mikudagur 14. desember 2011síða 13

13 Mikudagur 14. desember 2011 · Nr. 145 Sosialurin Hugskot og viðmerkingar – send sms til 225000 í meldrinum – Tað er bestemt ein gularót fyri okkum, at vit fáa so góð ummæli, vinna so nógvar festivalar, og at vit nú eru við í Oscar undankappingini. Tað er fantastiskt, sigur Rannvá Káradóttir amerikanarar, sum jú koma at gera av, hvussu langt tær skulu náa, halda um filmarnar? – Ja, í apríl í ár vóru vit í USA og vístu filmarnar fram í Scandi­ navian House í New York. Tá vóru fólk sera bergtikin av filmunum. Vit fingu nógvar viðmerkingar um føroysku náttúruna, sum veruliga er í fokus, og fólk vóru forvitin og spurdu um Føroyar, sigur Marianna. – Eg haldi, at okkara filmar hava eitt heilt sermerkt úttrykk. Tað er antin/eller. Antin dámar fólki teir sera væl, ella dámar teimum teir slett ikki. Teir eru heilt øðrvísi og bróta frá, og tí er tað ilt at siga, hvørjar vánirnar eru, sigur Rannvá. – Men vit hava ikki nýtt nakra uppskrift, og tí hava flestu fólk aldri sæð nakað líknandi fyrr. Hetta er heilt nýtt, og tað trúgvi eg, kann vera ein styrki, leggur Rannvá dent á. Røð av átta filmum Marianna og Rannvá hava sett sær fyri at gera átta stuttfilmar í røðini »The Cycle«. Tær hava longu arbeitt við hesi verkætlanini í tvey ár, og júst nú sita tær og klippa film nummar fimm, sum eitur Karmok. Sìðani hava tær tríggjar film­ar eftir at gera av hesi stutt­filma­røðini, og ætlanin er, at tær, tá allir filmarnir eru gjørdir, skulu seta allar stutt­film­ arnar saman og lansera teir sum eitt heilt pro­jekt. – Tað hevur verið strævið at arbeiða við hesum filmunum á tann hátt, at vit bara eru tvær. Vit hava nógv hugskot, men tað tekur langa tíð at gera ein film. Vit arbeiða við hugskotinum, skaffa fígging, finna leikarar, finna støð at filma, filma, klippa og gera pr- arbeiðið. Og tað eru bara vit báðar, so nýggju hugskotini eru langt frammanfyri tað, sum vit megna at arbeiða burturav okkum, vísir Marianna á. – Men sjálvt arbeiðið fellur okkum als ikki tungt, slær hon fast. Rannvá heldur, at tað eisini ger arbeiðið nógv lættari, at tær allatíðina fáa herðaklapp fyri tað, tær gera. – Tað er bestemt ein gularót fyri okkum, at vit fáa so góð um­ mæli, vinna so nógvar festi­valar, og at vit nú eru við í Oscar undan­ kappingini. Tað er fan­tastiskt, sigur Rannvá. Við í fremstu røð Hóast tær hava nógvar arbeiðs­ ætlanir við seinastu trimum film­unum, so kunnu Rannvá og Marianna samstundis njóta at vera komnar við í undankappingina til the Oscars. Nú, tær hava tryggjað sær pláss í undankappingini, er bara at bíða, inntil oktober kemur, og allir vinnandi filmarnir eru funnir. Síðani skulu filmarnir ígjøgnum tvey útskiljingarumfør, og at enda, tá lýsingarherðferðin fyri Oscar-handanina 2013 fer at koyra, finna vit útav, um ein før­ oyskur stuttfilmur er ímillum teir seks tilnevndu. Um væl vil til, vinna føroyingar eina av gyltu standmyndunum fyri besta stuttfilm í 2013. Livst so spyrst. Men vit kunnu í øllum førum fegnast um, at nýskapandi, føroysk filmslist er við heilt frammi í frontinum. Tað er ótrúliga flott. eydna@sosialurin.fo Hóskvøldið 15. desember verða fýra filmar hjá Rammatik, sum Rannvá og Marianna til­samans nevna seg, vístir í Norðurlandahúsinum. Tá verður nevniliga eitt før­ oyskt filmslistakvøld. Bæði »Magma«, sum er við í Oscar undan­kappingini, »Amohr«, »Marran« og »Irra« verða sýnd­ ir fram, saman við hópin av øðrum føroyskum filmum. Skráin fyri Filmskvøldið kl 19.30 í Norðurlandahúsinum: • Skýming - Anton Petersen • Ávegis - Andrias Høgenni • Alda reyð & Needle and String - Heiðrik á Heygum • Last Song - Katrin Ottarsdóttir • Magma, Amohr, Marra, Irra - Marianna & Rannvá • BIG - Marianna Mørkøre • Bow - Rannvá Káradóttir • Vón og Málhøvd - Dennis Agerblad • Mens vi venter - Franklin Hendriksen • Mary D - Jákup Veyhe / Uni Debess Vinnarafilmur í Norður­landa­ húsinum Hvørjar eru styrkirnar hjá Marionnu og Rannvá? – Stílistiskt er tað ein styrki, at tær halda seg til sama úttrykk og allíkavæl finna nýggjar tilgongdir til sama úttrykk, alt við føroyskum botni og baksýni. Ikki so ólíkt søguligum stuttfilmum hjá Salvador Dalí og Louis Buñel. Hóast tað tykist einfalt, er tað komplekst og á tí surrealistiska bógnum. Hvat hevur tað at siga fyri filmslistafólk at verða sett í samband við Oscars? – Tað at gera film er at skapa sjónligheit, so hetta er tað einasta tú hevur uppá hondina, serliga um tú kemur úr Føroyum, her eingin filmsgrunnur er. Tað, at filmarnir verða vístir á ein skipaðan hátt, har filmsummælarar møta, hevur alt at siga. Festivalarnir hava tí alt at siga fyri ein, sum ger film. Oscars er tó ein serliga prestigufull kapping. Næstan hvørt ár verða norðurlendskir filmar tilnevndir, og tað hevur alt at siga at verða settur í samband við Oscars - eisini hóast tú bara kemur við í fyrsta útskiljingarumfarið og ikki verður endaliga tilnevndur. Hvat kann hetta merkja fyri føroyska filmslist? – Aftur er tað sjónligheit. Tað, at ein føroyskur filmur kann seta Oscarstemplið á alla marknaðarføring, er tað besta filmsbrandið, ið finst. Og tað kann seta fokus á Føroyar sum filmsland. Eisini hóast eingin almennur filmsídnaður er, men eitt virkið undirlendi av einstaklingum og Klippfisk. Høvdu vit havt ein filmsgrunn ella eina films­skriv­ stovu, so høvdu vit kunnað fingið nógv burturúr hesum. 3 skjótir til Birgir Kruse