fríggjadagur 11. november 2011síða 6

Fríggjadagur 11. november 2011 · Nr. 131 6 Sosialurin Hugskot og viðmerkingar – send sms til 225000 Randi Jacobsen Mikudagin varð ein 20 ára gomul kvinna í Føroya rætti dømd fýra mánaðar treyt­aða fongsulsrevsing við tvey ára royndartíð og 80 tím­ar sam­ felagstænastu fyri fíggjar­ svik. Haraftat skal hon gjalda 135.472 krónur aftur og gjalda sakarmálsútreiðslurnar. Hon viðgekk alt og tók við dóminum. Kvinnan arbeiddi í handli­ num Fótbúna í Havn, og tað var har, hon framdi svikið. Hon byrjaði at arbeiða í handlinum í august í fjør, og í rættinum segði hon, at hon byrjaði at svika, longu tá ið ein mánaður var farin. Tað hevði hon gjørt, tí henni vantaði pening. Tá ið hon hevði gjørt tað fyrstu ferð, ætlaði hon at gjalda aftur, men tað gekk væl, og áðrenn hon visti av, tók svik­ ið ræðið á henni. Í Fótbúna vóru Súsanna og Bjarni Joensen greið yvir, at okkurt ikki ruggaði rætt, men tey høvdu leingi ongan illgruna til ta ungu kvinnuna, sum teimum dámdu sera væl og vóru góð við. – Vit taldu og taldu goymsl­una, og tað hekk ikki saman við úrslitinum, tá ið vit gjørdu kassan upp, sigur Súsanna Joensen. Hon var leingi sannførd um, at hon hevði gjørt okkurt galið sjálv. Púra ókent Tey vendu sær til fyritøk­ una, sum hevði selt teim­um kassa­skipanina, og teldu­ frøð­ing­arnir sótu í dagavís og royndu at finna útav, hvat var galið. Teir komu ikki til nakað úr­slit. Ein dag datt Súsanna Joen­sen yvir kvittan, sum sá eitt sindur løgin út. Har stóð ein upphædd á, men tá ið hon hugdi inn á kassaskipanina, var einki komið inn. Hetta segði henni, at kvinn­an hevði funnið ein máta at skriva kvittan, men einki kom inn. Tók reiðan pening Súsanna Joensen fór so sjálv at royna og kom eftir, at kvinn­an fyrst hevði tastað upp­hæddina inn, so trýst á angra, men kvittan kom út. Tann, sum keypti visti ikki av nøkrum. Hetta kundi bara gerast, tá ið fólk rindaðu við reiðum peningi. Hetta hendi 4. juli í ár. – Eg ringdi beinanvegin til fyritøkuna í Danmark, og tey øtaðust, tí slíkt átti ikki at borið til, og hetta var ongantíð hent tey 15 árini, skip­anin hevur verið til. Teirra skipan er ein tann mest brúkta í ríkinum, og varð hildin at vera full­komi- liga trygg. Noyddust at melda Súsanna og Bjarni Joensen vistu ikki, hvat tey skuldu gera, tí tey vóru góð við ta ungu kvinnuna, sum Súsanna hevur kent, síðan hendan var barn. Tey høvdu spurt hana, men hon hevði noktað. – Eg fekk størsta skelkin higartil í lívinum og var fyri ongum restina av degnum, tá ið vit fataðu, hvat var hent. Danska fyritøkan segði, um tey ikki meldaðu málið til politiið, so gjørdi fyritøkan tað. Tískil meldaðu tey, poli­ tiið kom eftir kvinnuni, sum á staðnum viðgekk at hava svikað. Hon vísti eisini poli­ti­ num, hvussu hon hevði borið seg at. Súsanna og Bjarni Joensen hava verið lagalig og hava gjørt eina afturgjaldsavtalu við ungu kvinnuna, sum ikki hevur ráð at gjalda alt aftur í einum. Hatursfuglar – Hatta var so tað, men tað, sum øsir meg mest er, at fólk, sum standa okkum nær, skulu líða undir hesum. Fleiri fólk eru ávarað um at halda seg frá okkum. Tað ger okkum ilt. Súsanna Joensen heldur tað vera nógv fyri, at fólk skulu bera seg soleiðis at, tí tey meld­aðu kvinnuna. – Í Føroyum skal alt slíkt tigast burtur. Alt skal koyr­ ast undir gólvteppið, og verð­ ur teppið ov lítið, er bara at keypa eitt nýtt og størri, sig­ ur Súsanna Joensen. Av tí at hon kendi familj­ una hjá tí ungu kvinnuni so væl, sendi hon henni bein­ anvegin eitt vinarligt sms, og hon ringdi eisini til pápan. Kortini vórðu vinir ávar­ aðir móti Súsonnu og Bjarna Joensen. Men viðskiftafólkini hava ikki vent teimum bakið. Snildisligt fíggjarsvik Svik Teldufólkini á donsku fyritøkuni, sum seldi teldustýrdu kassaskipanina til Fótbúna í Havn, gløddu við, tá ið tey fingu at vita, at ein ung genta í Havn hevði funnið útav at svika við skipanini. Tað var ongantíð áður hent, síðan skipanin kom fyri 15 árum síðan Figgjarsvik móti Fótbúna Súsanna Joensen hvakk við, tá ið hon fann útav, hvussu kvinnan hevði borið seg at við at svika Mynd: Álvur Haraldsen