mánadagur 7. november 2011síða 20

Mánadagur 7. november 2011 · Nr. 129 20 Sosialurin Hugskot og viðmerkingar – send sms til 225000 Ítróttarblaðið Eyðun Klakstein Súni Olsen kom í hesum umfari til B36 í fjørvár, og tá var framvegis óvissa um fótbóltsspælið hjá honum, tí hann hevði verið nógv skaddur árið frammanundan. – 14 kilo, 25 dystir, fimm mál og eitt gullmerki seinni kunnu vit bara staðfesta, at Súni átti sín stóra lut í níggjunda FM-gullinum hjá okkara monnum. Og tí er tað gleðiligt, at vit nú kunnu staðfesta, at Súni eisini verður partur av hópinum næstu tvey árini, skrivar B36 á heimasíðuni. Súni Olsen sigur, at tað vóru fleiri viðurskifti, sum bóru við sær, at hann valdi at leingja sáttmálan við B36. – Persónliga havi eg havt eitt sera gott ár, har eg eisini havi verið skaðafríur. Eg trívist sera væl í felagnum, og sjálvandi hevur tað sína ávirkan, at liðið spælir góðan fótbólt og fær góð úrslit. Og so telur tað sjálvandi eisini uppeftir, at vit nú skulu út at spæla Champions League undankapping, og tað vil eg sera fegin vera partur av, sigur Súni Olsen. eydun@sosialurin.fo Fótbóltur Súni Olsen gjørdi leygarmorgunin nýggja tvey ára avtalu við meistaraliðið B36 Súni tvey ár afturat í B36 Eyðun Klakstein Miðvallarspælarin Evrard Ble, sum seinasta árið hevur spælt fyri Víking, heldur fram í felagnum. Ble kom til Føroya í 2005, tá ið hann fór at spæla við VB/ Sumba. Í 2007 skifti hann til AB og spældi har, til hann skifti til Víking at spæla. Evrard Ble spældi 24 lands­ kapp­ingardystir fyri Víking í farna kapp­ingarári. Ble var í farna kappingarári eitt av álitunum á miðvøllinum, og tí er gleðiligt at staðfesta, at hann heldur fram, skrivar heimasíðan hjá Víkingi. eydun@sosialurin.fo Ble heldur fram í Víkingi Hilmar Jan Hansen Tilsamans 18 skjúttar vóru við í fyrstu innandura kapp­ingin fyri vaksin í vetur, sum var í hølunum hjá Tambum í gjár. Talan var um 10 compound­ skjúttar og átta recurveskjúttar, og kappast var á 18 metra tein­ inum. Besta einstaka úrslitið fekk Sigrid Vang úr Ørvi, tá hon í compound innleiðandi skjeyt 561 stig, sum var eitt betur enn tey 560 stigini, ið eru kravið fyri at sleppa við til innandura heims­meistarakappingina næsta ár. Bogaskjótisamband Før­oya hevur hert krøvini, so ein skjútti minst tvær ferðir skal megna ávísa úrslitið á tein­ inum, skal hann fáa møgu­leika at koma við til størri kapp­ingar sum HM og líknandi. Í compound endaðu annars Jógvan Niclasen úr Tambum og Hans Asbjørn Eysturdal úr Ørvi í finaluni, har tað gjørdist Jógvan, ið vann 116- 112. Bronsufinalan stóð millum Magnus Andreasen og Nikkel Petersen, báðir úr Ørvi, og har vann Magnus 113-106. Í kappingini í recurve vísti tað seg, at uttandura føroya­ meistarin, Bogi Højgaard úr Ørvi, stóð seg sera væl, og hann kom í finaluna saman við einum av ungu skjóttunum, Oddi Andreasen, somuleiðis úr Ørvi. Báðir skutu persónlig met í kapp­ingini, men í finaluni hevði Bogi munin og vann 104-101. Í bronsufinaluni vann Eggaba Andreasen úr Vágaskoti 107-101 á Anniku Vang úr Ørvi. hilmarjan@sosialurin.fo Persónlig met og kravtíðir Bogaskjóting Trý persónlig met blivu sett um vikuskiftið og eitt úrslit var oman fyri kravtíðina at sleppa við til innandura heimsmeistarakappingina næsta ár Futsal er eitt øðrvísi slag av innandura fótbólti, sum hevur sínar røtur í Brasil. Í stóran mun minnir hetta um uttandura fótbólt, men eitt nú hoppar bólturin ikki so nógv, og sum heild eru krøvini til teknisku førleikarnar munandi størri. Í gjár var fyrsta almenna futsal- kapping í Føroyum nakrantíð, og kappingin byrjaði við, at Alex Troleis, sum er ættaður úr Brasil, men býr í Føroyum, greiddi frá reglunum í futsal-fótbólti. Alex hevur sjálvut spælt fótbólt í Føroyum og telist millum fremstu dómarar her á landi, og eingin ivi man vera um, at hann er tann í Føroyum, sum veit mest um døming av futsal. Ungdómsdeildini hjá NSÍ skipaði fyri kappingini í ítróttarhøllini í Runavík, har sjey smádreingjalið vóru við og tvey dreingjalið kappaðust. Tey sjey smádreingjaliðini spældu seks dystir, sum hvør var sjey minuttir, og tað vísti seg, at her var talan um jøvn lið og tí eisini eina spennandi kapping. Vinnari gjørdist Birmingham úr Runavík, LF úr Hoyvík fekk silvur og NSÍ bronsu. Í eldra dreingjabólkinum vóru bara tvey lið, NSÍ úr Runavík og Mr. Arnarsson úr EB/Streymi, so tey spældu tveir dystir ímóti hvørjum øðrum, sum vóru tvær ferðir 10 minuttir. Tá avtornaði, vann NSÍ hesa kappingina. Sum skilst, vóru bæði spælarar, fyrireikarar og áskoðarar væl nøgdir við kappingina, og NSÍ sigur tað ikki vera óhugsandi, at felagið fer at skipa fyri einari futsal-kapping aftur seinni, har bæði yngri og eldri aldursbólkar kunnu vera við. Futsal fyri fyrstu ferð Fótbóltur Í gjár var fyrsta futsal-fótbóltskapping í Føroyum nakrantíð avgreidd í ítróttarhøllini í Runavík HVÍTARI Suni Olsen fer eisini tvey tey næstu kappingarárini at spæla við B36, sum hann var við til at gera til meistara í farna mánaði Mynd: Álvur Haraldsen