fríggjadagur 23. desember 2011síða 62

Jólini 2011 30 blaðið lagt til rættis: Inna Törnroos Njót lívið og tak eina pausu á jólum Jólini í ár eru stutt. Tað vil siga, at tað enn eru tríggir dagar, men frídagarnir kring jólini eru fáir. Tí er týdninga­mikið at njóta teir dagarnar jólini vara sum best. Her eru nøkur hugskot til eini hugnalig og rólig jól Hygg at einum jólafilmi Ein klassikari er »It's a wonderful life« frá 1946, sum er vorin ein siður hjá nógvum at hyggja eftir á jólum. »Love actually« við Hugh Grant, Emma Watson og nógvum øðrum kendum er ein frálíkur og stuttligur jólafilmur »The Holiday« við Jude Law, Cameron Diaz og Kate Winslet er bæði jólaligur og romantiskur. Les eina góða bók »Valið og valdið« eftir Høgna Reistrup og Stefan í Skorini er um valið í heyst. Kanska ikki tann besta bókin at slappa av við, men áhugavert at lesa hvat teir 17 viðmerkjararnir og serfrøðingarnir siga um valúrslitið. »Niceville« av Kathryn Stockett er bæði spennandi og lærurík. Søgan er um lívið hjá littu húshjálpini Aibileen, og hennara vinkonur í 1960-unum í USA. Les eina bók fyri børnunum. Emil er altíð stuttligur at lesa! Spæl eitt spæl Føroyski Orðálvur – tú hevur tað stuttligt og lærir teg føroyskt samstundis Trivial Pursuit – eitt frálíkt spæl, tá øll familjan er savnað, og øll kunnu royna sín kunnleika. Tak eina pausu Tak eina pausu frá telduni og teimum sosialu miðlunum. Bæði høvd og likam hava gott av, at vit ikki sita við telduna dag og dagliga. Vinirnir á Facebook klára seg heilt víst ein dag ella báðar tveir uttan teg. Seinnapartslúr Fá tær ein seinnapartslúr. Besti háttur at løða battaríini og kanska orka betur annað jólakvøld … Gakk ein túr Brenn nakrar kaloriur, áðrenn tað er tíð at seta seg við næsta borð.