mikudagur 28. desember 2011síða 23

23 Mikudagur 28. desember 2011 · Nr. 150 Sosialurin Hugskot og viðmerkingar – send sms til 225000 Ítróttarárið 2011 svimjing stað­fest, at hann er partur av heims­elituni. Tað gjørdi hann ikki minst, tá ið hann í EM kappingini í 50 metra hyli í Budapest í august í 2010 vann silvur og samstundis setti nýtt norðurlendskt met á 1500 metra teininum. Tveir dagar eftir Ólavsøku í ár var Pál Joensen aftur í avgerandi kapping, tá ið HM var á skránni í Shanghai í Kina. Ta ferðina endaði Pál á fjórða plássi í 1500 metra kappingini. Tíðin var 14:56.33. Ein­ asti europeiski svimjarin, sum ta ferðina, megnaði at basa Páli, var Gergo Kis úr Ungarn, sum vann bronsu í tíðini 14:45.66. Í Shanghai varð kappast í 50 metra hyli. Hóast Pál venur í stuttum hyli í Vági, so er tað fyrimunur hjá honum at kappast í longum hyli. Mitt í desember í ár luttók Pál Joensen í EM í 25 metra hyli í Stettin í Pólandi. Úrslitið var lakari, enn tað varð vónað. Serfrøðin metti, at møguleiki var fyri heið­urs­merki og kanska fínastu krón­uni, men Pál endaði á fimta plássi. Tíðirnar boðaðu frá stórari fram­gongd, og harvið var talan um íløgu í framtíðina, sum snýr seg um olymp­isku leikirnar og møguliga EM kappingina, sum verður í mai mánað. At tað nakrar dagar undan jólum í Atlanta í Georgia eydnaðist at vinna 800 metra kappingina í Duel in the Pool kappingini millum USA og Europa í framúr norðurlendskari mettíð var undirstriking av, at tað orduliga gongur rætta vegin! Finalan í 1500 metra frí kapp­ ing­ini í olympisku leikunum verður leygar­kvøldið 4. august 2012 klokkan 19.36 í London. Tað hevði verið fantastiskt, um Pál Joensen hevði rokkið so langt! Pál fer í hvussu so er at taka lut í innleiðandi riðlunum fríggjadagin 3. august, og fremsti svimjari okkara hevur víst, at hann fyrireikar seg, og at tað sæst aftur í tíðunum. Nógv koma aftaná Tá ið úrslitini hjá fremsta svimj­ ar­anum eru merkisverd og góð, so er tað skjótt at gloyma avrikini hjá teimum, ið ikki hava rokkið so langt, men sum við sínum evnum og avrikum hava víst, at tað býr ein rúgva í føroyskari svimjing. Sambært heimasíðuni hjá Svimji­ sambandinum eru ikki færri enn 22! av teimum 56 skrásettu metunum, sum eru sett í 25 metra hyli, tikin í 2011, og átta av 48 metum, sum eru skrá­sett í 50 metra hyli, eru tikin í 2011. At svimjingin eigur bjarta fram­ tíð sæst aftur í, at í 32 av 49 kapp­ ingum eru nýggj juniormet sett í 2011 í 25 metra hyli. Tað man vera fram ímóti at vera óhoyrt! Millum fremstu ungu svimjarar­ nar er Guðrun Mortensen, sum vann gull í NJM í 50 metra frí­ svimjing í Reykjavík í desember, og Magnus Jákupsson, sum nú eigur átta met í 25 metra hyli (íroknað stafettkappingar). Aðrir svimjarar, sum í 2011 settu føroyskt met, eru Eva Trygvadóttir, Pauli Ø. Mohr, Turið S. Christiansen og Astrið Foldarskarð. Fleiri føroyskir svimjarar hava bjóðað seg fram í kappingum utt­an­ lands, og millum teirra, sum venja uttanfyri landoddarnar, er Magnus Jákupsson. ið seg á heimskortið