mánadagur 7. november 2011síða 15

15 Mánadagur 7. november 2011 · Nr. 129 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Kvinnurnar hjá VB, sum síðsta kappingarár fleiri ferðir argaðu tey fremstu, tykjast vera førar fyri meira enn bara at arga hetta kappingarárið. Sum er, hevur VB sama stigatal sum Stjørnan, men hevur spæl ein dyst minni og hevur annars eina málúrtøku, sum er trý mál verri, og tí er Stjørnan enn frammanfyri. VB legði fyri við at vinna á heimavølli ímóti bæði Stjørnuni og Tjaldri, men síðani hevur liðið tapt á útivølli fyri Neistanum. Fríggjakvøldið var so fjórði dysturin á skránni ímóti Kyndli, sum vegna samfelagsmøti hesa ferð ikki hevði heimavøll í ítróttarhøllini á Hálsi, men í Hoyvíkshøllini. Kyndil hevur havt eitt sindur blandað úrslit í vetur, tí liðið byrjaði við at spæla javnt ímóti VÍF, men hevur síðani vunnið á Tjaldri og StÍF og tapt tepurt fyri bæði Neistanum og Stjørnuni. Og undan dystinum fríggjakvøldið var Kyndil eitt stig framman fyri VB, sum kom á vitjan. Her var kortini einki at gera, tí VB stormaði avstað næstan frá fyrstu løtu og vann sær mitt í fyrra hálvleiki ein avgerandi fyrimun, ið skuldi vísa seg at halda. VB var á odda 8-3 mitt í fyrra hálvleiki og hevði leiðsluna 15-10 í steðginum, og tað eydnaðist ongantíð Kyndli aftur at fáa fatur í vágskvinnum, ið onkra løtu vóru á odda við níggju málum og tískil vunnu dystin trygt. hilmarjan@sosialurin.fo Endiliga bragdaði VB køvdi Kyndil Hondbóltur Kvinnurnar hjá VB eru væl við í kappingini um at bjóða Neistanum av, og sigurin á Kyndli fríggjakvøldið styrkti munandi um støðuna á stigatalvuni VB Á VINNARAKÓS Kvinnurnar hjá VB fóru mestsum beinanvegin frá Kyndli í dystinum fríggjakvøldið, sum var spældur í Hoyvíkshøllini, tí ítróttarhøllin á Hálsi var upptikin av samfelagsmøtum Mynd: Álvur Haraldsen Hondbóltur Bæði kvinnu- og manslandslið hava roynt seg, men til fánýtis. Ikki fyrr enn U23-menninir fóru til Írlands, bar til at vinna eina Challenge Trophy-kapping og koma í ta stóru finaluna, sum verður í serbiska høvuðsstaðnum eftir nýggjár Hilmar Jan Hansen Síðani kvinnulandsliðið í 2004 var til fyrstu Challenge Trophy- kapp­ingina í italska vínbýnum, Mezzocorona, er spæld ein røð av finalum, uttan at tað nakrantíð er eydnast føroysku landsliðunum at vinna, hvørki kvinnum ella monn­ um. Men um vikuskiftið bragdaði endiliga, nú U23-manslandsliðið var í Limerick í Írlandi og kappaðist við Georgia, Írland og Ongland. Tað eydnaðist ungu monnunum at vinna allar sínar dystir, og so­ statt at vinna bólkaspælið í bólki A, sum gevur atgongd til ta stóru Challenge Trophy-finaluna, sum verður ímóti vinnaranum í bólki B. Henda finala verður spæld í ser­ biska høvuðsstaðnum, Beograd, í januar mánaði. Føroysku U23-menninir løgdu fyri við at vinna 30-20 á Írlandi fríggja­kvøldið og leygardagin vunnu teir heili 40-22 á Onglandi. Sam­stundis hevði Georgia vunnið 31-25 á Onglandi og 37-21 á Írlandi, so Før­oyar og Georgia skuldu hittast í bólka­finaluni seinnapartin í gjár. Longu frá byrjan komu Føroyar á odda við tveimum og trimum málum, og tað var munurin stórt sæð allan dystin. 10 minuttir inn í seinna hálvleik gjørdi Georgia tó ein vørr og fekk munin niður á eitt og tvey mál, men hóast før­oyskar feilir og eitt sindur av nerv­um, so eydnaðist føroysku U23-monn­ unum at halda tørn og vinna 23- 21. Hálv­leiksstøðan var 14-11 til Føroyar. – Ein av spælarunum hjá Georgia var framúr góður, men tað eydn­aðist okkum at seta hann úr spæl­inum, og so koyrdi tað bara hjá okk­um. Eisini høvdu teir gott fólk í mál­inum, men skjúttarnir hjá okkum royndust bara so mikið betur, sigur Dia Midjord, sum saman við Kára Nielsen er landsliðsvenjari hjá U23-monnunum. Skulu møta Moldova Hetta var annars ein spennandi og undirhaldandi dystur, har Niklas Reginsson var kosin besti spælari, eins og hann var tað ímóti Onglandi, og Jóannes Prestá var besti spælari ímóti Írlandi. Sum vanligt til slíkar kappingar, verða spælarar valdir til eitt All Star-lið, og har eydnaðist Høgna Klein Olsen og Jóhan á Plógv Hansen at vinna sær heiðurin sum vongur í hvør sínum borði. – Vit eru allir fegnir um at hava vunnið okkum í finaluna, sum verður ímóti Moldova, ið vann hin bólkin. Tað verður ein minst líka spenn­andi og krevjandi dystur, tí Moldova er helst eitt lítið vet sterk­ari enn Georgia, so vit skulu veruliga spíla okkum út, tá vit í januar møta moldovum í finaluni í Beograd, sigur Dia Midjord. – Eisini fegnast vit um, at okkara U23-landslið kann fáa ein sovorðnan sigur á leiðini, sum vit nú fingu um vikuskiftið, tí tað er hugaligt, tá vit arbeiða við at byggja nakað upp. Kanska hetta eisini ger fleiri av teimum spælarunum enn svangari, sum vóru nær við at koma við, so teir spíla seg meira út og gera kappingina um plássini størri. Nú floglíkindini hava argað, er føroyski U23-hópurin verið strand­ aður í Írlandi síðani í gjár, men tað síðsta, vit frættu fyri evstamark, var at ferðalagið skuldi sleppa úr Shannon við kós ímóti Vágum um eitttíðina ella har á leið. hilmarjan@sosialurin.fo Sunset Deildin kvinnur nr. Lið Dystir Vunnin mál Tapt mál Munur Stig 1 Neistin 5 165 104 61 10 2 Stjørnan 5 122 109 13 6 3 VB 4 106 96 10 6 4 Kyndil 6 144 148 -4 5 5 VÍF 4 101 105 -4 4 6 StÍF 5 110 143 -33 2 7 Tjaldur 5 123 166 -43 1 Kyndil - VB 23-30 (10-15) Kyndil: Randi S. Wardum 7, Annika Sigurðsdóttir 4, Anja Heinadóttir 3, Anna Brimnes 2, Jórun S. Ludvig 2, Birita Mortansdóttir 2, Guðrið G. Eystberg 1, Bára K. Hansen 1, Bjarta Johansen 1 VB: Bára K. Mortensen 8, Helga Ey. Kjærbo 7, Rannvá Johannessen 5, Gurið K. Mortensen 4, Natasha Ivanovski 3, Una Egillsdóttir 2, Andrea Nielsen 1