fríggjadagur 25. november 2011síða 34

nr. 137 · 25. november 2011 2 VIKUSKIFTI – Sjálvandi eiga vit eisini at taka avgjald frá útlendsku skipunum, tí tað kann ikki vera meiningin, at tað bara skulu vera Atlantsflog og Smyril Line, sum skulu rinda ferðaavgjald. Men kunsturin er at finna ein leist, sum ikki fær tey at leita aðrar vegir. Jákup Sverri Kass, formaður í Ferðavinnufelagnum pop-up store Rannvá G. Fossaberg rannvá@sosialurin.fo Hósdagin klokkan 14 lat kendi sniðgevin Barbara í Gongini ein heilt serligan handil upp á Áarvegnum í Havn. Talan er um ein sokallaðan pop-up store, sum fer at hava opið fram til 1. desembur. Tað er í hølunum hjá Hafnia, har Fonn Flog helt til, at Barbara í Gongini gevur føroyingum møguleika at ogna sær hennara sniðgeving. Sambært Barbaru í Gongini hevur hon tikið eitt breitt úrval av pløggum við til Føroyar, og hon heldur, at øll kunnu finna sær okkurt, teimum dámar, í handlinum. – Tað, sum eg havi gjørt, er at hava eitt sindur av hvørjum í handlinum. Eg havi tikið okkurt úr míni basic- kolleksjón og eisini okkurt úr high- end-kolleksjónini, og tískil fer handilin at hava pløgg í ymsum prísum, sigur Barbara í Gongini, sum fegnast um at hon hevur fingið møguleikan at lata upp ein pop-up store í Føroyum. – Eg havi mangan spælt við tankan, men tað hevur ikki verið gjørligt hjá mær fyrr enn nú. Konseptið við einum pop-up store er rættiliga spontant, og tað, at eg skuldi lata upp ein tílíkan handil í Føroyum, hendi eisini nærmast í eini handavending, greiðir Barbara í Gongini frá. Umframt at selja útvaldar vørur er handilin eisini eitt slag av sýnisglugga fyri nýggjastu kolleksjónina hjá Barbaru í Gongini. Hon samstarvar javnan við føroysk listarfólk, og í handlinum á Áarvegnum verður møguligt at síggja nýggjasta filmin av Mariannu Mørkøre, sum Jens L. Thomsen hevur gjørt ­ ljóð til. Hvat er ein pop-up store? Ein pop-up store er ein handil, ið hevur opið í eitt stutt tíðaravmarka tíðarskeið. Handlarnir, sum ofta eru at síggja í stórbýum hava opið í alt frá fáum døgum til nakrar mánaðir, og tískil er handilin mobilur og kann skjótt flytast úr einum býi til ein annan. Handlar av hesum slag plaga at vera bæði framsýning og handil. Hugtakið pop-up store kom upprunaliga av japanska sniðgevanum Comme Dec Garcons, sum er ein av kendastu sniðgevunum innan avant- garde'ismuna. Hugtakið hevur síðani verið brúkt av mongum, men verður tó aloftast nýtt av klædnaídnaðinum, sum liggja í tí tyngra endanum innan sniðgeving. Jóla­ stásið... Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Sóley Danielsen / Matt Cooper klumman Rannvá G. Fossaberg Hon hevur fleiri ferðir gjørt vart við seg á stórum mótamessum og arbeiðir saman við fremstu mótahúsunum. Barbara í Gongini vitjar í hesum døgum í Føroyum við einum pop-up store Føroya fyrsti pop-up store So er tíðin aftur komin, har vit konufólk skulu finna røttu klæðini til jólaborðhaldið, og tað er ikki bara sum at siga tað. Einar tvær vikur áðrenn fyrsta jólaborð­ haldið skal verða, byrjar panikkurin so smátt at gera um seg. Tú stendur framman fyri klædnaskápinum og roynir optimistisk at finna blusur, toppar, kjólar og buksur, ið hava potentiali at gerast partur av jólastásinum. Men hví er tað ALTÍÐ so, at tað, sum tú riggaði so knasandi væl seinastu jól – um tú sjálv skalt siga tað – ikki situr líka væl í ár ella bara tykist keðiligt? Tað er í hesi løtu, at panikkurin økist: Shit! Eg veðri noydd at fara at keypa mær nýtt jólastás. Onkursvegna er tað gott at hava eina undan­førslu fyri at sleppa at shoppa, men hvat er modernað hesi jólini, og klæðir mær tað, sum tær fiksu handilskvinnurnar siga vera modernað? Ofta er tað við tógvið stríð, at rætta plaggið verður funnið, men hinvegin er mann so himmalsfegin, tá tað eydnast. Endiliga kann flugubein setast við klæðini, men jólastásið er ikki heilt fullkomið enn, tí nú eru tað týdningarmiklu smálutirnir, ið skulu fáast upp á pláss. Bíleggja tíð hjá frisør, finna røttu stilettirnar, keypa nýtt neglalakk og you name it! Til jólaborðhaldið vilja allar kvinnur rigga væl. Tað er jú ikki oftari enn so, at mann hevur møguleika fyri at pynta seg við høgum skóm, glitrandi oyralokkum, flottari make up og fínum klæðum. Summar vilja enntá verða so flottar, at tær nakrar vikur áðrenn jólaborðhaldið leggja seg á eina briks við elektrodum, sum geva stoyt ella blíva knúlvaðar av eini maskinu, sum skal eitast at knúsa óynskta feittið. Spurningurin er, um tað veruliga er neyðugt at keypa seg fátæka í kostnaðar­ miklum klæðum, blíva knúlvað av onkrum feittknúsara og lata vera við at eta fyri at kenna seg vakra til jólaborðhaldið. Hoyrdi onkran sniðgeva siga, at tað fullkomna plaggið far fram tað vakrasta á kroppinum og fjalir tað, sum er minni vakurt. Men hvat við enska orðatakinum »You're never fully dressed without a smile?« Við hesum in mente fari eg at finna mær jólastásið. So segði hann... Barbara í Gongini fegnast um, at hon hevur fingið møguleikan at lata upp ein pop-up store í Føroyum