týsdagur 17. februar 2004síða 16

Nr. 32 - 17. februar 2004 31 31 30 Nr. 32 - 17. februar 2004 C M Y K 30 Hóast tað higartil ikki er komið fyri, at fleiri enn eitt valevni hava verið til formanssess- in í Fótbóltssambandi Føroya, so kundi aðalfundurin leygar- dagin bent á, at nú skulu fleiri valevni skjótast upp FSF FORMAÐURIN Jákup Mørk Tað er ongantíð komið fyri áður. Men á aðalfundinum hjá FSF leygardagin var tað okkurt, sum bendi á, at nú eru tað fótbóltsfeløg, sum vilja hava eina broyting í. – Vit vilja hava nakað at velja í. Tað segði Atli Gregersen, sum umboðaði SÍF, og sum segði seg sita við somu kenslu, sum formaðurin í VB hevði givið til kennar. Tá ið tað verður sagt, at feløgini vilja hava nakað at velja í, so kann tað ikki skiljast øðrvísi, enn at tað skulu vera fleiri enn eitt valevni til formanssessin. Um tað verður soleiðis, tá ið fundurin verður tikin uppaftur leygardagin 20. mars, so verður støðan øðr- vísi, enn hon hevur verið á øllum aðalfundunum, sum hava verið, síðani FSF varð stovnað í 1979. Á fyrsta aðalfundinum varð Christian Olsen valdur til formann. Eingin stillaði upp ímóti honum. Í 1981 varð Tórleif Sigurðsson valdur til formann. Eingin stillaði upp ímóti honum. Tá ið Tórleif fyri eitt sindur meiri enn tveimum árum síðani hevði boðað frá, at hann ikki fór at taka við afturvali, eftir at hann hevði verið valdur uttan mótvalevni í 20 ár, vóru fleiri møguligir formans- kandidatar nevndir. Men tá ið freistin at skjóta for- mansvalevni var farin, var bara eitt uppskot til for- mann. Tað var Dánial Andreasen, sum aðalfund- urin fyri tveimum árum síðani valdi uttan atkvøðu- greiðslu. Hesa ferð var eitt valevni, men hann varð ikki valdur. Fundurin varð útsettur. Um talan var um misálit á Frithleif Olsen, sum var tann einasti í uppskoti, ella um talan var um misálit á teir, sum høvdu skotið Frithleif Olsen upp og teir, sum stuðlaðu, at valið skuldi vera leygardagin, ber illa til at siga nakað um. Frithleif Olsen boðaði sjálvur frá, at hann hevði einki ímóti, at fundurin varð útsettur. Hann tóktist ikki vera serliga fegin um, at hann møguliga fór at verða valdur til formann bara við undirtøku frá einum parti av feløgunum. Eftir fundin skiltist tað á fleiri fundarluttakarum, at teir tóku undir við uppskot- inum um at útseta formans- valið og nevndarvalið, tí teir vónaðu, at tað tær næstu vikurnar fer at bera til at mýkja støðuna, so- leiðis at Fótbóltssamband Føroya og harvið føroyski fótbóltsheimurin ikki skal ganga í tveimum nærum eins stórum bólkum. Eftir drúgvt orðaskifti um formanssessin og uppstillingina varð samtykt við teprum meiriluta at útseta val av formanni og nevndarlimum FSF FORMAÐURIN Jákup Mørk Fótbóltsfeløgini fóru sum av torvheygum úr FSF hús- inum leygardagin. Í hvussu so er tey, sum høvdu rokn- að við, at nevndin fór at verða mannað, og at nýggjur nevndarformaður fór at verða valdur á árs- aðalfundinum. Punktið hes- um viðvíkjandi varð útsett til leygardagin 20. mars. Tá verður aðalfundurin tikin uppaftur, og tað verður einki annað á skránni enn punktið, sum hevur við nevndarval at gera. Fyri uppskotinum um at útseta valini atkvøddu tólv. Ímóti vóru níggju og ein atkvøða – ivaleyst tann hjá FSF – var blonk. Um tað verða eitt ella fleiri evni til formanssess- in, og um tað verða fimm ella færri ella fleiri evni til teir tríggjar sessirnar í nevndini, sum skulu mann- ast, ber ikki til at siga nakað um enn. Um eingin av teimum, sum vóru í upp- skoti til fundin leygardagin, tekur seg aftur, so verða teir eisini í uppskoti til fundin 20. mars. Inntil hóskvøldið 11. mars á midnátt ber til at koma við nýggjum upp- skotum. Fram til aðalfundurin verður tikin uppaftur, er Dánial Andreasen konstitu- eraður formaður í FSF, og nevndarlimirnir, sum hava verið í nevndini, sita í sín- um sessum. Sagt verður, at støðan líkist henni, tá ið løgtingsval hevur verið, eftir at løgmaður hevur lagt frá sær, og tað verður bíðað eftir nýggjum løgmanni og landsstýri. Tá ber til ikki til at taka stórvegis politiskar avgerðir. Tað ber tað heldur ikki til hjá nevndini í FSF, inntil formaðurin og tríggir nevndarlimir eru valdir leygardagin 20. mars. Kroystur frá Tá ið aðalfundurin leygar- dagin kom til punkt fýra, og orðstýrarin, Jógvan Arge, hevði staðfest, at bara eitt uppskot til formann var, og at Frithleif Olsen tískil eftir øllum at døma varð valdur, bað VB formaðurin, John Hendrik Holm um orðið. Hann fjaldi ikki yvir, at hann ikki var serliga væl nøgdur við støðuna, sum nú var íkomin. Hann vísti á, at Dánial Andreasen ikki var í uppskoti, tí formaðurin seinastu tvey árini hevði kent seg kroystan at leggja frá sær. Hann visti eisini at siga, at Rúni Heinesen hevði tikið seg aftur sum formansevni, tí at hesin hevði fatan av, at hann ikki fór at fáa undirtøku. VB formaðurin gav týðu- liga til kennar, at hann als ikki var nøgdur við telving- ina, sum hevði havt við sær, at Frithleif Olsen at enda varð einasta valevni, sjálvt um hann undirstrikaði, at hann einki persónligt hevði ímóti einasta formansval- evninum. John Hendrik Holm setti uppskot fram um, at málið um val av formanni og nevndarlimum varð útsett. Vil breiða undirtøku Spurningurin varð við- gjørdur eina góða løtu. Fyri teir, sum høvdu skotið Frithleif Olsen upp, vísti Eli Hentze, formaður í B71 á, at alt hevði gingið fyri seg innanfyri tað, sum er ásett viðvíkjandi vali av formanni og nevndarlim- um. Hann mælti til, at fundurin valdi Frithleif Olsen til formann, og at atkvøtt varð millum teir fimm, sum vóru í uppskoti til teir tríggjar nevndar- sessirnar. Christian Andreasen, sum hevur verið nevndar- limur, men sum ikki hevur ynskt at vera í uppskoti at halda fram í nevndini, duldi ikki, at hann metti tað vera týdningarmikið, at nevndin nú beinanvegin varð ar- beiðsfør, tí tað liggja nógv- ar uppgávur og bíða eftir nevndini. Fleiri aðrir tóku orðið, men talan varð ikki um at viðgera fráfarandi for- mannin og áralagið í nevndini og samstarvið millum nevndina og umsit- ingina. Áðrenn tað varð atkvøtt, bað Frithleif Olsen um oðrið. Hann umboðaði ikki nakað felag, men orðstýr- arin játtaði honum, sum tað eisini var rímuligt í hesi støðuni, orðið. Frithleif Olsen segði seg væl skilja, um tað varð meiriluti fyri at útseta formansvalið og valið av nevndarlimum. Hann segði seg vilja vera formann fyri øll feløgini í FSF, og at hann ikki hevði mett tað heppið, um bara helmingurin av feløgunum høvdu tikið undir við hon- um. Tá ið orðstýrarin setti uppskotið frá VB for- manninum til atkvøðu- greiðslu, varð staðfest, at tað fór at verða samtykt, um meirilutin av fundinum tók undir við tí. Tólv at- kvøddu fyri, og harvið var málið, sum undan fundin- um hevði verið mest við- gjørt, útsett. Um tað verður Frithleif Olsen ella onkur annar, sum verður FSF formaður, fæst ikki at vita fyrrenn 20. mars. Men tað er greitt, at Dánial Andreasen ikki verður í uppskoti: – Mín tíð er farin. Eg havi boðað frá, at eg ikki ætli at halda fram sum FSF formaður, og ta avgerðina fari eg ikki at broyta, segði Dánial Andreasen. Sannleikans tími útsettur í FSF Lagt er upp til fyrsta valið Ongar útskiftingar vórðu gjørdar í nevndini hjá FSF hesuferð, tí nevndarvalið bleiv útsett Silvurvinnararnir ætlast í síðsta umfar- inum at fáa vitjan av bronsuvinnarunum, og hundrað ára gamla KÍ skal í síðsta um- farinum spæla á heimavølli ímóti ÍF LANDSKAPPINGIN Jákup Mørk Tað kann vera, at onkur hevði roknað við, at HB og KÍ, sum í hesum árinum bæði fara um tey hundrað, í átjanda og síðsta umfarin- um skuldu bresta saman. Úrslitini hjá øllum tíggju feløgunum á vøllinum frá fyrsta umfarinum, sum verður á skránni flaggdagin og til átjanda umfarið, sum verður á skránni 2. oktober, høvdu gjørt av, um tey bæði mest vinnandi feløgini skuldu spælt um FM heitið. Men tað verður eingin finala millum HB og KÍ. Í hvussu so er ikki sambært tí uppskotinum til lands- kapping, sum FSF á aðal- fundinum leygardagin legði fyri fótbóltsfeløgini. Sambært hesum uppskot- inum verður spælt soleiðis í átjanda umfarinum, sum er á skránnni 2. oktober: B36– B68, EB/Streymur–Skála, KÍ–ÍF, GÍ–VB og NSÍ–VB. Tá ið kappingin verður so gomul sum ájtan umfør, kann tað fara at vísa seg, at allir dystirnir fara at verða áhugaverdir. Í fjør vann B36 silvur, og B68 vann bronsu. Í fjør megnaði Skála í síðsta umfarinum við heimasigri ímóti EB/ Streymi at lyfta sær av aftasta plássinum. Tá ið KÍ í 1999 fyri higartil síðstu ferð ognaði sær FM heitið, vunnu teir í síðsta umfarinum á heimavølli og í áarføri ímóti ÍF. Tá ið HB vann FM í fyrraárið, var tað við sigri í Runavík, at teir tryggjaðu sær meistara- skapin, og dystirnir millum GÍ og VB eru altíð spenn- andi. Áhugaverd kapping Enn ber sjálvandi ikki til at tosa um stórdystir, odda- dystir og botndystir. Hvussu feløgini eru fyri, fara ábendingar at vera um, tá ið steypakappingin verð- ur á skránni. Fyrstu venj- ingardystirnir hjá fleiri fe- løgum vóru nú um viku- skiftið. Leygardagin vann B68 2–0 í Runavík, og sunnudagin vann VB, sum í vikuskiftinum var á venj- ingarlegu á Svangaskarði, 4–2 á NSÍ í Runavík. Fyrsta umfarið í lands- kappingini verður flagg- dagin. Tá skulu júst NSÍ og VB spæla í Runavík. KÍ fær vitjan av B68, ið sum oftast hevur staðið seg væl í Klaksvík, ÍF skal í fyrstu royndini í bestu deildini í hesum umfarinum spæla í Gøtu, og B36 fer at fáa vitjan av EB/Streymi, sum árstalsfelagið í Havnini hevur fingið fleiri spælarar frá síðani síðsta kappingar- ár. Níggjunda og síðsta um- farið undan summarsteðg- inum verður spælt 27. – 30. juni. 27. juni fara VB og GÍ at spæla á jóansøku í Vági, og tá fara ÍF og KÍ og Skála og EB/Streymur at spæla. 28. juni skulu B68 og B36 spæla, og 30. juni fær HB vitjan av NSÍ. Tann dyst- urin verður spældur seinni enn hinir, tí NSÍ skal spæla Intertoto Cup 26. juni. Umstøðurnar hjá fót- bóltsspælarunum at halda Ólavsøku verða ikki nakað serligar. Longu 1. august verður farið undir seinna partin av landskappingini. Tá fara mótstøðuliðini at vera tey somu, sum tey vóru í fyrsta umfarinum. Tey feløgini, sum í fyrsta umfarinum høvdu heima- vøll, fara at hava útivøll, og tey, sum høvdu útivøll, fara at hava heimavøll. Rættulig finala Í næstbestu deildini verður lagt upp til, at tað fer at verða spælt so at siga somu vikuskifti, sum tað fer at verða spælt í bestu deildini. Í 2. deild tykist tað verða lagt upp til rættuliga finalu. Í síðsta umfarinum, sum verður á skránni 2. oktober, skal TB spæla á heimavølli. Mótstøðuliðið verður FS Vágar. TB tapti í fjør endaspælið um uppflyting í bestu deildina ímóti Skála. FS Vágar flutti niður úr bestu deildini. Umframt hesi bæði fe- løgini eru tað fýra onnur, sum kunnu flyta upp. AB spælir í síðsta umfarinum í Klaksvík, LÍF og Sumba skulu spæla í Leirvík, og B71 og Royn skulu bæði spæla á útivølli. B71 ímóti B36 og Royn ímóti VB. Fyrsta umfarið í 2. deild verður spælt leygardagin 24. apríl. Tá er lagt upp til, at skráin skal síggja soleið- is út: B36–VB, TB–B71, LÍF–FS Vágar, Royn–AB og KÍ–Sumba. Í skrivi til feløgini sigur FSF, at um feløgini hava nakrar viðmerkingar til leikdagarnar, so skulu hes- ar sendast FSF skrivliga, soleiðis at tær verða FSF í hendi í seinasta lagi 23. februar. Silvurvinnararnir í B68 seta seg ikki førar fyri einsamallar at manna lið í bestu deildini KVINNUKAPPINGIN Jákup Mørk Tað gongur skjótt upp og niður í kvinnufótbóltinum. Tað hava tað verið so nógv dømi um, og fyribils kapp- ingarskipanin fyri komandi árið undirstrikar, at tað vendir skjótt hvønn vegin. Í fjør vunnu B68 kvinn- urnar fyri fyrstu ferð silvurkrónur í landskapp- ingini. Í ár eru tær ikki nóg nógvar einsamallar at manna lið í bestu deildini. Avtala er gjørd millum B68 og GÍ um, at hesi bæði feløgini í felag skulu manna lið í bestu kvinnu- deildini. Hvussu tað verður við venjing og dystum skilja vit á lagnum valdast eitt sindur um, hvussu áhugin og undirtøkan verður á Toftum og í Gøtu. Í fyrstu atløgu er ætlanin at venja aðru hvørja viku á Toftum og aðru hvørja viku í Gøtu og at skiftast um at spæla heima- dystirnar á Svangaskarði og í Sarpigerði. Gongdin hjá B68 og GÍ vísir, at kvinnufótbólturin í Eysturoy hevur so langt í frá somu støðu, sum mann- fólkafótbólturin hevur tað. Umframt samansetta liðið av Toftum og úr Gøtu verð- ur bara eitt lið úr Eysturoy í bestu deildini. Tað er EB/ Streymur. Samlaða talið av liðum í bestu kvinnudeildini verður átta. Umframt GÍ/B68 og EB/Streym verða hini liðini AB, B36, FS Vágar, HB, KÍ og Sumba. Í fyrsta umfarinum, sum er sett at vera flaggdagin, verður spælt soleiðis: GÍ/B68–B36, FS Vágar –Sumba, AB–HB og KÍ– EB/Streymur. Síðsta um- farið er sett at vera 18. september. Tá verður spælt soleiðis: GÍ/B68–Sumba, FS Vágar–HB, AB–EB/ Streymur og B36–KÍ. Summarsteðgurin er ætl- aður at vera frá 27. juni og inntil 15. august. Meistararnir runda av í Runavík Bárður Johannesen og HB enda komandi kappingarár við einum truplum útidysti í Runavík Eysturoyggin leggur saman Til tess at manna lið hevur verið neyðugt hjá B68 og GÍ at lagt síni kvinnulið saman