mánadagur 12. desember 2011síða 20

Mánadagur 12. desember 2011 · Nr. 144 20 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Í gjár gjørdist greitt, at menninir hjá SÍ hava vunnið sær pláss í steypa­finaluni, hóast teir fram­ vegis hava ein dyst eftir at spæla í fyrru kappingarhálvu, sum er ímóti Mjølni. Hetta, tí tað bara var ÍF, ið kundi fáa SÍ aftur, men av tí at sør­vingar í gjár bastu fugl­firð­ ing­um, er endaliga greitt, at SÍ eigur oddasessin eftir fyrstu helvt av lands­kappingini, og tað gevur steypa­finalusessin. Fuglfirðingar eru komnir mal­ andi eitt sindur aftan á øllum hinum, men hava nú fingið hini liðini aftur í dystartali. Spurn­ing­ urin hevur verið, hvat greipu­vinn­ ar­arnir í ÍF megna hetta kapp­ingar­ árið, og hóast góð tíð enn er at fáa tann spurningin endaliga svaraðan, so kann í stuttum sigast, at SÍ í øll­ um førum sær út til at orka best av øllum. Í gjár vitjaðu menninir hjá SÍ á Kambsdali, har ÍF tók ímóti, men dysturin gjørdist ikki so spennandi, sum støðan á stigatalvuni annars kundi bent á, tí tað endaði við, at SÍ vann ein rímiliga tryggan 3-0 sigur, har tað einki av settunum av álvara stóð á hjá sørvingum, ið tykjast sera væl upplagdir. Ein fimmsettari Ein av teimum trimum dystunum um vikuskiftið var ein fimmsettari, tá Mjølnir í Badmintonhøllini í Klaksvík tók ímóti Fleyr í tí gamla klass­ikaranum, sum fyri veður bleiv útsettur frá fríggjakvøldinum til í gjár. Undan dystinum vóru liðini jøvn í stigum, men Mjølnir, sum seinnu árini hevur verið tað drúgvara av »teimum báðum gomlu«, vann og fór tvey stig framum, umframt at Fleyr hevur spælt ein dyst meira, so munurin kann økjast. Fyrstu fýra settini síggja í hag­ tølunum út sum ein spegilsmynd, tí fyrst vunnu gestirnir úr Havn 25-22 og 25-15, áðrenn vertirnir svaraðu aftur við júst somu settúrslitum, 25-15 og 25-22. Tá avtornaði í fimta setti, eydnaðist Mjølni at ríða á síni aldu av viðgongd og vinna settið og dystin. Triði dysturin um vikuskiftið var leygardagin í Gundadalshøllini í Havn, har Fleyr tók ímóti TB. Hesa ferð vóru ungu tvøramenninir ikki ordiliga í nánd av at vinna nakað sett, men sjálvt um teir taptu 3-0, var talan heldur ikki um ein so øgiligan avsmurning. Fleyr hevði munin allan vegin, men kortini sást, at TB-liðið støðugt tekur seg fram og skjótt kanska fer at vinna sín fyrsta dyst í bestu deildini. hilmarjan@sosialurin.fo SÍ í steypafinaluni Mansflogbóltur Við einum reinum 3-0 sigri á útivølli ímóti greipuvinnarunum í ÍF, vann SÍ fyrru kappingarhálvu og hevur tí vunnið sær pláss í steypafinaluni Hilmar Jan Hansen Eingin av teimum trimum kvinnu­ dystunum um vikuskiftið hevði nakað úrslit, ið elvir til bilsni, tí í øllum trimum førum var talan um trý tey fremstu liðini, ið spældu útidystir ímóti liðum, ið liggja lægri á stigtatalvuni, og í øllum trimum førunum vunnu favorittarnir. Mjølnir, sum vann fyrsta teinin av landskappingini herfyri og tí hevur tryggjað sær annað plássið í steypafinaluni hjá kvinnunum, var á Toftum og vitjaði nýggjasta fel­agið av øllum, Ternuna, ið hevur heima­vøll í skúlahøllini í Tofta skúla. Sum væntandi var, vann Mjølnir ein tryggan 3-0 sigur, har tað ikki eydnaðist Ternuni at geva stórvegis mótstøðu. Kortini má sigast, at árið higartil hevur hildnast væl hjá toftakvinnum, sum hava vunnið seks dystir higartil í vetur. Men ímóti Mjølni var mótstøðan ov stór, og klaksvíkskvinnur kundu leggja enn ein sigur aftur at teimum, liðið hevur vunnið áðrenn, tí enn veit Mjølnir ikki, hvussu tað er at tapa hetta kappingarárið… Fleyr flúgvandi Fleyr, sum síðsta vetur royndist næstbest og tá spældi FM-finalur ímóti kvinnunum hjá Mjølni, var hesa ferð á vitjan á Giljanesi, har Dráttur tók ímóti. Eingin slingur var í valsinum hjá Fleyr, ið var flúgv­andi og vnn sera trygt – og tað eina settið bara loyvdi Drátti at fáa átta stig! Sera sannførandi avrik hjá Fleyr- kvinnunum, ið avgjørt mugu met­ ast sum argasti kappingar­neytin hjá oddaliðnum, Mjølni. Triðja liðið í fremstu røð, sum í øllum førum enn megnar at fylgja við teimum báðum allarfremstu, er SÍ. Hesa ferð vóru sørvágskvinnur á vitjan hjá KÍF í Kollafirði, og eisini her var talan um ein tryggan 3-0 sigur, hóast arbeiðast mátti eitt sindur meira fyri sakini tey bæði fyrstu settini, áðrenn SÍ sat á øllum í triðja setti. Sum stigatalvan sær út, verða Mjølnir, Fleyr og SÍ verandi tey fremstu, tí hini tykjast ikki at røkka heilt har upp. Síðani hevur Ternan staðið seg sera væl, eins og Dráttur tykist koma meira og meira fyri seg, hóast dysturin um vikuskiftið var eitt afturstig, og eisini kann roknast við, at ÍF kann gera onkran vørr. Hinvegin sær einki út hjá TB, ið bara hevur tvey stig, og KÍF, ið enn eigur fyrstu stigini á. hilmarjan@sosialurin.fo Favorittarnir vunnu FLEYR BETRI FLOG Menninir hjá Fleyr tóku ímóti TB leygardagin og vunnu á heimavølli ein tryggan sigur Mynd: Álvur Haraldsen Kvinnuflogbóltur Trý tey fremstu liðini vunnu øll sínar dystir um vikuskiftið, so í Eik-liguni hjá kvinnum sær alt út, sum roknast kundi við, at tað fór at gera Hilmar Jan Hansen Nú veðrið ikki var av tí allarbesta fyrra partin av vikuskiftinum, hevði tað onkrar avlýsingar við sær í Eik-liguni hjá bæði kvinnum og monnum. Soleiðis blivu tveir dystir hjá TB avlýstir um vikuskiftið. Annar var mansdysturin á Kambsdali millum ÍF og TB, sum skuldi verið spældur fríggjakvøldið, og hin var kvinnudysturin í Trongisvági millum TB og ÍF, sum skuldi verið spældur leygardagin. Dysturin millum mansliðini hjá Mjølnir og Fleyr, sum skuldi verða spældur fríggjakvøldið, bleiv eisini avlýstur, men liðini spældu hann so í staðin seinnapartin í gjár. hilmarjan@sosialurin.fo Mynd: Álvur Haraldsen Dystir útsettir