fríggjadagur 16. desember 2011síða 23

23 Fríggjadagur 16. desember 2011 · Nr. 146 Sosialurin Hugskot og viðmerkingar – send sms til 225000 Ítróttur Hilmar Jan Hansen Hoyvíkingar mugu sigast at vera serstakliga væl koyrandi í steypa­ kappingini hjá monnum, tí bæði Atlantic Airways-liðið og 1. deildar­ liðið hjá felagnum eru komin víðari í hálvfinalurnar, har H71 tí eigur tvey av fýra liðum. Teoretiskt kann steypafinalan hjá monnum vera millum H71 og H71… Besta mansliðið hjá H71 var mikukvøldið í Vestmanna, har tað gekk javnt á í fyrra hálvleiki. VÍF var á odda 12-11 í hálvleikinum og økti við tveimum málum beint eftir steðgin, men so kom H71 annars í gongd og skoraði seks ferðir, uttan at VÍF fekk mál, og síðani fingu hoy­víkingar styrkt sær leiðsluna, so dysturin endaði 30-24 til H71. Í gjárkvøldið var tað so næst­ besta mansliðið, ið tók ímóti StÍF í Hoyvík. Her bendi fyrri hálvleikur ikki endiliga á, at nakar óvæntaður vinnari fór at koma, tí H71 fekk einki mál síðstu 10 minuttirnar, so StÍF var á odda 11-8 í steðginum. Men beint eftir steðgin skoraði H71 fýra ferðir á rað og legði seg á odda, og tá avtornaði, eydnaðist at halda fast, so H71 við 25-22 sendi StÍF úr kapp­ingini. Neistin á tromini Tann drúgvasti av mansdystunum mikukvøldið var tann í høllini á Hálsi millum grannarnar úr Neist­ anum og Kyndli. Á pappírinum skuldi Neistin væl og virðiliga havt mun­in, men Kyndil vildi tað øðrvísi og legði stórt trýst á, so uppgávan gjørdist alt annað enn løtt hjá Neistanum. Kyndil rann undan í fyrra hálv­ leiki, sum endaði 17-17, men í seinna hálvleiki var tað Neistin, ið var frammanfyri, men í evstu løtu javn­ aði Kyndil til 29-29, so umdystur mátti til. Her gekk javnt á fyrstu fimm minuttirnar, tá Neistin fekk strítt seg framum við einum máli, men seinnu fimm minuttirnar hevði Neistin væl og virðiliga mun­ in og vann tí dystin við seks mál­um, 38-32. Leygardagin spældu Team Klaksvík og KÍF í landskappingini, og tá vunnu kollfirðingar við 11 málum. Teir høvdu tó skálkin við, at skerda manningin hjá Team Klaks­ vík kundi avrika meira í steypa­ dystinum nakrar dagar seinni, og mikukvøldið gekk sjón fyri søgn. Við munandi betur manning megnaði Team Klaksvík at halda koll­firðingum á pínubonkinum all­ an dystin á tamb. KÍF var á odda við einum máli í hálvleikinum, 13- 12, og slapp ongantíð ordiliga frá Team Klaksvík, og støðan var 23-23, tá bara heilt fá sekund vóru eftir og KÍF fekk sigursmálið til 24-23. So eisini her vantaði sera lítið í, at neyðugt var við umdysti, men KÍF megnaði altso at halda høvdið kalt í avgerandi løtuni. Alt sum væntað Samanborið við, at tað hendi bæði eitt og annað í fjórðingsfinalunum hjá monnunum, so hendi hjá kvinn­unum lítið annað enn tað, ið væntast kundi. Her vunnu favo­ rittarnir sínar sigrar, og teir vóru í øllum trimum førunum sann­før­ andi. Kvinnurnar hjá Neistanum og VÍF høvdu spælt í Havn eina viku frammanundan, og tá vann Neistin við fýra málum. Nú møttust liðini í Vestmanna, men tær bláu sóu bara uppaftur sterkari, tí longu í fyrra hálvleiki var leyst millum liðini við 16-11, og tá avtornaði, kom VÍF betur frá seinna hálvleiki, men fekk einki flutt, so Neistin vann 32-26. Dysturin í Runavík millum Tjaldur og Stjørnuna var ein endur­ tøka av steypafinaluni síðsta vár, men her var ikki nógv, ið líktist, tí Tjaldur megnar framvegis ikki ordiliga at hótta hini liðini. Stjørn­ an koyrdi avstað, var á odda 12-9 í hálv­leikinum og vann at enda eisini dystin 29-23. Triði dysturin hjá kvinnunum var í Havn í gjárkvøldið, tá Kyndil vann á StÍF. Eisini her var tað nógva longu hálvavegna avgjørt eftir fyrsta hálva tíman, tí Kyndil var á odda 16-11 í hálvleikinum, og hóast StÍF kom eitt sindur fyri seg eftir steðgin, vann Kyndil við seks málum, 29-23. Enn er fjórðingsfinalan hjá VB og næstbestu kvinnunum hjá VÍF eftir at spæla, og ikki er enn greitt, nær hon verður. Annars verða hálv­finalurnar spældar við einum heima­dysti og einum útidysti, og eftir skránni skulu tær spælast síðst í januar mánaði. Størri og smærri steypaskelkir Hondbóltur Sjey av átta fjórðingsfinalum í Coca-Cola steypakappingini eru spældar í vikuni. Mest merkisvert er, at H71 eigur tvey av fýra mansliðum, sum eru komin í hálvfinalurnar, og at menninir hjá Neistanum vóru um reppið at rúka úr kappingini DRÚGT Á HÁLSI Steypadysturin millum Neistan og Kyndil mikukvøldið gjørdist drúgvur og spennandi, tí tað stóð á jøvnum eftir fulla tíð, so umdystur mátti til. Men tá hevði Neistin ruddiliga munin og vann Savnsmynd: Álvur Haraldsen Hilmar Jan Hansen Mikukvøldið vóru tveir dystir í flogbóltskappingini hjá kvinn­ um, sum báðir endaðu við sann­ førandi 3-0 sigrum. Fleyr var í Kolla­firði og vitjaði KÍF, men har gjørdist slett eingin ivi um úrs­ litið, tí Fleyr gjørdi slætt borð við sett­úrslitunum 25-8, 25-14 og 25-12. Í hinum dystinum var Mjølnir á vitjan hjá Drátti á Giljanesi, og sjálvt um klaksvíkskvinnur skuldu sveitta eitt sindur í teim­ um báðum seinnu settunum, vunnu tær trygt og eiga væl og virð­iliga oddasessin á jólum. Sett­úrslitni vóru 25-12, 25-21 og 25-20. Framvegis vanta tveir dystir í at spæla í Eik-liguni hjá kvinn­ um, sum hevur verið rakt av av­lýsingum, orsakað av illveðri, kava og øðrum. Nær dystirnir, sum eru Fleyr-TB og TB-ÍF, verða spældir, er ikki greitt í løtuni. Somu­leiðis er ein dystur í Eik- liguni hjá monnum millum ÍF og TB eftir at spæla. Bæði hjá kvinnum og monn­ um fer landskappingin í flog­ bólti nú í jólafrí næstu tríggjar vik­urnar, tí eingir dystir eru aft­ur í Eik-ligunum fyrr enn 8. januar. Mjølnir fremst á jólum Flogbóltur Tveir dystir vóru í Eik- liguni hjá kvinnum í vikuni, men burtur sæð frá trimum útsettum dystum, heldur landskappingin í flogbólti nú jólafrí í tríggjar vikur Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 11 11 0 33 4 29 22 2 Fleyr 10 9 1 29 4 25 18 3 SÍ 11 8 3 27 9 18 16 4 Ternan 11 6 5 18 16 2 12 5 Dráttur 11 4 7 13 24 -11 8 6 ÍF 10 3 7 10 23 -13 6 7 TB 9 1 8 6 24 -18 2 8 KÍF 11 0 11 1 33 -32 0