fríggjadagur 25. november 2011síða 17

17 Fríggjadagur 25. november 2011 · Nr. 137 Sosialurin Hugskot og viðmerkingar – send sms til 225000 Kirkjugarður á Svínaryggi Óli Jacobsen olijacobsen@post.olivant.fo Pápi Sigrid var Antonius Vensilaus Poulsen (1829-1902) úr Nýggjustovu í Nólsoy. Anthonius starvaðist við Konga­ liga Handilin og hjá T.F. Thomsen á Tvøroyri til 1865, tá ið hann flutti til Vágs at arbeiða hjá Askham, sum hevði handil á Marknoyri. Hann giftist við Hansinu Paulu Gregersen (1830-1879) úr Havn. Teirra børn skrivaðu seg Pálsson. Umframt Sigrid fingu tey hesi børn­ ini: Sigmund Poul (1858-1860) Páll Sigmundur Brestirson (1860 -1888), krambakallur. Við teirri 17 ár eldri Elisabeth Christinu Magn­us­ dóttir fekk hann í 1880 sonin Dánjal Jacob Magnussen. Í 1882 fekk hann við Hansinu Marionnu Poulinu Niclassen (1863- 1890) dóttrina Jóhonnu Elisabeth Pálsson, og í 1883 fingu tey Hans Petur Pállson. Í 1885 fingu tey Han­ sinu Poulinu, sum giftist við Jens Paula í Dali. Í 1883 fær Páll Sigmundur saman við Susannu Mariu Joensen f. 1858, Froðba, dóttrina Jacobinu Mortinu Lave. Hann hevur verið ein bragdligur fýrur, men hann doyr longu í 1888, 27 ára gamal. Thora Kristina (1862-1928). Hon var ógift og var lærari á Tvøroyri í mong ár, har hon kallaðist omma Bu. Hon er fyrr umrødd í hesi røð. Svanhild (1863-1946) giftist við danan Georg Long, sum var pren­ tari og tónleikari. Richardi Long var sonur teirra. Gudrun (1865-1887). Fekk seymistovu Sigrid flutti til Havnar í 1883 og byrjaði seymistovu og mótahandil í Havn í 1886. Í fyrstuni tók hon ímóti smáum ordrum og sat heima við hús og seymaði. Sigrid var ein framúr dugnalig seymikona, og skjótt frættist um hennara dygdargóðu avrik. Tað elvdi so til, at eftirspurningurin vaks. Í 1886 flutti hon í Nólsoyarstovu, og har læt hon upp klædna- og broderíhandil. Tá ið Johannes Djurhuus í 1910 keypti Nólsoyarstovu til apotek flutti mótahandilin hjá Sigrid út í Oyspustovu. Hon gavst við handlinum í 1919. Hetta var fyrsti mótahandil í landinum. Basarur fyri føroyska bíbliusøgu Sigrid hevur verið ein sera virkin kvinna á ymiskum økjum. Í 1892 var hon saman við systrini Thoru og um 30 øðrum við til at skipa fyri basari á ólavsøku “til Fordel for Udgivelsen af en færøsk Bibelhistorie m.m.”. Í lýsing í Dimmalætting um gáv­ur til basarin verður sagt: “For­ uden Strømper, Vanter, Huer, “Roti­ skogvar” og lign. modtages tillige Skærpekød, Skind, Uld, Smør etc. Serstøk kúgv Eftir basarin hevði Dimmalætting henda stubba: “Basaren til Fordel for Ud­ giv­elsen af en Bibelhistorie paa Færøsk blev afholdt i Gaar. Gaver var indkomne i rigelig Mængde og fandt som sædvanligt ved slige Lejlig­heder rigelig Afsætning. I For­bindelse med Basaren stod en Bevætning, hvor blandt andet “róma­stamp” blev serveret. En af Stenarbejder Andreas Jensen, Viderejde, til “Føringafelag” foræret smukt forarbejdet Modelbygning af Sten blev bortloddet. Forevisning af forskellige Mærk­ værdigheder fandt sted. Blandt andet forevistes en Ko med et stort antal Horn langs Ryg og Lænd”. Alt tekur sína tíð, og Bíbilsøgan hjá Jógvani Poulsen kom ikki út fyrr enn í 1900. Hon var seinkað av rættskrivingingarstríðnum, sum var tá. Men tá ið Bíbilsøgan kom, kostaði hon bert eina krónu. Tað var Føringafelag, sum stóð fyri út­ gávuni. Var við til at stovna avhaldskvinnufelagið. Sigrid var við til í 1899 at stovna Thorshavns Kvindeforening for Ædruelighedens Fremme. Í fráhaldsblaðnum Dúgvuni var ein áhugaverd frásøgn frá stovnandi fundinum 25. oktober í húsunum hjá Havnar Avhaldsfelag, stovnað í 1878. Við á fundinum vóru Djóni í Geil, formaður í avhaldsfelagnum og nevndarlimurin Rasmus Effer­ søe. Teir løgdu dent á, at “det sær­ lig ved en Kvindeforening var Hoved­opgaven at føre A­f­holds­ prin­sippet frem til fuld Aner­ kend­else i Samfundet, med­ens det per­sonlige Afhold for de enk­elte Med­lemmer kun havde und­er­ordnet Betydning.« Tað vóru jú ikki kvinnurnar sum drukku! Uppgávan hjá kvinnuni Víðari verður sagt í fundar­frá­søgn­ ini: ”Lærerinde Marie Nicolajsen, som i flere Aar har været Medlem af en Afholdsforening paa Kalsø, holdt et fyndigt og hjertevarmt Fore­drag om Kvindens Opgave i Af­holds­ arbejdet. Navnlig frem­hævede hun, at ligesom det var Lærerindens Pligt at indprente i Børnene Kærlighed til det gode og Afsky for det onde, saaledes vilde enhver Moder, der har Omhu for sine Børn, lære dem, hvilke Steder de bør holde sig til, naar de blive voksne, og hvilke Steder de bør holde sig fra som skadelige baade for Legeme og Sjæl. Da det er lettere at holde sig fra stærke Drikke, inden man har faaet Smag paa dem, end at rejse sig, naar man først er forfalden, var det heldigst, om Afholdsprincippet blev ind­skærpet fra Barndommen af, og i saa Henseende havde Moderen den største Indflydelse. Brug af Slikkerier, som i det hele taget var skadeligt for Børnenes Helbred, maatte betragtes som en virksom Forskole til Drikkeri og andre skadelige Nydelser. Foruden den Indflydelse, Kvin­ den som Moder var i Stand til at udøve til Afholdssagens Fremme, kunde hun ved at arbejde i Stilhed i det daglige Liv uden Tvivl virke lige saa meget som Mændene.” Maria varð kend sum ein avgjørd kvinna, sum eisini verður váttað her. Hon er einasti lærari, sum er uppsagdur, tí viðkomandi gjørdist »baptist«. Við endan á fundinum undir­ skrivaðu 42 kvinnur fráhaldslyftið. Kvinnur kundu gerast limir við at venda sær til nevndarlimirnar. Limatalið kom skjótt upp á 60. Sigrid kom í fyrstu nevndina. Tíverri er tað sera lítið, sum er skrivað um hetta felag, men tað er eingin ivi um, at tað hava verið valakvinnur, sum hava stovnað felagið. Eisini basar fyri háskúlan Í mai 1900 er ein soljóðandi lýsing í Føringatíðindum: Basar til Fordel for en Højskole paa Færøerne I Haab om at finde Støtte hos alle, der interessere sig for Op­lysn­ingens Fremme, agte vi til først­kommende Olai at foranstalte en BASAR, hvoraf Indtægten vil blive anvendt til Fordel for en Højskole her paa Øerne. Enhver anmodes paa det ind­ stændigste om at give og indsamle Gaver, der modtages af os under­ tegnede, Færøerne i Maj 1900 Tað eru umleið 80 fólk, ið skriva undir. Av hesum eru 50 í Havn. Her eru nógv sera kend nøvn. Tvey teirra vóru systrarnar Sigrid Pálsson og Svanhild Long. Inn komu 700 kr, sum var nógvur peningur tá í tíðini. Sigrid var ikki gift men hevði til fost­urs tvey børn hjá Páll Sigmundi, Elisa­beth f. 1882 og Hans Pállson f. 1883. Elisabeth hevur eisini ver­ið hjá Svanhild.Bæði doyðu í Keyp­manna­ havn. Elisabeth í 1920, og Hans í 1902. Sigrid Pálsson: Var við til at stovna kvinnufráhaldsfelag Tað eru mest menn, sum tað frættist um í umrøðu av samfelagslívinum í Havn um næstseinasta aldaskifti. Men tað vóru meira enn so virknar kvinnur. Ein teirra var Sigrid Pálsson Í komandi parti um tríggjar vikur verður greitt frá Valborg og H.C.W. Tórgarð, politikkara og byggimeistari. SIGRID R. PÁLSSON F. 3.3 1857 D. 22. 2 1924 Sigrid saman við sínum fosturbørnum, Elisabeth og Hans Pálsson »Nólsoyarstova stendur og prangar«. Hetta skrivar Petur Alberg um hesa myndina, hann tók sjálvur í 1902. Tá hevði Sigrid Pálsson handil í Nolsoyarstovu.