fríggjadagur 18. november 2011síða 15

15 Fríggjadagur 18. november 2011 · Nr. 134 Sosialurin Hugskot og viðmerkingar – send sms til 225000 Sunnudagin 20. november fyllir Marius Rein í Havn 70 ár. Marius er havnarmaður, yngstur av børnunum hjá Jens Paula Rein og Elisabeth (Bette), fødd Arge. Tey vóru bæði úr Havn. Systkini vóru Eivind, Áshild og Lillian. Bara Lillian er eftir á lívi, hon býr í Húsavík. Marius tók realprógv frá Færøernes Mellem og real­ skole í 1958. Hann var í starvi sum teknikari í Útvarpi Før­ oya frá 1960 til 1987, í 1969 var hann í Danmarks Radio og nam sær útbúgving har sum programmteknikkari. 1. sep­ tember 1987 var hann settur í starv á Løg­tings­skriv­stovuni, har hann m.a. var fastur skrivari hjá fíggjarnevndini til 1. februar 2003, tá hann tók yvir skrivara- og ráð­ gev­ara­uppgávur, ið viðvíkja Norður­landaráðnum og Útnorður­ráðnum. Hann var tilnevndur 1. tingskrivari og tók lut í tilrættislegging av vitjanum o.ø. á løgtingi. Marius Rein er júst givin í starvi sínum í løgtingini, og har varð hildin móttøka fyri honum –  samstundis sum málningurin av Jógv­ an Ingvardi Olsen varð av­ dúk­aður, 30. september sum fór. Men Marius hevur sett væl við í løgtinginum: Dóttir hansara Anna Rein starvast sum løgfrøðingur í løgtingsumsitingini, og á valinum 29. oktober var sonur hansara, Janus Rein, valdur á ting fyri Framsókn. Marius hevur tiltikið gott minni, og tey skip, sum hann ikki kennir, eru ikki verd at vita nakað um. Og so seint sum týsdagin var hann ferðaleiðari hjá útvarpinum hjá Kringvarpinum, tá tey vóru morguntúr við Hoy­víks­ tjørn og har um leiðir – leiðir, sum Marius kennir væl, tí her hevði pápi hansara trøð, og á hesi trøð hevur Marius bygt. Í útvarpinum vóru ikki nógvir teknikarar, og tað er ikki tal á teimum sendingum, sum Marius hevur staðið fyri. Enn í dag kunnu vit hoyra gamlar sendingar, har sagt verður, at »Marius Rein stóð fyri upptøkuni.« Marius er giftur við Kristi­ annu, sum er úr Klaksvík, dótt­ir Dánjal og Annu Niel­ sen. Tey hava bygt sær hús á Láarvegi, á trøðni hjá Jens Paula. Børnini eru Dánjal, sum er giftur og býr í London, Janus, sum býr í Havn og Anna, sum eisini býr í Havn. Hann er burturstaddur føð­ingardagin. Í dag, fríggjadagin 18. no­ vember, verður Rod­mund­ur í Liða, fyrrverandi yvirlækni í Havn, 80 ár. Rodmundur var í mong ár yvirlækni á Lands­ sjúkrahúsinum, og síðsta vetur greiddi hann í fimm sendingum hjá Jógvani Arge so livandi og hugtakandi frá um millum annað ættina, fortíð og nútíð, lívið á bygd og í bý, heima og burturi og útbúgving og arbeiði. Foreldrini vóru Louisa fødd Lervig og ættað av Regni í Leirvík og Jacob Niel­ sen, Jacob í Liða í Nólsoy. Páp­in var sjómaður og seinni vita­meist­ari. Arbeiðið bar við sær, at tey búðu í Nólsoy, í Vági, á Borðuni og í Mykines­ hólmi. Jacob sat á tingi fyri Javn­aðarflokkin, valdur í Suð­uroy, 1936-43. Louisa og Jacob fingu fýra børn: Rodmundur, Olaf, Øssur og Gunvør. Teir búgva allir í Havn, og Gunvør býr í Keypmannahavn. Tá ið Rodmundur var tíggju ára gamalur, fór hann til Havnar at ganga í skúla. Tað var stór broyting frá familju­lívinum í Mykines­ hólmi og dagligu gongdini mill­um hólman og heim í bygd­ina við skúla og bygd­ar­lívi og so at fara til Havn­ar. Kríggið herjaði, og Rod­mundur hevur í Kring­ varp­in­um hug­tak­andi lutað við lurt­ar­ar­nar, hvussu tað kend­ist, tá ið týsku flogførini úr sera stuttari fjarstøðu sleptu bumbum har vesturi. Eftir skúlaárini í høvuðs­ staðnum fór Rodmundur niður á Sorø Akademi, har hann leyk studentsprógv. So fór hann undir læknalestur í Keyp­mannahavn. Hann leyk prógv tíðliga í 1958, og so næsta takið at fara undir út­búgving til serlækna í orto­pædi. Tað var undir lestrinum í Keypmannahavn og í sam­ komuni í Thorsgade, har nógvir føroyingar altíð vóru, at Rodmundur hitti Karen, sum vaks upp á Bispebjerg tætt við Grundtvigskirkjuna. Tey bæði giftust nakrar dag­ar eftir, at Rodmundur hevði fingið læknaprógv, og størsta partin av tíðini, tá ið specialiseringin var á dags­ skrá, arbeiddi Rod­mund­ur á sjúkrahúsum á Keyp­manna­ havnar leiðini. Eitt ár vóru tey í USA, har Rodmundur arbeiddi í At­lanta í Georgia. Talan var um framúr spennandi av­ bjóðing, men hóast honum varð bjóðað at halda fram í starvinum, so gjørdu tey bæði av at flyta heim aftur. Fyrst í sjeyti árunum flutti familjan til Føroya, eftir at tey eitt skifti høvdu verið í Næstved. Rodmundur var fyrsti hjálparlækni á Lands­ sjúkrahúsinum. Hann var tó ikki liðugt útbúgvin at taka yvir­læknastarv á seg, og tí fluttu hann aftur til Keyp­ manna­havnar í 1974. Fýra ár seinni varð Rodmundur settur í starv sum yvirlækni á Landsstúkrahúsinum, og harvið var dreingjadreymurin vorðin veruleiki. Rodmundur var í starvinum, inntil hann við árslok 1997 legði frá sær vegna aldur. Karen og Rodmundur eiga fýra børn: Svenning, Gunnar, Erling og Eva. Teir báðir elstu búgva í Noregi, Eva býr Calefornia, og Erling býr á Argjum. Abbabørnini eru fjúrtan - átta gentur og seks dreingir. Alla sína tíð hevur Rod­ mund­ur verið tætt knýttur at brøðrasam­komunum. Hann hevur verið ógvuliga trú­fastur og drúgvur og trúgvur í at halda Orðið fram, og í mong ár var hann mill­um ábyrgd­ar­per­són­ar­ nar í Ebenezer. Áhugamálini eru mong og fjøltáttað, og Rodmundur er áhugaverdur og fryntligur at koma á tal við. Hann hevur stóran tokka til og áhuga fyri móðurmálinum. Hann hevur umsett fleiri bøkur, og hann var ein teirra, sum tolkaði úr enskum, tá ið tað var neyðugt í Ebenezer. Ítróttin hevur altíð havt áhuga, og tilvitanin um týdningin av at røkta likam­ið hevur sást aftur í matar­val­ in­um og likamligu venjingini. Eitt nú minnast havnar­fólk Rod­mund á stóru súkkl­uni fara til arbeiðis og úr arbeiði og á súkkluni at treiskast, um so brekkan var brøtt. Útferðarlongsulin hevur altíð verið stórur. Í 1986 fluttu Karen og Rodmundur til Saudi Arabia, har hann í eitt ár var yvirlækni í Algariat. Eftir at hann var farin úr starvi á Landssjúkrahúsinum arbeiddi Rodmundur tvey stutt skifti í Noregi. Karen og Rodmundur vitja síni næstu í USA og Noregi, og teimum dámar væl í Keyp­ mannahavn, haðani Karen er ættað, og har tey eiga systk­ in og nógv vinfólk. Føðingardagurin verður hildin á Hotel Føroyum fyrra­partin leygardagin 19. november saman við teim­ um, sum hava boðað frá, at tey ynskja at halda dagin sam­an við Rodmundi. J Marius Rein 70 ár Marius Rein og konan Kristianna. Myndin er tikin 30. september í ár, tá móttøka var fyri honum í sambandi við, at hann er farin úr starvi sínum í løgtinginum Rodmundur í Liða 80 ár TØKK