mikudagur 30. november 2011síða 24

Mikudagur 30. november 2011 · Nr. 139 24 Sosialurin Hugskot og viðmerkingar – send sms til 225000 Ítróttur Jóannes Hansen Yvirhøvur eru tað trongar tíðir hjá fótbóltsfeløgum. Fíggjarkreppan kring heimin ber við sær, at tað er væl strævnari at fáa inntøkur til vega, enn tað hevur verið, og harvið er tað torførari hjá fótbóltsfeløgum at rinda lønirnar, sum tey eru sátt­ málabundin at gera. Soleiðis er tað í føroysku fel­ øg­unum, og soleiðis er tað uttan­ lands, eitt nú í Íslandi, har tríggir føroyingar í fjør vóru í høvuðs­ staðar­felagnum Vali. – Tað er neyðugt at lækka um rakstrarútreiðslurnar, um tingini skulu hanga saman. Raksturin verð­ur ikki lægri fyri tað, um ein spæl­ari verður seldur til annað felag. Um tað skal eydnast at minka um útreiðslurnar, so er neyðugt at allar rakstrarútreiðslurnar lækka, og tað vil fyrst og fremst siga lønar­ parturin, tí tað er hann, sum fyllir mest. Hetta eru boðini, sum Valur í Reykjavík hevur varpað út í ís­ lendsku pressuna, og tað er ivaleyst í hesum ljósinum, at tað skal síggj­ ast, at tveir av teimum trimum før­ oysku landsliðsspælarunum, sum hetta kappingarárið vóru í Vali, nú eru farnir úr felagnum ella eru á veg úr felagnum. Jónas Þór Næs, Pól Jóhannus Justinussen og Christian R. Mouritsen vóru í Vali síðsta kapp­ ingarár. Nú er tað greitt, at Christian ikki verður í Íslandi næsta ár. Sum tað varð fráboðað í síðstu viku, so hevur Christian R. Mouritsen skrivað undir sáttmála við HB, sum hann er uppvaksin í. Enn hevur einki verið at hoyra um, at Jónas ikki verður í Vali næsta ár. Um vongverjin í høgru, sum var ein tann stinnasti av øllum spælarunum hjá Vali síðsta kapp­ ingarár, verður í íslendska felag­ num, so verður hann eftir øllum at døma einasti føroy­ing­urin. Í Aalborg Pól Jóhannus Justinussen var í síðstu viku í AaB og royndarvandi. Hann var við í venjingardysti, sum næstbesta liðið spældi ímóti granna­felagnum í Norðurjyllandi, FC Hjørring, sum er á níggjunda plássi, nú næstbesta danska deildin er farin í vetrardvala. AaB vann 2-0, og heimasíðan hjá felagnum vildi vera við, at føroyski landsliðsspælarin stóð seg væl. Á heimasíðuni hjá Tipsblaðnum vita teir at siga, at Pól Jóhannus Justinussen er miðverji og vinstri vongverji, og at hann eisini kann brúkast longri frammi í vinstra borði. Tað kann ikki sigast annað, enn at teir hava gjørt lektiur! Tað vóru annars mest sum før­ oysk líkindi, tá ið AaB í superliguni í gjárkvøldið hevði vitjan av AGF. Teir í Århus vunnu jyska klassikaran 2-0 í rættuliga nógvum vindi. Enn er einki avgjørt, um tað verður í Aalborg ella aðra staðni uttan­lands, at Pól Jóhannus Justinussen fer at spæla bólt. Í Aalborg vita teir, hvussu tað er at hava føroyskar spælarar á lønar­ listanum. Bæði Jón Rói Jacobsen og Súni Olsen hava áður umboðað AaB. Fleiri møguleikar Tað hevur ljóðað, at samband var millum Pól Jóhannus og B36, sum hevur leitað eftir avloysara fyri Odmar Færø, men nú er tað greitt, at tað ikki verður Pól Jóhannus. B36 var áhugað í at knýta vinstra beinta málsókna mannin aftrat sær, men Justinussen maðurin hevur hug at royna eydnuna uttanlands, og tað er framvegis møguleiki fyri tí. Umframt í Danmark hevur áhugi verið fyri 22 ára gamla lands­ liðs­spælaranum í Noregi og eisini í onkrum felag í Onglandi. joannes@sosialurin.fo Síðani 2009 hevur Stig-Roar Søbstad verið fastur fúsur í føroysku fót­ bóltskappingini. Tað verður hann ikki næsta kappingarár. Heima­ síðan hjá AB veit at siga, at norski álops­spælarin nú hevur takkað fyri seg í Føroyum. – Tað hevur verið eitt stórt upp­ livilsi hjá mær at vera í Føroyum og spæla fótbólt. Nú havi eg upplivað tað, sum eg ætlaði, og nú er tíðin komin at fara til hús aftur til heimlandið, sum er Noreg. Í løtuni havi eg ikki hug at spæla eitt ár aftrat í Føroyum. Tað verður gott at koma til hús, men mær hevur dámað ógvuliga væl í Føroyum, sigur Stig-Roar Søbstad við ab.fo. Norski álopsspælarin kom til Føroya og Argir í 2009, og hesi trý ár­ ini hevur hann spælt við AB, B36, B68 og aftur á Argj­ um. Faroesoccer veit at siga, at hann í 2009 spældi 12 dystir í AB, og at hann skoraði fimm mál. Í 2010 spældi hann 17 dystir við AB, har hann skoraði seks mál, áðrenn hann seinnapartin hetta sama árið flutti til B36. Har spældi hann sjey dystir, uttan at tað eydnaðist honum at finna vegin til meskarnar. Fyrra partin av farna kapp­ing­ arári var Stig-Roar Søbstad, sum á grækarismessu verður 30 ár, á Svangaskarði. Hann er skrásettur fyri seytjan dystir í B68 búnanum, og hann skoraði trý mál. Punktum fyri Føroya ferðini varð sett á Argjum, har úrtøkan var fimm mál í tólv dystum. AB heimasíðan veit at siga, at Stig-Roar Søbstad er ættaður úr Eide, sum er stutt úr bæði Molde og Kristiansund, og at hann hevur havt samband við norska felagið AK, Averøykammeratene, sum hann fer at venja við, nú hann flytir aftur til Noregs. joannes@sosialurin.fo Fyri stuttum bórust tíðindini um, at Kári Reynheim næsta kappingarár skal standa á odda fyri Vodafoneliðnum hjá NSÍ. Kári hevur verið ungdóms­ venjari á Argjum, og nú er tað greitt, hvør skal lyfta ta upp­gávuna. AB heimasíðan veit at siga, at John Norðbúð Thomsen næsta ár skal taka sær av unglingunum og 2. deild­ar­liðnum hjá AB. John hevur spælt fótbólt í B36, har hann eisini var ung­ dómsvenjari í fleiri ár. Hann hevur eisini vant kvinnuliðið hjá B36. Við AB heimasíðuna sigur John Norðbúð Thomsen, at hann er spentur upp á nýggju avbjóðingina: – Argjamenn hava stóran og góðan unglingahóp, og har eru góðir møguleikar at menna unglingar til vaksnamanna­ fótbólt. Fleiri 3. árs unglingar eru, sum skjótt eiga at fara at vera búnir at spæla á besta lið­ num. Eg ætli mær at brúka ung­ lingarnar á 2. deildarliðnum, og í unglingadeildini rokni eg við møguleikanum at røkka heiðurs­merkjaplássi, sigur nýggi ungdómsvenjarin í AB. joannes@sosialurin.fo Tað verður ein fyrrverandi GÍ spælari, sum næsta kapp­ ingarár fer at hava ábyrgdina av næst­besta liðnum hjá Víkingi. Víkingur sigur á heimasíðu síni, at Kim Petersen skal venja liðið í 1. deild í 2012. Lagt verð­ur aftrat, at Kim Petersen hevur verið sera virkin í Víkingi, síðani felagið sá dags­ins ljós. Hann hevur verið ung­dóms­ venjari, samstundis sum hann hevur verið í holtur við venj­ ara­útbúgvingarnar, sum FSF skipar fyri. Síðsta kappingarár vandi Kim Petersen smádreingirnar hjá Víkingi, og nú skal hann altso taka sær av næstbesta lið­num. Í Víkingi undirstrika teir aftur og aftur, at tað ræður um í yngru deildunum at gera nógv við at menna spælarar soleiðis, at felagið sjálvt er ført fyri at syrgja fyri tilgongd av góðum spælarum til besta liðið. Í flestu førum er tað á lið­ num í 1. deild, at spælararnir eftir ungdómsárini stríðast fyri at vinna sær pláss á besta lið­num. Í farna kappingarári end­aði næstbesta Víkinga liðið á sjeynda plássi í 1. deild. Liðið vann 9 dystir, spældi 4 javnar og tapti 14 dystir. Úrtøkan var 31 stig við málmuninum 48-58. Merkisvert var tað, at 1. deildar­liðið hjá Víkingi fyri tað mesta var mannað við ungum spælarum úr Leirvík og Gøtu. Tað er væl hugsandi, at onkrir av hesum næsta kappingarár vera við í kappingini um pláss­ ini á besta liðnum. Næstbesta liðið hjá Víkingi eigur heimavøll í Leirvík, og har verður tað næsta kappingarár 47 ára gamli Kim Petersen, sum fer at hava ábyrgdina. joannes@sosialurin.fo John venjari í AB Kim venjari í Víkingi John N. Thomsen nýggjur venjari á Argjum Mynd: www.ab.fo Føroyingarnir fara úr Vali Fótbóltur Í løtuni sær tað út til, at tað í mesta lagi verður ein føroyskur spælari eftir í íslendska høvuðsstaðarfelagnum, har tað síðsta kappingarár vóru tríggir føroyskir landsliðsspælarar Stig Roar fer til hús