fríggjadagur 23. desember 2011síða 42

Jólini 2011 10 blaðið samrøða Randi Jacobsen randi@sosialurin.fo Í skjótt fimm mánaðir hevur 19 ára gamli Emil Bjarnaskor av Viðareiði ver­ið fullkomiliga óhjálpin. Alt byrjaði við, at hann kom heim til skyldfólk í Klaksvík á Summar­ festivalinum og fall í óvit. Hildið varð fyrst, at Emil hevði fingið onkur rúsevni í seg, men tað varð ikki prógvað. Staðfest var, at hann í øllum førum hevði havt ein blóðtøpp, men spurn­ ingurin var hví? Emil varð fyrst fluttur á sjúkrahús í Føroyum, síðan á Ríkissjúkrahúsið í Keyp­mananhavn. Haðani fór hann á sjúkrahús í Jyllandi, og nú í longri tíð hevur hann verið á neurosentinum í Hammel stutt frá Århus. Hóast Emil situr í koyristóli og fær hvørki gingið ella staðið, er lagið gott á honum, sigur mosturin Mariann Petersen, sum fyri stuttum var í fleiri vikur og vitjaði systirsonin. Gongur rætta vegin Emil lá leingi í koma og útlitini vóru vánalig. Men tíbetur kom vend í, og nú ger hann framstig, hóast tað gongur ógvu­liga seint. Familjan sær tó, at tað gongur rætta vegin. Nú er hann komin somikið langt, at hann fær flutt fýra fingrar, fær strekt høgra arm, og meira lív er eisini komið í beinini. Emil fær ikki tosað, men tey hava eina stavitalvu við stavum at peika á, og soleiðis kann hann samskifta við tey, sum eru um hann. Síðani august hevur Emil bara fingið flótandi føði, men nú hevur hann eisini fingið epla­morl og sós, og tað dámdi honum, tá ið hann herfyri fekk turran fisk í gaze­bindi at leggja út í kjálkan og súgva smakkin úr. Hóast fleiri helst høvdu fallið í fátt av støðuni, so hevur Emil ikki mist mót­ið. Tvørturímóti fegnast hann um allar smáar upplivingar og øll smá stig, sum bera hann rætta vegin. Hugnar sær í jólamánaðinum Síðani tilburin í august hevur Emil verið á ymsum sjúkrahúsum, og sein­ astu tíðina hevur hann verið á neuro­ centrinum uttanfyri Århus. Alla hesa longu tíðina hava foreldrini verið hjá Emil. Onkuntíð eru tey farin heim, men tá hava skyldfólk avloyst. Mosturin hevur verið hjá honum í tvey longri tíðar­skeið, og Emil hevur sostatt ongan­ tíð verið einsamallur. Tey royna eftir førimuni at geva honum onkrar upp­ livingar. – Hann hevur nakrar ferðir verið ein túr í býnum eitt nú fyri at klippa sær, og fyri tveimum vikum síðan vóru vit í býnum við Emil í koyristóli. Tað var so hugnaligt, tí býurin var so jólaligur, sigur mosturin. Nú til jóla er øll familjan farin niður at halda jól saman við Emil. Umframt foreldrini eru eisini báðar systrar hans­ara, Petra, sum er 27, og Sandra, sum er 14, farnar niður at halda jól saman við honum. Hann var so hjartans fegin, tá ið syst­urin við síni lítlu dóttir kom at vitja, tí lítla systurdótturin er hansara eitt og alt. Foreldrini hava nú fingið eina íbúð at búgva í í Hammel, men Emil heldur seg ikki til at fara heim til teirra á jólum. Í staðin er skipað so fyri, at familjan fær eina stovu á neurosentrinum at eta jóla­ døgurðan í, og tey eru fegin um, at tey øll fáa verið saman jólaaftan. – Tað er heilt vist, at Emil kundi ikki fingið eitt betri stað at verið til upp­ venjingar, sigur mosturin, sum gleðir seg til tann dag, tá ið Emil kemur heim­ aftur. Nær tað verður, veit eingin. Tað kunnu ganga ár, men tað veldst alt um, hvussu Emil kemur seg. Stríðsandin er í øllum førum góður. 19 ára gamli Emil Bjarnaskor av Viðareiði kemur seg sera spakuliga eftir blóðtøppin, hann fekk á Summarfestivalinum fyrr í ár. Framstigini eru smá, men hann stríðist og lagið er gott. Í hesum døgum fegnast hann um at hava alla familjuna rundan um seg á jólum Emil heldur familjujól Stuðlið Emil Tað er ein fíggjarligur smeitur fyri familjuna at skula vera heimanifrá so leingi og onga inntøku hava. Pápin er sjómaður, men hevur ikki verið til sjós síðan fyri summarfestivalin. Mamman arbeiddi sum heimahjálp, men hon er søgd úr starvi eftir so langa fráveru. Tey, sum vilja stuðla Emil, so hann kann fara til onkur tiltøk, kunnu flyta eina peningagávu á konto 3655840 í Eik. Emil ynskir gleðilig jól Eg vil gjarna senda eina heilsan hiðani frá neurosentrinum í Hammel í Danmark. Eg vil takka tykkum øllum, sum hugsa um meg, og sum hava biðið fyri mær. Við ynski um eini gleðilig jól. Heilsan Emil Bjarnaskor Við stavtalvuni hevur Emil sett hesa jólaheilsanina saman