mánadagur 5. desember 2011síða 20

Mánadagur 5. desember 2011 · Nr. 141 20 Sosialurin Hugskot og viðmerkingar – send sms til 225000 Ítróttarblaðið Tróndur Arge Spenningurin var í hæddini fríggja­ dagin, tá avgerast skuldi hvør skal møta hvørjum í EM-endaspælinum í Polandi og Ukraina í komandi summar. Stóru tapararnir av luta­ kast­inum vóru landsmenninir hjá núverandi og fyrrverandi lands­liðs­ venjarunum hjá okkum. Danmark kom í sterkasta bólkin, meðan Írland skal snúgva sær fram við Spania, Kroatia og Italia fyri at koma víðari. Bólkur A: Poland, Tjekkia, Grikkaland og Russland Hetta er avgjørt veikasti bólkurin og øll londini munnu fegnast um luta­kastið. Poland hevur stóra fyri­munin av at vera á heimavølli, men er samstundis tað landið í EM- enda­spælinum, sum er styrkismett lægst á FIFA listanum sum nummar 66. Vertirnir spæla setanardystin ímóti Grikkalandi tann 8. juni. Russland og Poland eru helst bestu boðini uppá, hvør kemur víð­ ari úr bólkinum, men bæði Tjekkia og EM-vinnarnir frá 2004, Grikka­ land, hava sínar styrkir og kunnu vinna seg víðari. Ein opin bólkur. Bólkur B: Holland, Danmark, Portugal og Týskland Donsku EM-dreymarnir fingu eitt slag fyri og annað eftir, so hvørt sum bólkur B myndaði seg. Úr sterk­asta styrkisbólkinum kom Holland og síðani Týskland og úr trið­sterkasta styrkisbólkinum kom Portugal. Ein krútbólkur sum vil nakað. Av hasum fýra er Danmark tað landið, sum er styrkismett lægst á FIFA-styrkislistanum sum numm­ar 11, og tað sigur ikki so lítið um styrk­ina í bólkinum. Eitt nú kann nevnast, at Grikkaland er tað landið, sum er styrkis­mett hægst í bólki A og teir eru styrkismettir sum nummar 12. Tað ber illa til at taka dagar ímill­um londinum í hesum bólk­ inum, men Holland og Týskland munnu nokk hava munin, sum nú er. Dan­mark hevur verið sterkari og megnaði alíkavæl at koppa Portugal í undan­kappingini, so Portugal hev­ ur eisini nakað at prógva. Fyrimunurin við at vera í bólki B er, at tey bæði bestu skulu møta liðum úr bólki A í fjórðings­final­ uni. Bólkur C: Spaina, Írland, Kroatia og Italia Eisini ein bólkur, ið telur heimsins sterkasta landslið, Spania. Tað er ilt at ímynda sær, hvør skal steðga spaniólum, um teir halda fram at spæla tann fótbóltin, teir hava borðreitt við síðani undan­ kappingina til EM í 2008. Liðið er framvegis inntakt og allar stjørn­ urnar eru framvegis í góðum aldri. Tí verður helst talan um eina kapping millum Italia og Kroatia um at fáa hitt plássið, ið gevur víðari luttøku. Tað er ongin ivi um, at lands­menninir hjá Brian Kerr koma hugagóðir til endaspælið, men teir skulu nokk vera meira enn hepnir, um teir skulu koma víðari. Bólkur D: Ukraina, Frakland, Svøríki og Ongland Hesin bólkurin er sera opin, men Svøríki stendur helst veikast í mynd­ini. Tað skal ganga Zlatan Ibrahimovic serstakliga væl, um teir skulu stjala annað teimum báðum fremstu plássinum. Ukraina er sum so ikki eitt sterkari landslið. Millum annað er stjørnan tann aldrandi Andrei Shevchenko, sum nú er blivin 35 ára gamal. Styrkin hjá Ukraina liggur í heimavøllinum. Tað er ilt at meta um, hvørjum standi Frakland og Ongland møta upp í. Frakland hevði eitt skamm­ iligt HM-endaspæl í Suðurafrika og nakað at prógva, men spurningurin er so, um tað er ein styrki ella veikleiki. Mangan hevur Ongland vunnið bæði HM og EM, áðrenn fyrsta bríkslið hevur ljóðað, fyri síðani at verða eitt stórt vónbrot. Men við nógv­um nýggjum og hugagóðum ungum leikarum, so er ikki óhugs­ andi at Ongland fer at koma betur frá hesum endaspælinum enn onkr­ um av hinum. Fyri Ongland kemur tað illa við, at Wayne Rooney hevur leikbann fyrstu tríggjar dystirnar. Tað kann verða munurin á, um Ongland kem­ ur víðari ella ikki. EM-endaspæl Lutakastið í Kiev gjørdist ein marra fyri Morten Olsen og danska landsliðið, sum endaði í einum krútbólki saman við Týsklandi, Portugal og Hollandi. Hepnari vóru vertirnir úr Polandi, sum komu í avgjørt lættasta bólkin Neyðars Danmark! HARÐUR BÓLKUR Landsliðsvenjararnir úr Týsklandi, Danmark, Portugal og Hollandi síggja allir meira ella minni ivingarsamir út eftir EM-lutakastið fríggjadagin Mynd: Efrem Lukatsky/AP Tróndur Arge Tey sum minnast HM í 1982, minnast eisini Socrates. Mað­ urin við stóra skegginum og hárbandinum, sum líktist meiri eini rockstjørnu enn ein­um brasilskum lið­skip­ ara. Saman við millum ann­ að Zico bergtók hann allan fótbóltsheimin á sumri 1982 í Spania. Brasilska lands­liðið spældi dreyma­fót­bólt við teim­um báðum sum snú­ nings­punkti á miðvøll­inum. 82-liðið verður av mongum mett sum eitt tað besta landsliðið, ið ikki megnaði at vinna HM-gull. Teir vóru í fjórðingsfinaluni so óhepnir at renna seg í italsku mál­ maskinuna, Paolo Rossi, og taptu. Socrates hevur seinastu vikurnar verið illa sjúkur og í gjár komu boðini um at 57 ára gamli lívsnjótarin ikki longur er millum okkum. Socrates, sum er føddur 19. februar 1954, spældi fyri tað mesta í Brasil, har hann eisini las til lækna. Hann fekk tí eisini eyknevni »læknin«. Hann royndi seg eitt skifti í italskum fótbólti í Fiorentina, men eftir hálvt annað ár fór hann aftur til Brasil at spæla. Hann gavst at spæla í 1989. Tí vakti tað stóran ans, tá hann sum 50-ára gamal spældi ein dyst fyri Garforth Town í lægru deildinum í Onglandi. Hann spældi í tólv minuttir og takkaði fyri seg. Sócrates Brasileiro Sampaio de Souza Vieira de Oliveira náddi at spæla 60 lands­dystir og skjóta 22 mál fyri Brasil. trondur@sosialurin.fo Brasilski fótbóltsspælarin, Socrates, var í 1982 ein av leikarunum á besta liðnum, sum ongantíð vann HM. Í gjár andaðist hann eftir sjúkralegu í nakrar vikur Mynd: Andre Penner/AP Socrates deyður Venjarin hjá Írlandi, Giovanni Trapattoni, landsmaður hansara og venjari hjá Italia, Cesare Prandelli, og Vicente del Bosque, venjari hjá verandi evropeisku meistarunum úr Spania