mánadagur 28. november 2011síða 22

Mánadagur 28. november 2011 · Nr. 138 22 Sosialurin Hugskot og viðmerkingar – send sms til 225000 Kjak Undirritaði var millum tey mongu, sum atkvøddi fyri Anniku Olsen á løg­tings­val­ in­um 29. oktober. Vit sum at­kvøddu fyri Anniku Olsen (1.344 fólk) vóru næstan fýra ferðir so mong, sum tey, sum atkvøddu fyri Jørgeni Niclasen (382 fólk). Kortini hevur Jørgen Niclasen fingið fýra ferðir so nógv burturúr í samgongutelvingini, sum hevur verið aftan á løg­tings­ valið. Umframt, at Jørgen Nicla­sen hevur fingið tann tyngsta landsstýrissessin (fíggj­armál), so er eisini líkt til, at Jørgen Niclasen eis­ini framhaldandi varð­ veitir formanssessin í Fólka­ flokkinum, uttan nakað mót­ valevni? Jørgen Niclasen fór annars frá, sum landsstýrismaður í uttanríkismálum, sum er ein minni krevjandi lands­ stýrissessur, enn fíggjarmál. Grundgevingin tá var, at Jørgen Niclasen segði, at hann metti ikki, at hann hevði tíð til at verða bæði for­maður Fólkafloksins og landsstýrismaður í uttan­ ríkismálum? Gongur roknistykkið upp? Nú ber knappliga til hjá Jørg­eni Niclasen at hava tann mest orkukrevjandi lands­stýrissessin, nevnliga at útvega landinum fíggj­ ar­ligar inntøkur, og sam­ stund­is at verða for­mað­ur Fólkafloksins. Hvussu for­ klárar ein fíggjar­málaráð­ harri eitt slíkt roknistykkið? Tá vit høvdu sjey valdømi var mangan sagt, at ein at­ kvøða á Sandoynni taldi líka nógv, sum tríggjar atkvøður í Suðurstreymoy. Hetta var ein av høvuðsorsøkunum til, at vit skuldu hava eitt val­ dømi. Nú er Fólkaflokkurin gott og væl farin aftur til teir gomlu dagarnar, tí tær 382 atkvøðurnar hjá Jørg­eni Niclasen telja nógv meira, enn tær 1.344 atkvøð­ur­nar hjá Anniku Olsen. Hvussu forklárar ein fíggjar­mála­ráð­ harri eitt slíkt rokni-stykki? Jørgen Niclasen er gamal ítróttarmaður, og hann veit, at tvey fjórða pláss geva einki heiðursmerki. Annika Olsen, sum eisini er gomul ítróttarkvinna hevur vunnið gull (also fyrsta pláss­ið) á tveimum valum innan seks vikur í hesum árinum, og kortini er tað maðurin við báðum fjórða plássunum á fólkatings- og á løgtingsvalinum, sum gongur sigursgongu runt vøllin nú. Hvussu forklárar fíggjarmálaráðharrin eitt slíkt roknistykkið? Og er tað ikki so harra fíggjarmálaráðharri, at 1.344 minus 382 er ein munur uppá 962? Og hví sæst hesin demo­kratiski munurin upp á heili 962 atkvøður ikki aftur í tí demokratiska rokni­stykk­ inum? Vónandi virðir lands­fund­ urin hjá Fòlka­flokk­inum tað demokratiska valúrslitið hjá Fólkaflokkinum á løg­tings­ valinum 29. oktober. Fólkaflokkurin er væl ein demokratiskur flokkur, og ikki eitt handilsvirki, ella? Er Fólkaflokkurin vorðin eitt handilsvirki? Eirikur P. Jacobsen Tórshavn Tórshavnar býráð, hevur í kvøld við 2. viðgerð samtykt fíggjarætlanina fyri 2012. Har eru nógvar og góðar íløgur til frama fyri okkum øll í Tórshavnar kommunu. Tað er nú eisini greitt, at ítróttarhøllin í Kollafirði skal útbyggjast fyri tilsamans 3 millónir kr. Talan er um, at innrættað loftið í ítrótt­ ar­høllini í Kollafirði til ítróttarvirksemi, ungdóms­ virksemi og til býgdarfólkið. Kollfirðingar hava bíðað nóg leingi og ynskja nú at síggja úrslit, og tað er tí at fegnast um, at nú verður farið undir hesa innrættan og bygging fyrst í komandi ári. – Loftið í ítróttarhøllini er tilsamans uml. 300 fer­ metrar. Ætlanin er at byrja upp á arbeiðið beinavegin fyrst í komandi ári. Hetta eri eg sera fegin um, tí eitt er vist, og tað er Kollafjørður má síggja politisk úrslit,  sum serliga  er til gavn fyri trivnaðin hjá bygdini. Eitt annað sera átrokandi mál, er ein nýggjur dag­ stovn­ur í Kollafirði og tað er mín vón, at hann verður raðfestur í 2013.  Somuleiðis verður ferðslutrygdin við Kollafjarðar skúla gjørd tryggari. Kommunan hev­ur sett 500.000 kr av til enda­ málið í 2012. Kollafjørður vil hava úrslit innan trivnaðin hjá børnum og ungum! Levi Mørk býráðslimur Borgarliga samgongan hevur nú verið veruleiki í tríggjar vikur, og hon hevur millum ann­að sett sær sum mál, at seta í verk eina flat­skatta­ skipan. Til at fíggja hesa skattaskipanina, sum økir ójavnan her á landi, ætlar samgongan sær m.a. at skatta pen­sjóns­ inngjøldini. Samgong­u­politik­ arar­nir hava biðið um út­rokningar og við­ merk­ingar frá fíggjar­ mála­ráðnum og pen­sjóns­ný­skip­anar­ar­ beiðs­bólkinum. Teir vilja hoyra teirra sjónar­mið í hes­um sam­bandi. Fíggjarmálaráðið og pensjóns­nýskip­an­ar­ bólkurin mæla staði­liga frá, at upp­skot­ið um at skatta pen­sjóns­inn­ gjøldini verður framt. Frámælið er m.a. grundað á, at fólk helst fara at hava minni hug at spara saman, og at fíggjarligu framtíðaravleiðingarnar kunnu gerast álvar­sam­ ar. Arrogansan frá sam­gonguni er full­ kom­in! Frámælið frá fíggjar­mála­ráð-num og pensjóns­nýskipanar­ bólkinum verður ikki tikið til eftirtektar. Nei, sam­gongan heldur fram at arbeiða við upp­ skotinum, og í vik­uni segði Jørgin enn eina­ ferð, at miðað verður ímóti at seta í verk flat­ skatta­skip­anina á nýggj­ árinum. Limir í Almanna- og heilsurøktarafelagnum hava í skjótt fjøruti ár rindað inn til sína egnu pensjón. Soleiðis eru vit við til at fíggja okkara egna aldurdóm við tí inntøku, vit partvíst skulu liva av. Sjálvandi skulu vit rinda skatt av út­gjaldinum, soleiðis at vit við skattinum í framtíðini framhaldandi kunnu fíggja part av almennu tænastunum. Gera vit ikki tað, koma enn fleiri pengar at mangla í almanna- og heilsuverkinum um 20 – 30 ár. Tá fara vit at noyðast antin at rinda skatt einferð afturat av okkara pensjónum, ella at gjalda fyri allar almanna- og heilsu­tæn­ astur. Kanska noyðast vit at gera bæði..? Føroya fólk eigur at vita og taka til eftir­tekt­ ar, at um politik­ararnir fremja ætlanina, ið er stungin út í kortið, er mest sann­líkt, at vit sum gomul fara at hava nógv færri pengar um hendi. Allar framrokningar vísa, at vit gerast eldri orskað av betri livi­u­ m­støðum og tøkni­liga framkomnum heilsu­ verki. Samstundis fáa vit eisini færri børn. Tá ið tað um 30 ár vera færri arbeiðsfør fólk til hvønn pensjónistin, ja so má penjónisturin í 2030 enn einaferð gjalda fyri tað, ið hann sum ungur helt seg hava goldið til. Fullkomin arrogansa... Majbritt Mohr forkvinna Almanna- og heilsurøktarafelagið Mest sann­líkt, at vit sum gomul fara at hava nógv færri pengar um hendi Kollfirðingar hava bíðað nóg leingi og ynskja nú at síggja úrslit, og tað er tí at fegnast um, at nú verður farið undir hesa innrættan og bygging fyrst í komandi ári