mánadagur 5. desember 2011síða 14

Mánadagur 5. desember 2011 · Nr. 141 14 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Tað mesta av kappingarárinum higartil hevur SÍ verið einaráðandi sum oddalið, og hóast Mjølnir hevur roynt at fylgt við, hevur SÍ óhótt átt oddasessin og ger tað enn. Hinvegin er spurningurin, um tað longur ber til at siga, at oddasessurin ikki er hóttur. Fuglfirðingar eru komnir nógv seinni í gongd enn hini liðini, men nú ÍF hevur spælt fleiri dystir í síðstuni, eru eisini stig komin á kontuna, so ÍF nú er næstfremst – bara ein dyst og tvey stig aftan fyri SÍ. Farnu vikuna hevur ÍF spælt tveir dystir, ið hava givið fýra stig aftrat, so úrtøkan er tvífaldað. Í báðum førum hevur talan verið um útidystir, tí fyrst vann ÍF mitt í vikuni í einum fimmsettara á Fleyr og síðani í gjár á TB. Dysturin mitt í vikuni, sum var í Gundadalshøllini í Havn, fekk eina serstakliga dramatiska byrjan, tá fyrst Fleyr vann 28-26 í fyrsta setti og síðani ÍF vann 28-26 í øðrum setti. Síðani vunnu liðini hvør sítt sett rímiliga trygt, áðrenn ÍF í fimta og avgerandi settinum var væl meira sannførandi. Í gjár var ÍF so á vitjan í Trongis­ vági, har tað eydnaðist at vinna ein púra tryggan 3-0 sigur, ið flutti fuglfirðingar heilt upp í nánd av sørvingum, ið munnu kenna anda­ dráttin frá kapp­ingar­neyt­unum í nakkanum. TB tók annars eisini leygardagin ímóti gestum í Trongisvági, tá Fleyr var á vitjan. Tann dystin gekk betur hjá TB, hóast talan gjørdist um tap, tí hetta bleiv ein fimmsettari, sum nokk man vera tann fyrsti hjá ungu tvøramonnunum í Eik-liguni. Spurningurin er nú, um ÍF fer at taka SÍ, og harnæst, um Mjølnir raknar við aftur og fær bjóðað av heilt har frammi. Eisini verður spenn­andi at síggja, um Fleyr kann gera seg galdandi eisini, og meðan hesi fýra fremstu dystast í sínum lagi, eru tey spent í TB, um liðnum fer at eydnast at fáa sín fyrsta sigur hetta kapp­ingarárið. hilmarjan@sosialurin.fo Hilmar Jan Hansen Eitt sindur torført er at tosa um nakran beinleiðis vinnara í síðstu dystunum, tí eitt nú spældu tey bæði fremstu kvinnuliðini ikki. Hvørki Mjølnir ella Fleyr komu á vøllin, men varðveittu síni pláss á stigatalvuni, hóast tey nú hava spælt tveir dystir færri enn argastu kappingarneytarnir. Skal nakað lið tó takast fram um hini, um hugsað verður um góða úrtøku í síðstuni, so má tað vera Ternan. Flogbóltskvinnurnar á Toftum hava í sínum 10 dystum higartil vunnið seks og fingið 12 stig, og tað røkkur í løtuni til eitt fjórða pláss. Í gjár var tað ÍF, sum stóð fyri skotum. Kvinnurnar í Fuglafirði vóru farnar út á Toftir at royna at koma fyri seg aftur, eftir at tær hóskvøldið á heimavølli taptu 0-3 fyri Drátti. Men ikki kann sigast, at tað gongur rætta vegin hjá ÍF, tí heldur ikki á Toftum fekst nakað burturúr. Ternan vann ein rímiliga tryggan 3-0 sigur, og tí er ÍF stóri taparin í løtuni. Bara hesir báðir síðstu taptu dystirnir gera, at ÍF-kvinnurnar eru triðniðastar á stigatalvuni. SÍ rennur aftaná Eitt av liðunum, sum er niðanfyri, er TB, sum í gjár í Trongisvági hevði vitjan av SÍ, ið roynir at renna aftan á oddaliðunum báðum. Higartil í vetur hevur TB bara vunnið ein dyst, og hetta gjørdist heldur ikki dagurin, har annar sigurin skuldi koma til høldar. SÍ, sum sær út til at vera størsti bronsufavoritturin í løtuni, hevði ikki stórvegis trupulleikar av TB, men vann 3-0 og varðveitti triðja plássið, har SÍ hevur sama stigatal sum Fleyr og er tvey stig aftan fyri Mjølnir, men tó við tveimum dystum fleiri enn tey bæði ovaru liðini. Soleiðis sum kappingin hevur sæð út higartil, eru Mjølnir og Fleyr eisini tey bæði bestu liðini, meðan SÍ helst er tað einasta, ið klárar at fylgja teimum so mikið, at tað kemur at røkka til bronsu ella í besta føri eitt sindur av arging, tá finaluplássini veruliga standa upp á spæl. Ternan og Dráttur, sum í løtuni eru nummar fýra og fimm, tykjast hava munin á teimum trimum liðunum, ið eru niðanfyri, men har kann ÍF saktans bjóða teimum av. ÍF-kvinnurnar hava havt svingandi avrik og fingið lítið burturúr, men ofta kemur ÍF fyri seg mitt í kappingini og tekur nøkur stig. Niðast eru so TB og KÍF, ið helst eisini verða verandi har, hendir ikki rættiliga nógv hjá teimum. TB hevur so fingið tvey stig, meðan KÍF einki hevur enn, og í løtuni er lítið, sum bendir á, at teirra stigaúrtøka kann verða meira, enn tey kunnu vinna ímóti hvørjumøðrum. hilmarjan@sosialurin.fo Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 8 8 0 24 4 20 16 2 Fleyr 8 7 1 23 4 19 14 3 SÍ 10 7 3 24 9 15 14 4 Ternan 10 6 4 18 13 5 12 5 Dráttur 8 4 4 13 15 -2 8 6 ÍF 10 3 7 10 23 -13 6 7 TB 9 1 8 6 24 -18 2 8 KÍF 9 0 9 1 27 -26 0 Eik-ligan menn nr. Lið Dystir Vunnið tapt vunnin sett tapt sett munur Stig 1 SÍ 6 5 1 17 4 13 10 2 ÍF 5 4 1 13 7 6 8 3 Mjølnir 6 3 3 10 11 -1 6 4 Fleyr 5 2 3 9 12 -3 4 5 TB 6 0 6 3 18 -15 0 02/12 ÍF - Dráttur 0-3 (24-26, 20-25, 20-25) 04/12 TB - SÍ 0-3 (15-25, 21-25, 14-25) 04/12 Ternan - ÍF 3-0 (25-15, 25-20, 25-18) 01/12 Fleyr - ÍF 2-3 (28-26, 26-28, 17-25, 25-21, 8-15) 03/12 TB - Fleyr 2-3 (16-25, 25-21, 16-25, 25-21, 10-15) 04/12 TB - ÍF 0-3 (18-25, 14-25, 17-25) Ternan høgt flúgvandi Kvinnuflogbóltur Flogbóltskvinnurnar á Toftum spíla seg rættiliga út og eru nú nummar fýra í Eik-liguni. Eisini SÍ tók seg nærri toppinum, har bæði Mjølnir og Fleyr megnaðu at halda stand, hóast hvørki liðið spældi dyst Fuglfirðingar í gongd Mansflogbóltur Menninir hjá ÍF eru við at koma upp á sama dystartal sum flestu av hinum liðunum, og tað byrjar nú eisini at síggjast aftur á stigatalvuni TREYSTA TERNAN Hóast Ternan á Toftum er yngsta felagið av øllum, smæðist liðið ikki millum hini kvinnuliðini, men er í løtuni fjórðfremst av teimum átta liðunum í Eik-liguni hjá kvinnum Savnsmynd: Álvur Haraldsen