mikudagur 14. desember 2011síða 19

19 Mikudagur 14. desember 2011 · Nr. 145 Sosialurin Hugskot og viðmerkingar – send sms til 225000 Eirikur Lindenskov Eins og áður er tiltakið á tremur við livandi tónleiki og virðislønarhandanum. – Vit hava í ár lagt okkum eftir at bjóða eina fjølbroytta og spennandi tónlistarliga skrá, sum bæði vitjandi og lurt­arar hjá Rás2 kunnu njóta gott av, sigur Barbara Holm, fyrireikari. Tiltakið verður í Deep 28. desember, og í dag ber til at keypa atgongumerki í Tutl handlinum á Káta Horninum. Eisini vera tilnevningarnar al­mannakunngjørdar aðra staðni í blaðnum, og atkvøðu­ greiðslan verður skotin í gongd í dag. – Vit síggja, at áhugin fyri Planet Awards veksur hvørt ár. Í øllum førum eru tað fleiri og fleiri sum atkvøða fyri tí sangi, bólki ella einstaklingi, sum tey meta vera tey bestu í landinum. Tað er at fegnast um, tí onkursvegna er tað ein váttan um, at fólk hava ein áhuga í at heiðra okkara tón­leikarum, sigur Barbara Holm. Frá galla til býarlív Planet Awards byrjaði fyri mongum árum síðani á Hotel Føroyum, har útlendskir tón­leikarar framførdu, kvinn­urnar vóru í stórum galla­kjólum, og sjampanja og pinna­matur eyðkendi fína galla­showið. Men nú er tiltakið nakað broytt. Sein­ astu tvey árini hevur tiltakið verið í býarlívinum í Havn – í Rex og Deep – og í verður tiltakið aftur í Deep. – Sjálvandi dámdi okk­ um væl at bjóða fólki tað stór­sligna showið, sum var á Hotel Føroyum. Men okkum dámar eins væl at bjóða fólki til eitt avslappað og meira rátt tiltak í Deep, sum vit meta vera eins gott, bara øðrvísi onkursvegna. Har­ um­framt eru vit farin frá at biðja útlendskar sangarar lut­taka, tí tað snýr seg altso um okkara tónleikarar, og tey fan­tast­isku føroysku fólkini, sum ár eftir ár geva tjóðini stórar tón­listarliga gávur. Tá er tað onkursvegna løgið at biðja út­lendskar sangarar undir­halda, heldur Barbara Holm. Tað er neyvan nøkur loyna, at fíggjarligu korini hjá føroysku miðlunum eru versnað seinastu árini, og hetta merkist eisini aftur í Miðla­húsinum. Men Planet Awards heldur kortini fram. – Vit fara ikki at spara Planet Awards burtur, tí tað hevur ómetaliga stóran týdn­ ing fyri Miðlahúsið, at vit sleppa at geva okkurt aftur til tey, sum hava ríkað okkum og okkara radiostøð hvørt ár. Vit eru tey einastu, sum skipa fyri einum hátíðarhaldi til frama fyri tónleikinum, og tað hevði verið stórt spell, um vit pakkaðu saman, heldur Barbara Holm. Á skránni til Planet Awards í ár eru framførslur frá Jákup Eli Joensen, Høgna Reistrup, Páll Finnur Páll og fleiri øðrum. Haraftrat vera virðislønir handaðar til ársins sangara, ársins song­ kvinnu, ársins bólk, ársins einstakling, ársins út­gávu, ársins lag og ársins nýggja bólk ella einstakling. Har­ aftrat verður ársins herða­ klapp latið onkrum, sum Miðla­húsið heldur hevur uppi­borið hendan heiður. Til ber at keypa atgongumerki til til­takið í Tutl handlinum, ella at hoyra alt á Rás2. eirikur@sosialurin.fo Vit vilja heiðra okkara tónleikarar Planet Awards 2011 Aftur í ár bjóðar Miðlahúsið til Planet Awards 2011, sum fer at heiðra tey bestu innan føroyskan tónleik í brátt farna ári The Dreams gjørdist ársins bólkur á Planet Awards 2010. Her fær Hans Edward Andreasen handa heiðurslønina frá Heðini Mortensen, borgarstjóri Mynd: Álvur Andreasen