fríggjadagur 2. desember 2011síða 40

nr. 140 · 2. desember 2011 8 VIKUSKIFTI MOVEMBER Rólant Waag Dam rolant@sosialurin.fo Hósmorgunin, tá kalendaraljósið varð tendrað við morgunmatarborðið og fólk flest fegnaðust um, at jólamánaðurin umsíðir var veruleiki, var smílið hjá fleiri kvinnum uppaftur størri, enn tað vanliga er, tá jólini byrja. Irreterandi larmurin frá rakimaskinuni hevur helst eisini verið hugnaligari, enn jóla­ tónarnir í útvarpinum. Og ársins fyrsti jólakossur var møguliga bæði inniligari og longri enn í fjør. 1. desember merkti ikki einans, at jólini av sonnum vóru byrjað. 1. desember var eisini endin á Mo­vember! Allan novembermánað hava mann­ fólk í øllum aldri, latið yvirskeggið vaksið. Hetta til frama fyri einum vælgerandi endamáli – hóast kvinn­ urnar, teir eru saman, í mongum føri hava gramt seg og ynskt tað langt vekk. Í flestu førum er hetta veruleiki í dag. Yvirskeggið, sum í november hvørki hevur verið bygdasligt ella nak­að, sum hipterhøvdini hava patent uppá, er í flestu førum vekk. Og tó. Teir eru fleiri, sum eru vornir so glaðir fyri sítt yvirskegg, at Movember bara var byrjanin til eitt nýtt look. Og man ikki onkur kvinna er glað fyri broytingina, tá alt kemur til alt? Movember Movemberrørslan byrjaði annars í Avstralia í 2003. Hugskotið var, at í november lótu øll mannfólk yvir­ skeggið vaksa, fyri at varpa ljós á og savna pening til stuðul og gransking í heilsutrupulleikum hjá monnum. Í ár varð peningurin savnaður inn til gransking í prostatakrabba, upplýsing og fyri­byrging. Mong lond í heiminum hava egna movemberrørslu við skipaðari inn­ savning. So er ikki í Føroyum, men fyri at arbeiðið, ið liggur í at lata yvirskeggið vaksa, ikki skal fara fyri skeyti, tók Jón Hestoy stig til eitt átak at savna inn pening – at savna yvirskeggini í eina bók. Yvirskegg í bók Í Rit og Rák í SMS mikudagin tók Per á Hædd frá Fotostudio myndir av øllum, ið komu inn at lata seg avmynda. Mynd­irnar, sum tiknar vóru, vóru frá nøsini og niður um høkuna. Øll tey avmyndaðu yvirskeggini verða út­ givin í bók, ið verður í handlunum 9. desember. Bókin telur 161 síður og 161 yvirskegg, og alt arbeiðið í sam­band við myndatøkur, umbróting, prent­ing og sølu av bókini verður gjørt ókeypis, so øll inntøka fer óskerd til Krabba­ meinsfelagið. Á hesum síðum hava vit eisini savnað fleiri yvirskegg, men vit hava bæði navn og andlit á mannfólkunum við, sum allir erpnir hava latið skeggið vaksið og her sýna tað fram. Yvirskegg, bust ella snorbremsu. Áðrenn Movember vóru tað einans bygdaslig mannfólk og sonevndir hipsters, sum høvdu hetta. Farna mánaðin hevur yvirskeggið tó verið nýtt til at varpa á heilsutrupulleikar hjá monnum. Nú Movember er av og nógv skegg eru fallin, hava vit savnað nøkur av teimum snøggastu Rættir menn hava yvirskegg Nakað soleiðis koma myndirnar í bókini við yvirskeggunum at síggja út. Eins og hesar eru tær tiknar frá nøsini og niður um høkuni. Hesi bæði yvirskeggini eiga Sveinur Dam (omanfyri) og Jón Clementsen