mánadagur 7. november 2011síða 14

Mánadagur 7. november 2011 · Nr. 129 14 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen So hvørt, sum fleiri dystir verða spældir í Eik-liguni hjá kvinnum, kem­ur sjónligari til sjóndar, hvørj­ um liðum vit kunnu rokna við heilt har frammi, og hvørjum vit ikki skulu rokna so nógv við. Og sum tað sær út nú, verða tað Mjølnir, Fleyr og SÍ, ið síggja út til at skula kappast um tey bæði FM-finalu­ plássini, sum eru. Serliga er Mjølnir vælkoyrandi, tí liðið hevur enn ongan tapt av teimum fyrstu fimm dystunum. Tí var stórur spenningur undan toppdystinum hjá kvinnunum í gjár, sum var ímóti Fleyr, ið heldur ikki hevði tapt. Henda dystin vann Mjølnir 3-2, og sostatt hava klaks­víkskvinnur sett seg væl í oddasessin. Ikki var tann stóri munurin á liðunum, sum skiftust um at vinna tey fýra settini, so greitt var, at her skuldi eitt fimta sett til. Her hevði Mjølnir nógv størri yvirskot og vann sannførandi, 15-6, og harvið var sigurin og oddasessurin staðfestur væl og virðiliga í einum dysti, sum til tíðir var merktur av sera góðum spæli, men samanumtikið vísti heldur skiftandi avrik. SÍ hongur í Kvinnurnar í Sørvági hava tapt av fimm dystum hetta kappingarárið, og tað hava verið dystirnir ímóti teimum báðum liðunum, ið liggja omanfyri á stigatalvuni, Mjølnir og Fleyr. Tá kappingin byrjaði, var ÍF eisini væl við, so tí var eitt sindur av spenningi, tá ÍF vitjaði í Sørvági hóskvøldið. Men kvinnurnar hjá SÍ vístu frá fyrstu løtu, at tær ikki ætlaðu at lata nakað frá sær, og tær høvdu eisini munin øll trý settini í 3-0 sigrinum. Tað mundi blivið eitt sindur spennandi í øðrum setti, men heldur ikki meira enn tað, og sostatt hongur SÍ framvegis væl við, meðan ÍF er dottið niður á trið­ aftasta pláss. Fyrsti TB-sigurin Aftur í ár eru kvinnurnar hjá TB komnar illa frá byrjan, og tað hevur hingið sum ein skuggi yvir liðnum, sum ikki fyrr enn í fimta dystinum fekk sín fyrsta sigur. At hetta tó var ein sigur, ið ikki sigur stórt um styrkina hjá tvørakvinnum, vísir eisini, at hann varð vunnin ímóti einum øðrum liði, ið heldur einki hevði vunnið áðrenn. TB-kvinnurnar vóru á vitjan í Kollafirði, har tær vunnu ein sera tryggan 3-0 sigur, og dysturin vísti, at ungu og evnaríku spælararnir hjá TB hava framtíðina fyri sær. Hinvegin gongst illa í hond hjá KÍF, sum seinnu árini hevur hingið í botninum og havt ilt við at vunnið seg uppeftir. hilmarjan@sosialurin.fo Mjølnir vann toppdystin Flogbóltur Kvinnurnar hjá Mjølni høvdu munin, tá tær í gjár høvdu vitjan av Fleyr. Í endurtøkuni av FM-finalunum síðst vetur máttu fimm sett til, áðrenn vinnarin var funnin FYRSTI SIGURIN Kvinnurnar hjá TB vunnu sín fyrsta landskappingarsigur í vetur, tá tær í botndystinum í Kollafirði leygardagin vunnu 3-0 á KÍF Mynd: Álvur Haraldsen Hilmar Jan Hansen Eitt sindur ymiskt er, hvussu nógvar dystir mansliðini hava spælt, og tí er eisini eitt sindur torført at gera eina heilt álítandi støðu upp. SÍ og Mjølnir hava spælt fýra dystir, meðan Fleyr, ÍF og TB bara hava spælt tveir dystir í part. Men allíkavæl sær út til, at sørvingar eru rættiliga væl koyrandi. Leygardagin vóru menninir í Mjølni á vitjan í Sørvági, men blivu sendir heimaftur sum av torvheiðum, tí SÍ vann dystin 3-0. Ikki var tann stóri munurin á í øllum settunum, men kortini var talan um ein tryggan sigur, har serliga fleiri av yngru spælarunum hjá SÍ vístu styrki og tóku ábyrgd, nú onkrir av teimum meira royndu høvdu forfall. hilmarjan@sosialurin.fo Sørvingar á odda Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 5 5 0 15 2 13 10 2 Fleyr 5 4 1 14 4 10 8 3 SÍ 5 3 2 10 6 4 6 4 Ternan 4 2 2 6 6 0 4 5 Dráttur 4 2 2 7 8 -1 4 6 ÍF 5 2 3 6 11 -5 4 7 TB 5 1 4 6 12 -6 2 8 KÍF 5 0 5 0 15 -15 0 SÍ - ÍF 3-0 (25-17, 25-21, 25-14) KÍF - TB 0-3 (11-25, 17-25, 15-25) Mjølnir - Fleyr 3-2 (25-19, 21-25, 27-25, 23-25, 15-6) Ternan - Dráttur (í kvøld kl. 19.30) Eik-ligan menn nr. Lið Dystir Vunnið tapt vunnin sett tapt sett munur Stig 1 SÍ 4 3 1 11 4 7 6 2 Mjølnir 4 2 2 7 7 0 4 3 Fleyr 2 1 1 4 4 0 2 4 ÍF 2 1 1 4 5 -1 2 5 TB 2 0 2 0 6 -6 0 SÍ - Mjølnir 3-0 (25-23, 25-20, 25-22) Bárður við í viðgongd Flogbóltur Væl gongst fyrr­ ver­andi lands­liðsspælaranum, Bárði Bendix Mikkelsen, sum nú er hjálpar­venjari hjá danska meistara­ felag­num, Marienlyst Volley Hilmar Jan Hansen Ikki kann sigast annað, enn at væl gongst Bárði Bendix Mikkelsen, sum er hjálpar­ venjari hjá danska flogbólts­ felag­num, Marienlyst Volley. Um vikuskiftið var liðið í Linköping í Svøríki og spældi inn­leið­andi umfarið av norður­ lendsku kappingini fyri feløg, NCC. Har endaði Marienlyst í einum sera sterkum bólki sam­ an við Linköping og norska Førde. Bólkarnir verða gjørdir út frá teimum úrslitum, liðini hava í síni heimligu kapp­ing, men at hetta var ein krút­ bólkur, varð undirstrikað av, at hesi trý øll vóru millum tey fýra bestu norðurlendsku liðini síðsta kappingarár. Í fyrsta dystinum vann Førde 3-2 á Linköping og síðani vann Marienlyst 3-1 á Førde. Hetta merkti, at Marienlyst í sein­asta dystinum bara skuldi vinna tvey sett ímóti Linköping fyri at koma víðari, og tað eydnaðist akkurát, tí Linköping vann dystin 3-2. So­ statt kom Marienlyst víðari í kapp­ingini, har nú bara fýra tey bestu eru eftir. Enn er ikki greitt, hvar kapp­ingini millum hesi fýra verður spæld, men hon er sett til at vera frá 27. til 29. januar 2012. Tey fýra liðini eru Marien­lyst, Middelfart og Gentofte, sum vóru trý tey bestu í donsku kappingini síðsta kapp­ingarár, og Nyborg, sum kemur úr Bergen og vann norska meistaraheitið í fjør. – Vit hava fingið eitt gott og spennandi nýtt lið í ár, eftir at fleiri av føstu manningini frá síðsta kappingarári eru farnir víðari til størri feløg í Europa, sigur Bárður Bendix Mikkelsen, ið bæði er hjálparvenjari hjá besta mansliðnum og talent­ venjari í Marienlyst Volley. – Spælararnir hjá okkum koma úr sjey ymsum londum. Tveir eru úr USA, tveir úr Ís­ landi, ein úr Norra, ein úr Australia, ein úr Skotlandi og ein úr Litava, og so er restin ein góð blanding av ungum og evnaríkum donskum talentum og meira royndum donskum landsliðsspælarum. hilmarjan@sosialurin.fo