mikudagur 14. desember 2011síða 21

21 Mikudagur 14. desember 2011 · Nr. 145 Sosialurin Hugskot og viðmerkingar – send sms til 225000 Ítróttur Hilmar Jan Hansen Kappingin í Eik-liguni hjá monnum sær meira og meira út til at gerast eitt spennandi tríkantsdrama mill­ um SÍ, ÍF og Mjølnir, har vónleyst er at taka dagar ímillum, hvørji tvey av liðunum kunnu røkka í FM- finalurnar og hvat teirra so skal sita uttan­fyri við ongum. Í øllum førum gjørdi Mjølnir í gjár­kvøldið sítt til at gera odda­ stríðið hjá flogbóltsmonnunum enn meira spennandi, tá tað á heima­ vølli í Badmintonhøllini í Klaksvík eydnaðist at vinna ein drúgvan fimmsettara ímóti SÍ, sum í allan vetur hevur verið oddalið, men nú bara er tvey stig framman fyri ÍF og Mjølnir – og ÍF enn hevur spælt ein dyst færri enn hini bæði. Dysturin í gjárkvøldið byrjaði annars soleiðis, at tað kundi sæð út sum ein rímiliga lættur 3-0 sigur til sørvingar, tí teir vunnu tey bæði fyrstu settini 25-20 og 25-19, uttan at Mjølnir sá út til at hava tað stóra at hótta við. Men í triðja setti, sum ofta kann vera eitt sindur tyngri at hála í land hjá liðnum, sum er frammanfyri, kom Mjølnir í gongd og vann sann­ førandi 25-15. Hinvegin stóð meira á í fjórða setti, ið gjørdist javnt og spennandi, og endaði 25-23 til Mjølnir, ið sostatt hevði tryggjað sær eitt fimta sett, sum skuldi av­ gera alt. Liðið hjá SÍ, sum frammanundan var fyriuttan onkrar av vanligu pro­ filunum, mátti í fimta setti klára seg uttan Rajko Petrovic, tí hann leyp framav og fekk reyða kortið, áðrenn fimta settið fór í gongd. Og tað vísti seg eisini, at Mjølnir nú hevði fult tamarhald á støðuni, vann settið 15-9 og harvið dystin 3-2. hilmarjan@sosialurin.fo Mjølnir koppaði SÍ Flogbóltur Tað eydnaðist í gjárkvøldið klaksvíkingum at vinna á sørvingum, tá bestu mansliðini hjá Mjølnir og SÍ hittust í Badmintonhøllini í Klaksvík PÚRA OPIÐ Eftir at Mjølnir í gjárkvøldið vann á SÍ, er kappingin millum hesi bæði og ÍF púra opin. Men bara tvey av trimum sleppa í FM-finalurnar Savnsmynd: Álvur Haraldsen Hilmar Jan Hansen Toftamenn dubba seg framvegis til komandi kappingarárið, tí í gjár var sáttmáli gjørdur við ein framherja úr Nigeria, sum skal styrkja um álopið hjá B68, ið er heldur skert, nú bæði Ahmed Keita og Ibrahima Camara eru skornir fyri krossbandið og í øllum førum ikki eru við fyrra helming av kappingini. Talan er um 24 ára gamla Emmanuel Ukpai, sum síðstu seks árini hevur spælt við fleiri donskum feløgum, so sum Frem, Ølstykke FC, Esbjerg, HB Køge og FC Fyn. Hann skal vera skjótur og málsøkjandi og hevur eitt nú skorað 22 mál í 46 dystum fyri Ølstykke. – Við hesi avtaluni eru vit komnir á mál við at fyrireika Vodafone- liðið til næsta kappingarár, sigur formaðurin í B68, Jógvan Højgaard, við heimasíðuna hjá felagnum, har hann eisini sigur seg fegnast um nýggjasta styrkin. Við hesum eru tilsamans fimm nýggir spælarar komnir til B68, tí frammanundan hevur felagið gjørt avtalu við Einar T. Hansen og Jústinus R. Hansen úr NSÍ, Hans Jørgensen úr 07 Vestur og Henning G. Joensen, sum eisini fyrr hevur spælt við B68. Harumframt er Pauli Poulsen komin frá NSÍ sum venjari. Til hetta komandi kappingarárið hevur B68 nú sáttmála við tilsamans 20 spælarar, harav teir 17 eisini hava sáttmála fyri kappingarárið 2013. hilmarjan@sosialurin.fo B68 fær styrk úr Nigeria Fótbóltur 24 ára gamli framherjin, Emmanuel Ukpai, sum síðstu seks árini hevur spælt við fleiri donskum feløgum, skal komandi ár styrkja um Vodafone-liðið hjá B68 B68 DUBBAR SEG Nigerianski framherjin, Emmanuel Upkai, skal næsta kappingarár spæla við B68, sum harvið hevur fingið fimm nýggjar spælarar Tróndur Arge Føroyski landsliðsspælarin, Jóan Símun Edmundsson, spældi allan seinna hálvleik, tá eykaliðið hjá Newcastle í gjár spældi javnt ímóti Bolton. Toftamaðurin var um reppið at skora og leggja upp til mál í tíðini, hann var á vøllinum. 20 ára gamli Jóan Símun er byrjaður inni í fleiri av síðstu dystunum, men í gjár var hann aftur at finna á bonkinum hjá hjá Newcastle. Dan Taylor legði Newcastle á odda tíðliga í fyrra hálvleiki. Jóan Símun kom inn í hálvleikinum og longu eftir fáar minuttir smekkaði hann til við høgra beini, men rakti tvørstongina. Løtu seinni legði hann bóltin væl innfyri til Dan Taylor, sum tó skjeyt oman fyri málið. Fimm minuttir fyri tíð javnaði Bolton til endaliga úrslitið 1-1. Eykaliðið hjá Newcastle skal ikki í eldin aftur fyrr enn eftir nýggjar, tá eykaliðið hjá Manchester United kemur á vitjan tann 3. januar. trondur@sosialurin.fo Jóan Símun ein hálvleik Hilmar Jan Hansen 21 ára gamla argjakvinnan, Olga Kristina Hansen, heldur fram í íslendskum fótbólti kom­andi kappingarár. Hon heldur fram í reykja­ víkarfelagnum, KR, sum eitt skifti í fjør lánti hana út til Álftanes, har hon skjeyt eitt mál í átta landskappingar- og steypa­dystum. Olga Kristina Hansen hevur fingið sín fótbóltsuppvøkstur í AB, men hevur eisini spælt trý kappingarár við KÍ, og í føroysku kappingini hevur hon skotið 73 mál í 121 dystum. Á kvinnulandsliðnum hevur hon spælt 24 A-landsdystir og skotið fimm mál, umframt at hon hevur spælt níggju U19- landsdystir og skotið eitt mál. Tá hon spældi við KÍ, spældi hon við í níggju Europa Cup- dystum og skoraði eitt mál. Olga Kristina aftur til Íslands AFTUR TIL ÍSLANDS Nú er greitt, at Olga Kristina Hansen heldur fram í íslendskum fótbólti, tí eisini næsta kappingarár hevur hon sáttmála við KR Coca-Cola steypak. kvinnur 14/12 18.30 VÍF-Neistin 14/12 19.30 Tjaldur-Stjørnan 15/12 19.30 Kyndil-StÍF Coca-Cola steypak. menn 14/12 18.15 Team Klaksvík-KÍF 14/12 19.15 Neistin-Kyndil 14/12 20.00 VÍF-H71 15/12 18.30 H71 I-StÍF Eik-ligan, kvinnur 14/12 19.00 KÍF-Fleyr 14/12 20.00 Dráttur-Mjølnir Dystir í vikuni: