men tær ungu kvinnurnar í norska høvuðsstaðnum ætla ikki at seta seg inn at kúra. Tvørturímóti hava fleiri teirra valt at brynja seg út, so tær kunnu verja seg ímóti álopsmonnum. Eitt nú hava handlarnir selt eina rúgvu av máling í sprayblikkum, og onkur handil sigur seg hava havt vitjan av ungum kvinnum, sum spyrja seg fyri um knívar. Men í handlinum mæla tey kvinnunum frá at ganga við knívi í býnum. Íslendingar arbeiða minni nú Tøl hjá OECD vísa, at ís­lendingar arbeiddu mun­andi meiri undan fíggj­ar­kreppuni, enn teir gera nú. Tølini vísa, at í fjør arbeiddu íslendingar 1.697 tímar, og tað er væl minni enn árini frammanundan. Í 2007 og 2008, tá kreppan tók seg upp, arbeiddu ís­ lendingar 1.807 tímar. Í Finnlandi arbeiddu tey eisini 1.697 tímar í fjør, og íslendingar og finnar eru teir norðurlendingar, sum arbeiða mest. Sviar arbeiddu 1.624 tímar í fjør, danir 1.554 og norð­ menn 1.414 tímar. Før­oy­ ingar eru ikki uppií. OECD-tølini vísa, at norðmenn og týskarar eru teir, sum hava ta stytstu arbeiðstíðina, meðan fólk í Kili, Ungarn og Russlandi hava flest arbeiðstímar. Biðið Interpol um hjálp Løgreglan í Íslandi hev­ur nú biðið altjóða løg­reglusamstarvið Interpol um hjálp til at finna tríggj­ar póllendingar, sum eru undir illgruna fyri at hava verið við í vápn­ aðum ráni hjá ur­smið­ inum Frank Michelsen í Reykjavík fyri fjúrtan døgum síðani. Talan er um tann 34 ára gamla Grzegorz Marcin Novak, tann 36 ára gamla Pawel Jerzy Pod­buraczynski og tann 33 ára gamla Pawel Artur Tyminski. Íslendska løgreglan er sannførd um, at men­ ninir komu til Íslands við tí fyri eyga at ræna handilin, og at tríggir teirra fóru til Danmarkar beint aftaná. Ein fjórði maður, sum var saman við teimum trimu, er tikin í Íslandi. Fáa framvegis nýggjar limir Á skrivstovuni hjá norska Arbeiðaraflokkinum og ungdómsdeildini AUF hava tey havt úr at gera við at skráseta nýggjar limir, og áhugin fyri limaskapi hevur verið serliga stórur síðani sorg­arleikin tann 22. juli. Tíðindastovan NTB skrivar, at Ar­beið­ara­ flokkurin hevur fingið 11.000 nýggjar limir higartil í ár, og at 8.000 teirra eru komin upp í flokkin síðani tann 22. juli. Herumframt hava umleið 4.000 ungfólk meld­að seg upp í AUF síðani tann 22. juli. Jan Bøhler, sum er formaður hjá Ap-val­ felagnum í Oslo, sigur við NTB, at í høvuðsstaðnum er limatalið vaksið 40 prosent, og so stóran vøkstur hevur felagið ongantíð havt fyrr.