fríggjadagur 2. desember 2011síða 43

nr. 140 · 2. desember 2011 11 VIKUSKIFTI Fámará, og vit hava ætlanir um at gera okk­urt áhugavert saman. Seinasta árið hevur Arnfinn á Birtuni ferðast runt í landinum og vitnað á møtum, men hann heldur seg ikki til nakra ávísa samkomu. Er eyðmjúkur Hann heldur tað vera sera týdningar­ mikið at duga at eyðmýkja seg. – Tað er ein av mínum styrkjum í dag, og tann, sum vil stuðla og hjálpa øðrum, má taka tað úr egnum barmi, sigur Arnfinn á Birtuni, sum kennir seg væl komnan í øllum samkomum. Tey, sum kendu mannin, vóru bilsin av at síggja hann í sjónvarpinum val­ kvøldið við borðið hjá Miðflokkinum, men tað var ikki so løgið, at hann sat har. – Jenis av Rana hevur verið mær ein góður stuðul, og aftur fyri helt eg meg skula stuðla honum út frá mínum lívsroyndum. Arnfinn á Birtuni samskiftir nógv á facebook, og eru tað fólk, sum kundu hugsað sær at fingið nøkur góð orð, er at skriva til abirtuni@facebook.com ella fara inn á www.facebook.com/ ABirtuni. Hann er í dag ein glaður maður, og tunglyndið er hann sloppin av við. Onkur tung løta er, men hon varir stutt. Hann veit, at negativir tankar ikki kunnu brúkast til nakað. Teir bara gera ilt. – Eg eri nokkso treiskur, og verði beinanvegin glaður aftur. Arnfinn í Birtuni dugir ikki at geva nakað eintýðugt svar uppá, hvat hann ger um fimm ár. – Antin lesi eg, ella eg eri íverksetari, men allir møguleikar standa opnir. Beint nú sigi eg meg vera »på Herrens mark«, sigur Arnfinn í Birtuni. Arnfinn á Birtuni hevur ongantíð lagt nakað serligt í rúsdrekka, men hann hevur væl og virðiliga roynt onnur rúsevni. – Eg havi altíð leitað til tað alter­ nativa, og í marihuanamentanini kendi eg meg væl, og eg helt meg ongan­tíð gera nakað galið við tí. Hann er ikki bundin av rúsevnum nú, men fyri tað er hann ikki anti. Hann forsvarar rúsevnini kritiskt, sum hann tekur til. – Vit vita, at kríggið móti rúsevnum er tapt. Brúktar eru fleiri hundrað billiónir krónur í okkra peningi upp á kríggið, og fleiri hundrað menniskjalív eru farin, sigur Arnfinn á Birtuni. Í sínari tíð brúkti hann rúsevni til at ríka seg sjálvan. Hansara áskoðan er, at betri hevði verið at selt marihuana frítt, tí við at hava tað ólógligt, verður gjógvin millum misbrúkaran og sam­felagið størri. Brúkararnir verða kriminali­ seraðir – Eg kendi meg væl, tá ið eg brúkti marihuana og helt meg ikki gera nakað galið. Hann heldur, at hvør samfelags­ skipanin enn er, verða tað altíð nøkur, sum detta nirðurímóti. – Men eg veit, at frístaðurin Christiania í Keypmannahavn hevur loftað nógvum slíkum fólkum. Tað veit eg, tí eg havi sjálvur arbeitt har, sigur Arnfinn á Birtuni. Marihuanakríggið er tapt mynd: álvur haraldsen – Eg eri fegin um, at eg sá ljosið, og eg royni at ávirka og hjálpa fólki, sum eru fongd av niðurbrótandi tankum, sigur Arnfinn á Birtuni