mánadagur 7. november 2011síða 16

Mánadagur 7. november 2011 · Nr. 129 16 Sosialurin Hugskot og viðmerkingar – send sms til 225000 Ítróttarblaðið Støkk og sagnirnar sigraðu Fimleikur Fýra góðar og sera fjølbroyttar framførslur myndaðu Fimleikafagnaðin 2011, men tá avtornaði, hevði Støkk munin á hinum feløgunum Fimleikafagnaður Hilmar Jan Hansen Norðurlandahúsið var um viku­ skiftið karmur um Fimleikafagnaðin 2011, har fýra fimleikafeløg fingu eitt korter í part til at lýsa eitt evni við fimleikarørslum. Undanfarin ár hava feløgini havt møguleika fyri at komið við 100 fimleikarum í part, men í ár var talið hækkað upp í 120, og var hetta sjálvandi serliga kærkomið hjá serliga størru feløgunum, ið hava nógvar virknar limir. Vanliga er eitt evni ásett, sum øll feløgini skulu halda seg til, men hesa ferð var evnið frítt, og tí høvdu feløgini eisini púra fríar teymar í sínum fyrireikingum. Tað vísti seg eisini, at øll fýra feløgini vóru farin ymsar vegir við evnum og sera fjøl­ broyttum framsýning. Evnið hjá Havnar Fimleikafelag var »Tær sjey deyðssyndirnar«, hjá Ljósinum »Snjóhvíta«, hjá Flogi »Ein dreymur« og hjá Støkk var evnið »Føroyskar sagnir«. Við so ymiskum evnum var sjálvandi torført at saman­bera og taka dagar ímillum, og tí gjørdist talan um eina sera javna kapping. Tvær framførslur vóru leygar­ dagin og tvær í gjár, og tað var eftir ta seinnu í gjár, at úrslitið skuldi avdúkast og vinnarin heiðrast. Spenn­ingurin var sera stórur, men tá avtornaði, var tað Støkk, ið vann Fim­leikafagnaðin 2011, og sjálvsagt var frøin óføra stór, tí felagið hevði ikki vunnið síðani 2008. – Vit eru sjálvsagt sera fegin um heiðurin. At gerast vinnari í ein­ari slíkari kapping hevur stóran týdn­ ing fyri felagið, tí tað styrkir og er við til at betra um samanhaldið mill­um limirnar í felagnum, siga tey í Støkk eftir sigurin í gjár. hilmarjan@sosialurin.fo Myndir: Álvur Haraldsen