mánadagur 7. november 2011síða 18

Mánadagur 7. november 2011 · Nr. 129 18 Sosialurin Hugskot og viðmerkingar – send sms til 225000 Ítróttarblaðið premier league »Sir Alex Ferg Tróndur Arge – Liverpool Sunnudagin var tað akkurát 25 ár síðani, at tann tá 44-ára gamli Alex Ferguson gjørdist venjari hjá Manchester United. Hann stendur eftir í dag, sum ein tann størsti, um ikki tann størsti, venjari í heiminum nakrantíð. Men tað var líka við, at heimurin aldrin kom at kenna Sir Alex Ferguson, sum tann venjarin hann er í dag. Mark Robins er ikki nakar navnframur fótbóltsleikari, men søgan sigur, at hann bjargaði Sir Alex Ferguson við at tryggja Manchester United víðari luttøku í FA Cup í kappingarárinum 1989/90. Framherjin Alex Ferguson Alex Ferguson er føddur seinasta dagin í árinum 1941 og stuðlaði sum ungur skotska felagnum Rangers. Sum 16-ára gamal spældi hann sín fyrsta dyst fyri skotska felagið Queen’s Park. Í 1960 skifti hann til St. Johnstone har hann spældi komandi fýra árini. Síðani skifti hann til Dunfermline har hann spældi fram til 1967, áðrenn hann skifti til Rangers. Prísurin var áleið eina hálva millión krónur, sum tá var met fyri eitt leikaraskifti millum tvey skotsk feløg. Aftaná tvey ár í Rangers gjørdist hann óklárur við felagið, eftir hann hevði hevði fingið skyldina fyri eitt mál, ið Celtic skoraði í eini skotskari steypafinalu. Hann spældi síðani við Falkrik og Ayr United áðrenn hann legði skógvarnar á hilluna í 1974. Frá East Stirlingshire til Aberdeen Sum 32-ára gamal í 1974 gjørdist Alex Ferguson venjari hjá East Stirlingshire. Har var hann bara heilt stutt, tí St. Mirren bankaði uppá. Tá Sir Alex tók við starvinum var St. Mirren í næstbestu deildini, men trý ár seinni vann felagið skotska meistaraheitið. Árið eftir var Sir Alex koyrdur. Søgan sigur, at Sir Alex longu hevði avtala at skifta til Aberdeen og tað dámdi leiðsluni í St. Mirren einki og koyrdi skotan. St. Mirren er til dags Fótbóltur Venjarin hjá Manchester United hátíðarhelt leygardagin sín 25-ára starvsdag við einum 1-0 sigri á Sunderland. Undan dystinum heiðraði Manchester United Sir Alex Ferguson, við at avdúka at norðari parturin av Old Trafford í framtíðini eitur; »Sir Alex Ferguson Stand« Sir Alex Ferguson og fjølmiðlarnir Hann er kendur fyri sínar »mind games«, tá hann prikar til mótstøðuliðið ella ávísar venjarar. Helst kendasta støðan var, tá hann mitt í 90’inum fekk táverandi Newcastle venjarin, Kevin Keegan, at missa høvdið í samrøðu við Sky Sports. Ongin náði Kemur tú upp á tvørs av Sir Alex, so er tíðin hjá tær sum Manchester United leikari liðug. Tað kunnu menn sum Jaap Stam, Roy Keane og Ruud van Nistelrooy skriva undir uppá. Sir Alex og »Class of 92« Fyrst í 90’inum runnu nakrir ungir dreingir runt í Manchester United. Søgurnar vildu verða við, at hesir sum serstakliga góðir. Millum teirra vóru David Beckham, Gary Neville, Phil Neville, Ryan Giggs, Paul Scholes og Nicky Butt. Liðið fekk seinni heitið; »Class of 92«.