mánadagur 21. november 2011síða 14

Mánadagur 21. november 2011 · Nr. 135 14 Sosialurin Hugskot og viðmerkingar – send sms til 225000 Ítróttarblaðið Jóannes Hansen Møguleiki er fyri, at málsóknasti spælarin í føroysku kappingini í 2011 ikki verður at síggja í Voda­ fonedeildini í 2012. Víkinga spælarin Finnur Justinussen hevur verið í Svøríki sam­an við umboðsmanni sínum, Hans Jákup á Líknargøtu. Finnur skuldi koma aftur til Føroya í dag, og nú skal hann taka støðu til, um hann skal skriva undir tilboðið um sáttmála, sum Jönköping Södra hevur givið honum. Leygardagin var Finnur Justinussen við í venjingardysti. Jönköping Södra spælir í næstbestu deild­ini ella Superettan, sum tað verður nevnt. Mótstøðuliðið var Skövde AIK, sum spælir í triðju bestu deildini, og tað var ikki lukkuligt, sum tað gekk hjá Finni og liðfeløgunum. Úrslitið var 13-0. Sambært svenskum miðlum hevði Finnur Justinussen skorað tríggjar ferðir, tá ið 16 minuttir vóru farnir. Hann skoraði fýra mál í alt, og hann legði upp til trý onnur. Svenska landskappingin er liðug fyri í ár. Talan var um dyst, har fleiri spælarar vórðu vigaðir. Jönköping Södra royndi seks spælarar, og svenskir miðlar siga seg halda, at mest upplagdi spælarin at knýta at felag­num, eigur at vera Finnur Justinussen. Stutt eftir ársskiftið í 2010 var Finnur og royndarvandi í Gefle, sum spælir í bestu svensku deildini. Ta ferð­ina spurdist eingin sáttmáli burtur úr. 22 ára gamli Finnur Justinussen hevur sambært faroesoccer síðani 2006 spælt 161 dystir fyri GÍ og Víkingi, og hann hevur skorað 81 mál. Síðsta kappingarár spældi hann 28 dystir, og hann skoraði 23 mál – eitt í steypakappingini og 22 í lands­kappingini. Spurningurin er nú, um Finnur næsta kappingarár fer at skjóta mál í Víkingi, ella um tað verður í Svøríki, at hann fer at gera um seg. joannes@sosialurin.fo Hilmar Jan Hansen Fríggjakvøldið fekk 17 ára gamli havnarmaðurin, Jóhan á Plógv Hansen, sínar fyrstu min­uttir í bestu donsku hond­ bóltsdeildini, tá hann í seinna hálvleiki varð skiftur inn fyri lið sítt, Skanderborg, ið spældi á útivølli ímóti Aalborg. Jóhan fekk einki mál hesa løtuna, hann var inni, men sum fyrsta árs unglingur hevur hann tíðina fyri sær. Hóast úrs­litið í dystinum ikki var til vildar, tí teir taptu 31-19, má tað hava verið ein góð uppliving at sleppa at royna seg, tí yvir 2.900 áskoð­arar vóru til dystin. Jóhan á Plógv Hansen hevur fingið sín hondbóltsuppvøkstur í Kyndli, og hann er ein av fleiri ungum kyndilsspælarum, ið royna seg í Danmark. Jóhan gongur á hondbóltsskúla í Skander­borg, har eisini Høgni Klein Olsen telist millum næm­ ingarnar, og í Viborg er Eirikur Simonsen. Tá U23-landsliðið herfyri var í írska býnum Limerick og har vann A-bólkin í Challenge Trophy-kappingini, komu Jóhan á Plógv Hansen og Høgni Klein Olsen á All Star- lið­ið sum ávikavist høgri og vinstri vongur. hilmarjan@sosialurin.fo Hilmar Jan Hansen Tað verður Milan Kuljic, sum næsta kappingarár skal vera venjari hjá TB, sum aftur verður at síggja í bestu mansdeildini. Hetta váttar formaðurin í TB, André Dalfoss, fyri Suðuroyar Portalinum. Milan Kuljic spældi í farna kappingarári við AB, sum kapp­aðist við TB um upp­flyt­ ing, men annars hevur hann verið at sæð í føroyskum fót­ bólti líka síðani 1998. Fyrstu árini spældi hann við VB, og síðani var hann eis­ini í trý ár hjá HB, og hesi seinnu árini hevur hann tikið venjaraútbúgving og hevur A-prógv, ið krevst fyri at venja lið í Vodafonedeildini. Greitt er eisini, at Bojan Timic, sum fekk um endan á farnu kappingini og skoraði 10 mál í átta dystum fyri TB, heldur fram í felagnum, umframt mál­ verjan, Ivan Stojkovic, og verju­ spælaran, Dimitrije Jankovic. Harumframt ætlar TB at styrkja sær liðið við einum út­ lendskum spælara aftrat. hilmarjan@sosialurin.fo Kuljic skal venja TB Jóhan spældi í bestu deildini Bojan Timic Milan Kuljic FINNUR MÁLIÐ Finnur Justinussen hevur verið til royndarvenjing í Jönköping Södra, sum spælir í næstbestu svensku deildini, og um vikuskiftið skoraði hann fýra mál og legði upp til onnur trý í venjingardysti Savnsmynd: Álvur Haraldsen Fótbóltur Toppskjúttin í føroyskum fótbólti, Finnur Justinussen, hevur verið í Svøríki, har hann um vikuskiftið skoraði fýra mál í vinadysti Finnur gott hál í Svøríki