fríggjadagur 18. november 2011síða 18

Fríggjadagur 18. november 2011 · Nr. 134 18 Sosialurin Hugskot og viðmerkingar – send sms til 225000 Kjak 15. partur Í átjanda kapitli lesa vit, at úr Aten kom Paulus til Korint. Her lesa vit at Paulus hevði eitt yrki, tað var at gera tjøld, og har arbeiddi hann saman vit einum jøda, Akvila og konu hansara, Priskillu, men hvønn sabbat helt hann samtalur í sýnagoguni og sannførdi bæði jødar og grikkar, men tá ið jødarnir stóðu í móti og spottaðu, risti hann dusti av klæðum sínum og segði við teir: "Blóð tykkara komi yvir tykkara egna høvd! Eg eri reinur; hereftir fari eg til heidningarnar." Paulus kallar seg sjálv­an fyri heidninga ápostul, hann hevði eitt ser­ligt kall til tað. Tó held­ur hann her fram at vitna fyri jødum eisini, og tað sær út til, at hann flytir til eina aðra sýnagogu, har sjálvur fyristøðumaðurin, Krisp­ us, kom til trúgv á Harran við øllum húsi sínum, og nógvir korintmenn, sum hoyrdu hann, lótu seg doypa. Paulus var har eitt ár og seks mánaðir. So var aftur ófriður av jødunum, og eftir at hava verið har langa tíð enn, fór hann til Sýrlands við skipi. Á ferðini fóru tey inn í Efesus, men hann vildi ikki steðga har, men helt leiðina fram til Kesarea, haðani til Jerúsalem ein stuttan steðg og fór síðani til Antiokia. Hað­ani fór Paulus av­ staðaftur á triðju ferð sína, hann ferðaðist um alt Galataland og síðani um Frýgia og styrkti allar lærisveinarnar. Restin av 18. kapitli er um Apollos, hann var Jødi og íðin og brenn­ andi í andanum og var teimum trúgvandi til stóra nyttu, stendur tað. Paulus kom nú til Efesus, og har hitti hann nakrar lærisveinar, sum hann spurdi, um teir høvdu fingið Heilaga And­an, tá ið téir komu til trúgv, men hesir svar­ aðu, at teir ikki so mikið sum vistu, at Heilagi Andin var. Hann spurdi teir tá, hvørjum dópi teir vóru doyptir við, teir svaraðu, við dópi Jóhannesar. Hesir vóru síðani doyptir umaftur, nú vórðu teir doyptir til Navn Harrans Jesusar. So stendur, at tá ið Paul­ us legði hendurnar á teir, fingu teir Heilaga Andan. Her hendi nakað tað sama, sum vit lesa um í 8. Kapitli, tá ið samariubúgvar vóru komnir til trúgv, teir fingu ikki Heilaga Andan, fyrr enn ápostlarnir løgdu hendur á teir. Vit lesa bara hetta serskilta í hesum báðum førum. Kanska skulu vit leggja til merkis, at í báðum førum var talan um ser­ stakar bólkar av fólkum, fyri ikki at koma nærri inn á tað her. Síðani lesa vit, at Paulus, eftir at hava talað í sýnagoguni eina tíð og hildi samtalur, rýmdi haðani og fór í ein skúla at halda fram við verki sínum. Hann var har í tvey ár, so at øll sum í Asia búðu fingu at hoyra orð Harrans, bæði jødar og grikkar. Har hendu stórar kraftargerðir, og tað var ein stór veking í býnum. Framhald. Hugleiðingar úr Ápostla­ søguni Richard Danielsen Tað er átaluvert, at sam­ gongan í óðum verkum gong­ur beint ímótir sínum egn­um ráðgevum og ætlar at fremja broytingar, sum sam­ gonguflokkarnir ikki kenna avleiðingar av. Hóast vit í Samtak undan valinum ávaraðu ímóti tí poli­tikki, sum borgarligu flokk­arnir høvdu á valskrá sínari, so síggja vit nú, at verandi samgonga í óðum verk­um og beint ímóti ser­ kønu ráðgeving sínari, hev- ur ætlanir um at broyta eftir­ lønarskattingina so munandi, at hetta veru­liga kann koma at taka grundarlagið undan teimum eftirlønarskipanum, sum limirnir í føroysku fak­ feløgini í áravís hava goldið inn til. Vit hava staðfest, at flest allir fíggjarfrøðingar eru samdir um, at ætl­aðu broytingarnar í skatt­ing­ ini fara at hava bein­leið­is neiliga ávirkan á eftir­lønar­ uppsparingina og tað eftirløn, sum limirnir í fakfeløgunum fáa útgoldið, tá teir fara um eftirlønaraldur. Hví gongur samgongan ímóti sínari egnu serkønu ráð­geving? Tað er helst eingin før­ oy­ingur, sum rættiliga skil­ ur, hví samgongan ætl­ar at ganga ímóti til til­mæli, sum persónarnir í pen­ sións­nýskipanar­bólk­in­um hava givið Fíggjar­mála­ráð­ harranum, har hesi serkønu embætisfólk beinleiðis mæla frá, at uppskotið verð­ ur framt í verki, uttan at av­ leiðingarnar av lógar­broyt­ ingini verða kannaðar út í æsir. Tað man hava loypt hvøkk á nógvar føroyingar, at ver­andi samgonga tilvitað setir til viks alla serkøna ráð­geving, men í staðin fer at fremja broytingar í eftir­ lønarskattingini, sum fyrst og fremst fer at raka vanliga føroyska løntakaran, sum framm­anundan er ringast fyri fíggjarliga. Samtak ávaraði sum nevnt undan valinum ímóti tí politikki, sum borgarligu flokkarnir høvdu stungið út í kortið, og tíverri mugu vit nú ásanna, at Sambands­ flokkurin og Fólkaflokkurin saman við Miðflokkinum og Sjálvastýrisflokkinum hava ætlanir um at fremja lógar­ broytingar, sum koma at hava vanlukkuligar avleið­ ingar fyri vanliga føroyska løntakaran. Hvar er Miðflokk­ urin og Sjálvsstýris­ flokkurin Bæði Miðflokkurin og Sjálv­ stýrisflokkurin hava undan valinum ført fram sjónarmið, sum bert kunnu skiljast sum at politikkur teirra skuldi hava atlit til veikastu bólk­ arnar í samfelag okkara, herundir vanliga løntakaran, men báðir floksformenninir hava skrivað undir sam­ gongu­skjalið, sum beinleiðis tykist at ganga ímóti teimum lyftum, sum hesir flokkar hava givið føroya fólki framm­anundan valinum. Í stevniskránni hjá Mið­ flokk­inum verður bein­leiðis víst á, at øllum pen­sion­ ist­um skulu verða tryggj­ aðar virðiligar um­støð­ur á lívskvøldinum, men hóast hetta, hevur flokk­urin tik­ið undir við sam­gongu­skjalin­ um, har m.a. er ásett, at eftir­ lønaruppsparing skal verða skattað við inngjaldi. Greitt er, at nógvir velj­ arar hjá hesum flokkum í dag kenna seg snýttar, men møguliga telur ein lands­ stýrissessur meira enn givin vallyftir. Hví skal vanligi løntak­ arin standa fyri skotum, með­an politikarar okk­ara vinna sær stórar tæn­astu­ manna­eftirlønir. Tað er, sum nevnt, átalu­ vert, at samgongan hevur ætlanir um at forverra eftir­ lønarskipanina hjá vanliga føroyska løntakaranum, með­an somu politikarar hava lóg­givið soleiðis, at teir sjálvir eftir fáum árum vinna sær rætt til stórar tænastu­ mannaeftirlønir. Vanligi føroyingurin gev­ur sær helst ikki fær um, at løgmaður og lands­ stýris­umboðini eftir bert 8 árum forvinna sær 60 % av eftirlønargevandi løn­ini í tí lønarflokki, teir høvdu, meðan teir sótu sum lands­ stýrisfólk. Tað er ikki at undrast á, at okkara politikarar royna at halda so fæst við lands­ stýrissessin, tá teir við lógg­ ávu hava tryggjað sær slíkar eftirlønarsømdir. Løgtingsinslimirnir vinna sær fulla eftirløn, t.v.s. 60 % av eftirlønargevandi lønini í 34 lønarflokki eftir bert 16 ár á tingi. Tað vildi helst tikið vanliga arbeiðsmanni- ella kvinnuni 80 - 100 ára langt og strævið arbeiðslív, at forvunnið sær slíka eftirløn. Hóast tað er vanligi før­ oyski skattgjaldarin, sum skal gjalda hesar ovur-honds­ stóru eftirlønirnar til lands­ stýris­fólk og løgtingsfólk, so ditta somu politikarar til nú at leggja upp til, at áleggja vanliga føroyska løn­tak­aranum skatting av eftir­lønarinngjaldum, hóast sak­køna ráðgevingin hjá lands­stýrinum sjálvum gong­ur beint ímóti hesum ætl­an­um. Vanligi føroyski løntak­ arin má bløða, meðan politik­ararnir skapa sær sjálv­um góðar og tryggar eftir­lønarskipanir. Sum nevnt omanfyri, so hava okkara politikarar við lógarásetingum skapt sær sjálvum góðar og tryggar eftir­lønarskipanir, sum standa í andsøgn við tær skip­anir, sum galdandi eru fyri vanliga føroyska løn­ tak­aran,   sum í 40 – 50 ár má stríðast fyri at vinna sær eina bara nøkulunda eftir­løn, og hesir somu løn­ takarar hava gjøgnum alt sítt arbeiðslív goldið til tær eftir­ lønarskipanir, sum politik­ ararnir hava skapt fyri seg sjálvan. Fólkapensjónina vilja okk­ara politikarar nú eisini skerja, soleiðis at hvør einstakur sjálvur skal spara upp til ellisárini, og við hesum politikki sleppa breið­astu herðarnir undan at gjalda til m.a. pensjónir til tey, sum ikki megna at spara upp til ellisárini, og hetta sam­svarar væl við borgarligu politisku hugsjónina, um at sam­ halds­festi skal skerjast mest møguligt, og avleiðingarnar kenna vit øll. Heitt verður tí á allar føroyingar og serliga á allar føroysku løntakararnar um at mótmæla hesum asosiala politikki, sum verandi sam­ gonga hevur stungið út í kortið, tí tað kann ikki bera til, at vanligi føroyski løn­ takarin enn einaferð skal gjalda rokningina, tá lands­ kass­anum tørvar pening og her verður hugsað um bæði ætlanirnar at broyta eftir­ lønarskattingini og sokallaði flatskatturin, sum fer at geva teimum hægstløntu í samfelag okkara stórar skatta­lækkingar, meðan vanligi løntakarin so at siga ikki fer at merkja nakað til nakran skattalætta. Tórshavn, tann 17. november 2011 Samgongan tekur grundarlagið undan eftirlønarskipanum okkara Føroya Arbeiðarafelag Georg Hansen, formaður