mikudagur 28. desember 2011síða 22

Mikudagur 28. desember 2011 · Nr. 150 22 Sosialurin Hugskot og viðmerkingar – send sms til 225000 Ítróttarárið 2011 svimjing Jóannes Hansen Svimjingin í Føroyum hevur tað ógvuliga gott. Um gjørt verður upp í nýggjum metum og í heiðurs­ merkjum á Oyggjaleikum, so er støðan góð, og avrikini hjá Páli Joensen og fleiri av hinum hava síðsta árið undirstrikað, at setningurin er stórur. Hvørki Svimjisambandið, Jón Bjarnason, Petur Heðin á Fløtti og hinir venjararnir ella svimjararnir eru nøgdir við tað, sum higartil er nátt. Tvørtræið verður lagt alt hægri, og tá ið olympisku leikirnir um mánaðarskiftið juli/august komandi ár vera í London, so verður talan um satt marknaðarskjal fyri føroyska svimjing, føroyskan ítrótt sum heild og fyri Føroyar í altjóða høpi, tá ið Pál Joensen fer at luttaka í 1500 metra frí kappingini. Fyrstu fetini Talan er um einastandandi upp­ sving í stívliga 30 ára gomlu søguni hjá Svimjisambandinum. Fyrsta royndin í altjóða kapping var, tá ið Jon Hestoy, sum nú er formaður í SSF, í 1982 luttók í HM kappingini í Equador. Úrslitið var einki at reypa av og væl lakari, enn tey Jon hevði rokkið í Danmark, har hann umboðaði AGF, men luttøkan hevði sína ávirkan. Sammett við avrikini og málini hjá dagsins føroysku svimjarum og venjarum vóru málini í áttati árunum ikki serliga høg. Tað vakti stóran ans og varð fagnað sum stórt avrik, tá ið tað á fyrstu Oyggja­leikunum, sum vóru á Isle of Man í 1985, eydnaðist føroysku svimjarunum at svimja seg í átta av sekstan finalum, og at tað eydnaðist Elmari Ósá at vinna fyrstu føroysku heiðurs­krónuna á Oyggjaleikunum – eitt silvurmerki! Á sumri í 2011 eydnaðist tað á Oyggjaleikunum at vinna fimtan gullmerki, tólv silvurmerki og seks bronsumerki, og harvið átti svimjingin flestu føroysku heiðurs­ merkini, men tey, sum varða av svimj­ingini, vóru ikki heilt nøgd, ella rættari so varð málið sett væl hægri enn so, hóast tað í 1985 var ógvuliga torført at ímynda sær, at úrslitið stíva fjórðings øld seinni skuldi verða tað, sum tað varð i summar. Undan kappingini varð tað roknað fyri realistiskt at vinna tvífalt so nógvar krónur av fínasta slagnum! Fimtan gullmerki var avgjørt góðkent avrik í teimum tøttu og spennandi kappingunum fyri Føroyar sum heild, men av­ rikini í altjóða svimjikappingum hava borið við sær, at tey í svimji­ umhvørvinum miðja hægri! Pál er í heimsflokki Spurningurin er ikki, um tað fer at eydnast hjá Páli Joensen at vinna gull í HM ella EM kapping. Tey serkønu eru ikki í iva um, at tað fer at eydnast. Spurningurin hevur leingi verið, nær tað fer at eydnast, og avrikini í 2011 hava undirstrikað, at tað er góður møguleiki fyri fín­ asta skreytinum í størstu kapp­ing­ unum. Pál hevur longu fleiri ferðir Pál Joensen er toppurin í føroysku svimjingini, sum eftir stuttari tíð hevur ment seg frá at stríðast fyri at vinna fyrstu heiðursmerkini á Oyggjaleikunum og til næsta summar at vera við í OL kappingini í London Svimjararnir svom