mánadagur 7. november 2011síða 6

Mánadagur 7. november 2011 · Nr. 129 6 Sosialurin Hugskot og viðmerkingar – send sms til 225000 Randi Jacobsen Tá ið Annlis Bjarkhamar í fjør tók stig til átakið »Í menn­iskjum góður tokki«, var hon ikki heilt greið yvir, hvussu illa stóð til fíggjarliga í mongum heimum, sjálvt um hon visti, um hjá summum var smátt. – Tað var rættliga skelkandi at síggja umsóknirnar, sum vístu, hvussu lítið nógvar familjur hava at liva fyri, og støðan er neyvan batnað, tí almannaveitingarnar eru ikki hækkaðar, og arbeiðsloysið er ikki minkað, sigur Annlis Bjarkhmar. Haraftat vísir tað seg, at fólk, sum leingi hava verið ar­beiðsleys, hava ilt við at koma aftur í arbeiði, og ar­ beiðs­loysis­stuðulin minkar fyri hvørt ár. Tað eru ikki bara ar­ beiðs­leys, sum eru illa fyri fíggjarliga. Sjúka kann eisini gera sítt fyri styttri ella longri tíðarskeið, og stakir uppi­ haldarar eru sera illa fyri. Einastandandi stuðul Hinvegin var hon ovurfegin um góða viljan hjá fólki at hjálpa teimum, sum eru illa fyri. Næstan ein millión krón­ ur komu inn. Tað mesta kom frá einstaklingum, men bæði fólkakirkjan, aðrar sam­ komur, feløg, kommunur og fyri­tøkur stuðlaðu væl. – Longu nú hava vit fingið 25 teldubrøv frá fólki, sum spyrja, hvussu verður í ár. Tað sigur mær, at summi veruliga sita og bíða og vóna, sigur Annlis Bjarkhamar. Her vantar eitt trygdarnet, og neyðugt er at seta eitt minstamark fyri, hvat skal til fyri at kunna liva eitt rímiligt lív í Føroyum, sigur hon. – Tað snýr seg um nakað so einfalt sum at hava ráð til at gjalda rokningar og at hava ráð til at keypa mat. Nógvar familjur eru í støðugum bar­ daga fyri at yvirliva, sigur Annlis Bjarkhamar. Nevndin Hon heldur tað vera sera gott, at fólkakirkjan við Jógvan Fríðriksson, bispi á odda og aðrar samkomur við stuðla til­takinum og harvið vísa rættan næstrakærleika. Ein nevnd er fyri grunnin »Í menniskjum góður tokki«, og í nevndini sita umframt Annlis Bjarkhamar, sum er for­kvinna, Lena L. Mohr, stjóri á Sansum, umboð fyri vinnu­lívið, kassameistari, Theodor D. Olsen, prestur, um­boð fyri fólkakirkjuna, Katrin Egholm Isfeld, for­ kvinna í Kiwanis Rósan, um­boð fyri felagsskapir, Hall­bjørg Lamhauge, leiðari á fosturforeldraskipanini, Guðrið R. Petersen og Laufey Blaasvær, samskipari. Enn eru eingi tiltøk løgd til rættis, men ætlanin er at brúka sama leist sum í fjør, tá ið fólk kring landið tóku stig til tiltøk fyri at fáa pening inn. Tiltøkini vóru sera ymisk, men tað vóru tiltøk við onkrum góðum innihaldi, samstundis sum tey góvu pening. Tey tiltøkini fevndu heilt frá innandura fótbólts­kapp­ ing til sølu av bundnum vør­um, listaverkum, smá­ køk­um, tombola og stuðuls­ kon­sertum. Hugflogið at skipa fyri var stórt, og meira enn 20 prosent av samlaða stuðli­num kom inn við hes­ um tiltøkum. Alt fer til stuðul – »Í menniskjum góður tokki« brúkar ikki eitt oyra til umsting ella lønir. Hvør einasta króna, sum kemur inn, fer beint í grunnin, sigur Annlis Bjarkhamar. Nevndin hevur skrivað til øll kirkjuráðini í landinum og biðað tey stuðlað aftur í ár. Stuðul úr grunninum fáa einans barnafamiljur, sum hava tað tyngst. Jól verða umtalað sum barnanna hátíð. Tað er sárt hjá teimum, sum ikki hava ráð til ein góðan bita á jólum, og tað svíður, tá ið foreldur ikki hava ráð at geva børnum sínum eina jólagávu. Júst tað við gávuni hevur stóran týdning, tí sein­ast valdu heilt nógvar familjur at fáa gávukort at keypa leikur fyri. Í fjør søktu næstan 400 familjur um hjálp úr grunn­ inum, og peningurin rakk til at hjálpa 1241 børnum, ungum og vaksnum. – Tær afturmeldingar, vit hava fingið frá teimum, sum fingu jólahjálp í fjør, bera boð um, at tað munaði ómeta­liga væl og gjørdi jólini til nakað heilt serstakt, sigur Ann­lis Bjarkhamar, sum inni­liga heitir á øll góð fólk um aftur í ár at lata nakað fyri at hjálpa hart kroystum barna­ familjum. Fólk liva í armóð Annlis Bjarkhamar hevði hug at gráta, tá ið hon í fjør las umsóknirnar og fekk innlit í, hvussu smátt nógv fólk hava tað. Heru eru nøkur brot: Havi arbeitt max eina viku tilsamans í no­ vember, slett ikki í de­ sembur og áni ikki, nær eg sleppi til arbeiðis aftur. Ongin fiskur, onki arbeiði. Fái frá fiskavirkisskipanini, men tað er syndarliga lítið. Tað dekkar ikki útreiðslurnar, kontoin stendur á minus 3900 kr. Havi fingið loyvt trot. Fekk ikki eingang ráð at gjalda húsaleigu sjálvur í desembur, mátti lána pengar til tað. Eg havi onga idé um, hvussu eg skal kunna hava ráð til nakra jólagávu í ár. Eg eri totalt í neyð. Mest av øllm vil eg kunna keypa soninum hjá mær eina jólagávu. (Pápi við einum barni) Vit hava minus hvønn mánað. Vit gjalda 10.000 kr inn á heildarkonto, men nú vit eru arbeiðsleys, megna vit ikki at gjalda so nógv. Tí gera vit tað, eiga vit ikki fyri mat. Vónleyst. (Par við fimm børnum) Havi í vikur gingið við tannapínu, fari eg til tann­lækna, eiga vit ikki fyri mat. (Pápi við trimum børnum) Havi eina sjúkra dóttur, nógvur peningur fer til heilivág. Vónandi kunnu tit hjálpa okkum hesi jólini. (Mamma við tveimum børnum) Hetta er ein óndur sirkul, um eg gjaldi rokn­ingar, eiga vit ikki fyri mat. Men rokn­ ingar mugu gjaldast, men hvat geri eg so við mat. (Mamma við fýra børnum) Tað er ein kampur fyri at yvirliva, havi ikki livað í nógv ár. (Mamma við fyra børnum) Ein skylda at hjálpa næstanum www.hjalp.fo Átakið »Í menniskjum góður tokki« er farið av bakkastokki aftur, og stigtakarin Annlis Bjarkhamar vónar, at undirtøkan verður líka góð sum í fjør, so barnafamiljur í smáum korum kunnu fáa hjálp til jóla – Taå ger stóran mun hjá illa støddum familjum at fáa hjálp til jóla, sigur Annlis Bjarkhamar, stigtakari Mynd: Álvur Haraldsen Tað snýr seg um nak­að so einfalt sum at hava ráð til at gjalda rokningar og at hava ráð til at keypa mat »Í menniskjum góður tokki« brúkar ikki eitt oyra til umsting ella lønir