mikudagur 2. november 2011síða 23

23 Mikudagur 2. november 2011 · Nr. 127 Sosialurin Hugskot og viðmerkingar – send sms til 225000 Ítróttur Hilmar Jan Hansen Tá seks minuttir vóru eftir av dyst­ inum í ítróttarhøllini í Runavík í gjár­kvøldið, skoraði Adina Petrea sítt fjúrtanda mál og legði Tjaldur á odda 29-23. Fyri teir fáu áskoð­ar­ arnar í høllini mundi hetta tykjast sum mønustingurin, og lítið var hugs­andi, at VÍF fór at koma afturí­ aftur. Men so tók VÍF-venjarin, Kári Mortensen, eina avgerð, ið legði botn undir ein ótrúliga góðan endaspurt, tá hann gav sínum spælarum boð um at mansverja Adinu Petrea og Alinu Olaru Anghel, sum høvdu skotið meira enn helvtina av mál­ unum hjá heimaliðnum, men eisini vóru álitið í verjuni og høvdu bundið væl fyri. Henda avgerð helt so mikið væl, at VÍF fekk hildið Tjaldri frá at fáa eitt einasta mál aftrat, samstundis sum VÍF fekk júst so mong mál, at tað rakk til javnleik, 29-29. Helvtina av hesum málunum slapp Liljan Djurhuus at skjóta, hóast hon hevði verið mansvard tað nógva av seinna hálvleiki. Ótrúliga væl komið aftur av VÍF, ið annars fyri tað nógva hevði runnið aftaná í dystinum, og hóast hetta gjørdist fyrsta stigið hjá Tjaldri hetta kappingarárið, var gleðin um tað ikki so stór, tí í roynd og veru var heimaliðið á veg ímóti sínum fyrsta sigri, men misti alt á gólvið í endaspurtinum, tá alt steðgaði upp og VÍF royndist mun­ andi betur. hilmarjan@sosialurin.fo Tjaldur - VÍF 29-29 (17-15) VÍF kom sterkt aftur Hondbóltur Tjaldur var á veg ímóti sigrinum, men við einastandandi verjuspæli seinastu seks minuttirnar fekk VÍF latið málið aftur og bart seg upp á javnt Sunset Deildin kvinnur nr. Lið Dystir Vunnin mál Tapt mál Munur Stig 1 Neistin 5 165 104 61 10 2 Stjørnan 5 122 109 13 6 3 Kyndil 5 121 118 3 5 4 VB 3 76 73 3 4 5 VÍF 4 101 105 -4 4 6 StÍF 5 110 143 -33 2 7 Tjaldur 5 123 166 -43 1 Tjaldur - VÍF 29-29 (17-15) Tjaldur: Adina Petrea 14, Heidi Sevdal 6, Alina Olaru Anghel 3, Sólfríða Pattinson 2, Ansy Sevdal 2, Ranva Jacobsen 1, Hansina Joensen 1 VÍF: Liljan Djurhuus 8, Agnas Olsen 7, Elisa Leo 6, Tóra Seloy 5, Torgunn Johansen 2, Linda Davidsen 1 STÍGUR KOM Í Tjaldur var væl á veg ímóti sínum fyrsta sigri, men steðgaði fullkomuliga upp ímóti endanum á dystinum ímóti VÍF, sum hinvegin hevði ein ótrúligan endaspurt og fekk bart seg upp á javnt Mynd: Álvur Haraldsen Hilmar Jan Hansen Seinnapartin í gjár frættist, at samstarvið millum NSÍ og Paula Poulsen sum venjara var endað í øllum góðum, eftir at Pauli hevði verið í Runavík síðani 2007 sum fyrst hjálparvenjari í eitt ár og síðani høvuðsvenjari í trý. Men ikki gekk long tíð, so frættist eisini, at Pauli hevði fingið nýggjan arbeiðsgevara í fót­bóltshøpi, tí 38 ára gamli skála­maðurin skrivaði undir við ein tvey ára sáttmála við grann­ ar­nar í B68. – Vit í Tofta Ítróttarfelag eru sera fegin um, at Pauli hevur játtað at vera høvuðsvenjari hjá felagnum komandi tvey árini, sigur Jógvan Højgaard, for­mað­ ur í B68, við heimasíðuna hjá felagnum. Pauli fer ikki heilt tómhentur út á Toftir, tí við sær hevur hann 23 ára gamla landsliðsspælaran hjá NSÍ, Einar T. Hansen, sum eisini hevur skrivað undir sátt­ mála við B68. Einar hevur síðani 2004 røkt plássið sum vinstri vongverji hjá runavíkingum, umframt at hann í fleiri ár hevur spælt á fót­bólts­ landsliðnum, men nú skal hann so venja seg við at vera B68-ari. hilmarjan@sosialurin.fo Pauli og Einar til B68 Fótbóltur Toftamenn hava tryggjað sær undirskrift frá bæði venjaranum og landsliðsspælara hjá NSÍ, nú B68 fyrireikar seg til komandi kappingarár Hilmar Jan Hansen Í gjár kom fram, at fyrrverandi lands­liðsvenjarin, Páll Guðlaugsson, vendir aftur til føroyskan fótbólt, tí hann komandi kappingarár skal venja Vodafone-liðið hjá KÍ. Páll er 53 ára gamal og hevur drúgvar royndir innan venjarayrkið, men hann hevur ikki verið at sæð í før­ oyskum fótbólti síðani 1997. – Eg hugsi stórt, so eg gleði meg at koma aftur til Føroya at vera fótbóltsvenjari. Í mun til tær upp­ gávur, eg havi havt fyrr í Før­oyum, er KÍ ein sera stór uppgáva, sigur Páll, sum síðani tíðina í Føroyum hevur verið bæði í Íslandi, Onglandi, Bermuda og nú aftur hevur verið í Íslandi. Íslendingurin hevði eisini aðrar møguleikar, tí hann hevur síðstu tíðina havt samrøður við fleiri feløg, men tá avtornaði, var tað KÍ, ið dróg mest og fekk Páll at seta undirskriftina á ein eitt ára sátt­mála við søguríka felagið í Klaksvík. – Her er talan um eitt felag, sum heilar 17 ferðir hevur vunnið før­ oyameistaraheitið, so mín uppgáva verður at finna fram til tað serliga DNA-tilfarið, sum er í fólkinum her á staðnum, so KÍ aftur kann teljast millum tey fremstu. Eg fari so at gera mítt ítarsta, fyri at fáa KÍ upp millum teir bestu her í Føroyum, sigur Páll Guðlaugsson, ið tekur við eftir Aleksandar Djordjevic, ið hev­ ur stjórnað KÍ-monnunum síðstu árini. Í løtuni er Páll í Íslandi, men í næstum kemur hann hendavegin, og ætlan hansara er, at venjingin hjá Voda­foneliðnum í Klaksvík skal byrja um ein mánað ella so. Páll skal venja KÍ Fótbóltur Eftir útlegd frá føroyskum fótbólti síðani 1997, er Páll Guðlaugsson aftur klárur at taka eitt tørn – hesa ferð sum høvuðsvenjari hjá KÍ komandi kappingarár AFTUR Á SLÓÐINA Páll Guðlaugsson er nú aftur í føroyskum fótbólti, tí komandi kappingarár skal hann venja Vodafoneliðið hjá KÍ Mynd: Álvur Haraldsen