mikudagur 23. november 2011síða 7

7 Mikudagur 23. november 2011 · Nr. 136 Sosialurin Hugskot og viðmerkingar – send sms til 225000 í meldrinum – Stendur tað til mín, verður hetta ikki mín seinasta skaldsøga, sigur rithøvundurin og tingmaðurin, Hanus Samró Mynd: Álvur Haraldsen áhugavert og heimspekiligt evni, sum vit skulu viðgera, sambært rit­høvundanum. – Virkin deyðshjálp fyllir onkurs­vegna nógv í mínum huga­ heimi, tí spurningurin snýr seg um læknar ella aðrir serfrøðingar skulu hava vald á mínum og tínum lívi. Tað er viðkvæmt og áhuga­vert, tí tað veldst um átrúna og áskoðan. Í bókini seti eg lesar­ anum nakrar spurningar, sum vón­andi fær onkran at hugsa, um tað er rætt ella skeivt at veita deyðs­hjálp, sigur hann. – Tað er ikki fyri at provokera. Eg havi ikki tikið støðu í hesum málinum, men tað er áhugavert at viðgera, um tað tildømis er neyð­ ugt at liva við ófatiligari pínu, tá tú helst við sleppa undan tí, sigur hann fámæltur. Fleiri hugskot Tað hevur gingið við rúkandi ferð, síðani Hanus Samró flutti úr Hollandi og heim aftur til Føroya í 2007. Hann rekur fyritøkuna Ó, sum hann og ein vinmaður settu á stovn fyrr í ár, umframt at hann er tingmaður, rithøvundur og lesur stjórnmálafrøði á Fróð­ skaparsetrinum. Hóast nógv jørn í eldinum, verður hetta ikki einasta skald­ søgan, sum ambitiøsi havnar­ mað­urin fer at lata frá sær. Hann hevur hugskot til aðrar søgur, men tað verður ikki í bræði, at hann fer aftur at skriva. Nú vil hann fremst av øllum læra politiska spælið og gera sína ávirkan galdandi, meðan hann ferðast millum snurr­andi myndatól, lógarsmíð og há­tíðar­ ligar fundir. – Eg eri púra óroyndur í lands­ politikki, og nú vil eg súgva lærdóm til mín og løna teim­um aftur, sum valdu meg á løg­tings­ valinum. Eg royni at seta mær mál og soleiðis geva lívinum innihald, og stendur tað til mín, verður hetta ikki mín seinasta skaldsøga. Fyrst hugsi eg um tingarbeiðið, sig­ur Hanus Samró. Ambitiónunum bila í øllum førum ikki. uni@sosialurin.fo Lesarin kann sostatt royna at seta seg sjálvan í støðuna, tí eingin dugir at siga, hvussu dagurin í morgin fer at laga seg »So hoyrdist fótafet og grátur. Tað ljóðaði, sum ein snjøll rødd var í millum, men hon var ótýðulig. Tveir støðugir fótabrestir nærkaðust, tað hoyrdi Bjarti, men hann var tó ikki tilvitaður um, hvaðani hesir komu, tí hann visti ikki, hvar hann var. So steðgaði fótaleikurin, og ein róligur andadráttur hoyrdist. Tað tyktiskt, sum var hon yvir honum. Grátuherðindini vóru enn týðulig, men tey fjaraðu til hissini eymk. So hoyrdist sissandi røddin aftur, hesa ferð var hon beint uppi yvir honum, men áðrenn orðini festu seg í tilvitið, var lokið á eygunum flutt, og ein bjørt ljósrípa skein, halleluja, hugsaði Bjarti, men einki hendi. So segði maðurin handan glæmuna nøkur orð, men eisini tey duttu burtur. Fótabrestirnir hoyrdust aftur, tvey støðug traðk, sum fjaraðu og ekkóaðu í niðugjónni, inntil tey hvurvu heilt.« »Tað var púra kvirt, áartutlið køvdist. Einki var sagt, men eyguni talaðu sína egnu søgu. Hann tók í hondina á henni, segði einki, men leiddi hana til tjaldið. Tey vóru umgyrd av nýspríktum kærleika, umgyrd av einari kærleiksbløðru, og tá ið hann kysti hana, reyk jørðin undan. Við orðunum hjá Frændum fóru tey sveimandi móti himni og út í tað stóra univers. – Soleiðis byrjar søgan um tey bæði.« FAKTA Hanus Samró er 23 ár og býr í Hoyvík, har hann vaks upp. 15 ára gamal flutti hann til Hollands við familjuni. Hanus tók prógvið í International Baccalaureate í 2007. Hann flutti aftur til Føroya í 2008 og starvaðist eitt skifti sum læraravikarur. Hann fór undir at lesa stjórnmálafrøði á Fróðskaparsetri Føroya í 2010. Hanus Samró var valdur í løgtingið á løgtingsvalinum tann 29. oktober í ár. Hann er valdur fyri Fólkaflokkin og er tann næstyngsti valdi tingmaðurin nakrantíð. Hann er stjóri og partaeigari í smápartafelagnum Ó. »Tey bæði – trúfesti og fullkomin friður« er hansara fyrsta skaldsøga.