mánadagur 7. november 2011síða 12

Mánadagur 7. november 2011 · Nr. 129 12 Sosialurin Hugskot og viðmerkingar – send sms til 225000 Kjak At svikað verður, og tað í stórum stíli, er væl kent. Eisini hættirnir, ið nýttir vera, eru vælkendir og hava verið uppi at venda í miðlunum seinastu tíð­ ina. At útisiglarar hava staðið fyri skotum, hóast teir einans fylgja gjørdum avtalum, er sjálvandi ikki í lagi, tí okkara fundamentala krav má vera, at øll fylgja teimum reglum og lógum, ið landsins lóggevarar hava gjørt, og at neyvt eftirlit   er við teimum, soleiðis at fækst møguligt kunnu sleppa sær undan at fylgja teimum. Lønmóttakarar, ar­ beið­arar og fiskimenn kunnu sjálvandi als ikki góð­taka, at teir fyrst skulu gjalda fyri seg og síðani fyri minst ein Amann aftrat, ið hevur sloppið sær undan. Byrð­an gerst ov tung við Amanninum á rygginum. Hann má vippast av og fáa eitt loss í reyvina, so eisini hann kann svara hvørjum sítt. Til tess má TAKS fáa neyðugu orkuna bæði hvat viðvíkur vitan og fígging, soleiðis at holufólkið bæði kann verða roykt og rikið framm í ljósið og har standa til svars fyri myrkursins gerðir og gjalda tað, tey eiga at gjalda - hvørki meira ella minni. 90% av holufólkinum eru Amenn, sum stuðla Apolitikki og  øvugt. Um TAKS tí at byrja við fylgir Aslóðini, so skuldi stórur fongur verið vísur, og flestu Amenn verðið tiknir. Síðani skuldi verið rímuliga lætt at sett gørn­ini á grynnri vatn og fingið holini bøtt, soleiðis at bert tað smæðsta hevur nakran tjans yvirhøvur fyri sleppa ígjøgnum. Men skal stríðið vinn­ ast, so mugu fakfeløgini leggja rygg til eini: Fólkafylking móti skattaundandrátti,- svindli og - sviki. Eydnast stríðið - og tað skal tað - so vil úr­ slit­ið gerast størsti real­lønar­vøkstur fyri allar fak­felagslimirnar nakran­tíð, tí teirra skatt­ ur kann tá møguliga set­ ast niður við einum trið­ ingi. Alternativið verður dødens pølse serverað av komandi samgongu undir heitinum flat-tax. Fólkafylking móti skatta­ undandrátti, -svindli og -sviki Dagfinnur Danbjørg Vit hava uppá stutta tíð havt tvey val. Fyrst Folka­ tingsvalið, og nú seinast Løg­tingsvalið. Eins og vit sóu Murdoch stýra tað seinasta bretska valið, so var okkara egna pressa rættiliga nærverandi í báðum valinum her heima. Ikki tað, at pressan "coachaði" valevnini so nógv, men veljarin fekk umfatandi "undirvísing". Til dømis vildi ein ábyrgdarblaðstjóri vera við, at Tjóðveldi onga orsøk hevði, at stilla upp til Fólkatingsval, tá flokkurin var úti eftir at avtaka um­ boðanina á Fólkatingi. Fyri óvitandi fólki kann tað ljóða eitt sindur logiskt. Men veruleikin er, at skalt tú koma nakran veg, ert tú noyddur at byrja arbeiðið á Danatingi. Rætt nokk sigur Christiansborg, at avgerðin um ríkisrættarliga støðu Føroya skal takast í Føroyum. Men, fyri at siga tað uppá tann mest siðiliga mátan, so er tað ein heldur alternativur sannleiki. Uttan mun til, hvør er forsetisráðharri ella hevur annað høgt embæti, so eru boðini greið: Vit sleppa ikki at hava eina stjórnarskipan, sum uppá nakran máta opnar fyri at vit kunnu hava eina politiska tilgongd, sum hevur til endamáls at gera Føroyar til eitt egið land. Men einki tíðindafólk heldur, at tann problematikkurin er viðkomandi. Ein sera dugnaligur politik­ari, sum sá, hvussu ógjørligt tað var at fáa nak­ að nýtiligt úrslit, bert við at dansa við danir, gjørdi av at fara úr hjúna­band­inum, og hava eitt leyst "for­hold" við sín dansi­part­nara. Men úrslitið er, at hann nú hevur gonorré í makrelinum, sum hann hevði alvársligar ætlanir við. Tí hjúna­band Danmarkar er við Europa­ samveldinum, og Føroyar fáa ikki onnur rættindi, enn tey, sum Dan­mark sjálvt velur at lata. Tað eru nógv ár síðani eg sá, at føroyingar ikki hava mót uppá at taka loysing. Tá er einasta rætta loysnin at aftur gerast eitt danskt amt. Bert tá fáa danir ábyrgd av okkara støðu.Sum støðan er nú, kunnu Christiansborg og danska handilslívið tulka allar lógir og avtalur sum tey vilja. Tá ið vit minnast, hvussu farið varð fram móti Fossbankanum, hava vit grund til at spyrja, hví tað nú er tøgn um ta gøluna. Eitt var, at ein stovureinur bretskur banki varð lagdur undir at vera "skitin". Nakað annað var, at Fossbankin ikki var insolventur. Nú vita vit sjálvandi, at hetta var eitt minni mál í øllum bankahøpinum, men her er tað lættari at fáa eyga á tað órímiliga í at slakta bankan. Hví lat tann politiska skipanin í Føroyum hurðina aftur til hetta álvarsmál? Eg havi einki innlit í, hvat politik­arar sínámillum tosa um. Eg veit hinvegin, at tað eru danir, sum ráða. Jú, eitt afturat veit eg: Okk­ara politikkarar, serliga lands­ stýr­isfólk, kunnu uppá heilt fá ár skaffa sær eina pensjón, sum er fleiri ferðir størri enn tann pensjónin, sum ein vanligur føroyingur kann spara upp til gjøgnum fjøruti ár, og tað kann sjálvandi vera gott at hava. Tað løgna er, at sjálvt um eg hevði havt valrætt, so var eg nokk einsamallur um at ræðast ta gongdina, sum nú er, tað at okkara hátt virdu politikkarar halda fram við bert at spæla. Tað er heima­ stýrið! Tí sigi eg: Finn Norman Christensen (æt hann so?) má jarðast sum skjótast, Før­oyar má gerast eitt amt, og amtið má vera bert ein kommuna. So verða út­ reiðsl­urnar helst minni. Eitt afturat: Vinur okkara, Poul Nyrup Rasmussen staðfesti, at føroyskt er eitt danskt minni­lutamál. Kann tað gerast betri Thorbjörn Brochs Tórshavn Nú, aftaná Eg lærdi, at vit ikki hava demo­krati í Før­oyum. Hin­ vegin lærdi eg, at tað er eitt greitt samband millum peng­ ar og tinggáttina. Tað vóru tey væl­hav­andi, lýsingar­ fyri­tøkur, miðlar og timb­ ur­handlar vunnu, meðan demo­kra­tiið tapti val­ið. Tað fyrsta tú skalt gera, tá tú stillar upp, er at gera teg sjónligan og syrgja fyri, at tínar meiningar koma út til fólkið. Longu her svíkir demo­kratiið.   Eitt gjøgnum­ført valstríð = $$$ Ætlar tú at skriva eina heil­ síðu í bløð­unum, so kost­ ar tað uml. 3.000 kr. Skalt tú so skriva eina síðu um vikuna í Dimmu, Sosialinum, Gratisavísini, Norð­lýsið og øðrum val­bløðum, so skalt tú av við 10.000+ um vikuna. Skalt tú koma runt til øll fólk, so mást tú eisini brúka ymisku portalarnar á net­in­um. Her hava vit nordlysid.fo, vagaportal. fo, sandportal.fo, roddin.fo osfr.. Hesir taka uml. 400 kr fyri hvørja grein. Hetta gevur uml. 2.000 kr aftrat um vik­ una.   Síðani koma lýsingarnar.  Ein síða í bløðunum kostar uml 10.000 kr.. Skalt tú eisini lýsa á ymsu portalunum, so kostar hetta eisini nakrar 1.000 krónur. Umframt, at lýsingar á Rás 2 eisini kosta pengar.  Leysliga roknað, so kostar ein vika við gjøgnumførdum valstríði uml. 50.000 kr um vikuna.   ... men enn mangla vit plakatir, sum kosta uml. 3.000,- fyri 100 stk.. Skalt tú hava nakrar størri plakatir, so kosta tær eisini tað meir. Visitkort kunnu kosta heilt upp í 2.700,- fyri 250 stk.. Umframt hetta, so skalt tú eisini gjalda fyri træplátur, pelar, lím og strips. Hetta tilfarið kostar uml. 2.000 kr. fyri 30 plakatir.   Brúka vit hetta dømið, so kostar hesin parturin uml. 7.700,-.   Stutta av tí langa: Tað eru tey, sum hava pengar, sum verða sædd, og tað eru tey, sum verða sædd, sum verða vald. Ps. tølini eru ikki heilt 100%, men tey eru á góðari leið. Hergeir Staksberg Hetta lærdi eg av valinum At úti­sigl­ ar­ar hava staðið fyri skot­ um, hóast teir ein­ ans fylgja gjørd­um avtal­um, er sjálv­ andi ikki í lagi