mánadagur 14. november 2011síða 35

35 Mánadagur 14. november 2011 · Nr. 132 Sosialurin Hugskot og viðmerkingar – send sms til 225000 Kjak Annfinn Brekkstein pá­stend­ ur í fyrsta umfari í drúgvari grein í øllum miðlunum, at Tórshavnar kommuna síð­an 2008 hevur havt eina gongd við vaks­andi rakstrar­út­ reiðsl­um. Hetta er í minsta lagi ein sannleiki við modi­ fika­tiónum, um hann ikki er púra skeivur. Orsøkin er tann, at í 2008 vóru rakstrarútreiðslurnar hjá Tórshavnar komm­unu 484 mió. kr. Í fíggjar­ætl­an­ ini fyri 2012 eru rakstrar­ útreiðslurnar mettar at vera 494 mió. kr. Hetta er einans ein vøkstur á góð 2% yvir 5 ár. So hyggur tú bara at krónum og oyrum, so er talan um ein lítlan vøkstur. Men prístalið er frá 1. árs­ fjórðingi í 2008 til nú hækkað úr 113,9 til 118,4. Hetta er ein vøkstur á úti við 4%. Prístalið er soleiðis hækkað væl meira enn rakstrarútreiðslurnar hjá Tórshavnar kommunu. Sostatt hevur Tórshavnar kommuna reelt tálmað rakst­ rarútreiðslurnar, hóast bæði prísvøkstur og lønarvøkstur í tíðarskeiðnum, og hóast borg­ararnir hava fingið fleiri nýggjar og betri tænastur, sum lætta um hjá familjum og einstaklingum. Úr rúgv­ uni kann eg nevna, at for­ eldragjaldið til dagstovnar er lækkað úr 30 niður í 25%, munandi systkinaavsláttur er gjørdur til tær familjur, ið hava fleiri børn í dagstovni, ungdómsvirksemið í komm­ ununi er munandi útbygt og útbyggingar eru gjørdar á ítróttaøkinum t.d. Tórs­ breyt og Fimi, og ókeypis buss­leiðin er víðka. Fleiri av hesum tiltøkum virkar í veruleikanum sum skatta­ lætti hjá fleiri av borgarum okkara.   Skattaprosentið Í øðrum lagi pástendur Ann­ finn Brekkstein, at vit hava eitt hækkandi skattaprosent. Veruleikin er, at Tórshavnar kommuna hevur eitt meðal­ skattaprosent í mun til rest­ ina av landinum. Tað er rætt, at býráðið hækk­aði skattaprosentið við einum prosenti, men inn­ tøkurnar frá hesum eina pro­ sentinum vórðu markaðar til ávísar íløgur, í hesum føri til Boðanesheimið.  Annfinn Brekkstein veit, at krøvini til kommununa um íløgur hava verið øgilig. Í hesum føri varð samtykt, at tá Boðanesheimið verður liðugt, tá er tað eisini goldið. Tað verður tað í komandi ári og tá kunnu vit meta um komandi tørv og skatta­ prosent. Annfinn veit eisini fullvæl, at tað ikki ber til at broyta skattaprosentið mitt í einum ári.  Gjaldførið Triði pástandurin er um vána­liga gjaldførið. Fíggjar­ ætlanin fyri 2010 bygdi á ta fortreyt, at kommunan skuldi taka eitt lán á umleið 50 mió. Hetta lánið er als ikki tikið enn og tað hevur ávirkað gjaldførið.   Orsøkin er tann, at tað hevur staðið so væl til, at kommunan higartil sjálv hevur megnað at fíggja íløg- urnar. Neyðugt verður tó at taka lánið fyrst í komandi ári. Men her er sum so ikki talan um nýggja lántøku. Hartil kemur, at inn­tøk­ urnar hjá kommuni hava verið heldur betur, enn fíggj­ arætlanin hevur lagt upp til.   Bindingar Lat okkum taka ein pástand aftrat. Annfinn tosar um politiskar bindingar í ætlaðu Oyggjaleikirnar uppá 60 til 80 miljónir. Her er ikki høpi í. Tórshavnar Býráð hevur einmælt samtykt – og tað um­fatar eisini Annfinn Brekk­stein – at bjóða býin fram til Oyggjaleikirnar í 2019 ella 2021. Um Annfinn Brekkstein nú er ímóti hesum átaki, so eigur hann bein­anvegin at kunngerða tað fyri ítróttinum og øllum øðrum, so vit vita, um hann tekur undir við tí, hann hevur atkvøtt fyri, ella ikki. Kommunan hevur higar­ til hvørki brúkt ella sam­ tykt at brúka eina krónu í hesum sambandi. Hetta ligg­ur langt frammi, vit vita enn einki um íløgur, kost­ naðir, fíggingarmynstur og fíggingarmøguleikar, tíans­ heldur um kommununar part av hesum íløgum. Býráðið hevur einmælt samtykt at skapa neyðugu karmarnar, tá tann tíðin kemur. Og teir karmar, sum verða skaptir, verða ikki ein eingangsíløga til Oyggja­ leikirnar, men ein væl um­ hugsað og skilagóð trivn­ aðaríløga í framtíðina.   Búskapurin Sum áður nevnt hevur bý­ ráðs­samgongan valt at rað­festa íløgur og at tálma rakst­rarútreiðslurnar. Roknað verður við sama skattaprosenti, 20,75%, og sama barnafrádrátti, 5.500 kr. Íløgur verða gjørdar fyri 139 mill. kr. Hetta er hægri enn í 2011, men allar hesar íløgurnar eru fíggjaðar yvir skattin og uttan lántøku.  Við hesum íløgum skapa vit nógv gevandi virksemi í býnum, vit skapa nógv ar­ beiði og nógvan trivnað, og stórur partur av íløgunum fylgir okkara íløguætlan.  So eg meti framvegis, at Havnin hevur ein góðan og sunnan búskap. Og vónandi oyðileggur Annfinn Brekkstein sær ikki jólini av berum dapurskygni, tí eg haldi ongar orsøkir vera til tess. Dapurskygni um ein sunnan búskap Eitt aftursvar til Annfinn Brekkstein Heðin Mortensen borgarstjóri