mánadagur 9. januar 2012síða 14

Mánadagur 9. januar 2012 · Nr. 4 14 Sosialurin Hugskot og viðmerkingar – send sms til 225000 Ítróttarblaðið Uni Holm Johannesen SÍ hevur tað mesta av hesum kapp­ ingarárinum verið einaráðandi sum oddalið í landskappingini, um­framt at liðið hevur vunnið sær annað sæti í steypafinaluni. Tann støð­an var heldur ikki broytt hetta viku­ skiftið. Menninir úr Sørvági vunnu hesa ferð í Gundadalshøllini, har oddaliðið var á vitjan hjá Fleyr. Tað var við bit og slit, at SÍ fekk bæði stigini við sær. Oddaliðið var á sigurskós beinanvegin og vann fyrstu tvey umførini. Tá komu havnar­menninir upp í ferð og svaraðu aftur við at vinna næstu tvey settini. SÍ vann seinasta settið við fimm stigum, 15-10. TB bíðar enn TB, sum hevur verið botnproppur alt kappingarárið, legði bragdliga fyri í Klaksvík hesaferð. Kortini varð hetta heldur ikki tann dagurin, at tað eydnaðist at fáa fyrstu stigini til høldar í hesum kappingarárinum. Gestirnir av Tvøroyri vunnu fyrsta settið, tá klaksvíkingar ressaðust við. Úrslitið var 3-1 til Mjølnir. TB royna sum frægast at geva hinum liðunum mótstøðu, men tvørá­menn hava sannað, at tað fram­vegis restar nógv í, áðrenn teir fara at skava nøkur stig saman. Liðið er í stórari menning, og tað er hetta, sum tað verður hugsað mest um á Tvøroyri júst nú. Norðlýsið skrivar um vikuskiftið, at Mjølnir hevur fingið tilgongd av teimum toftamonnum. Oddur Højgaard og Jóhan Dávur Højgaard skulu spæla við klaksvíkingum, tað sum er eftir av kappingarárinum. uni@sosialurin.fo Úrslitini um vikuskiftið: Mjølnir - TB 3-1 (25-27, 25-18, 25-16 og 25-12) Fleyr - SÍ 2-3 (16-25, 14-25, 25-23, 25-21 og 10-15) Uni Holm Johannesen Ternan hevur verið høgt flúgv­ andi seinastu umførini. Flogbólts­ kvinnurnar á Toftum hava skavað sær 12 stig saman í alt, og tað røkkur til eitt fjórða pláss á stigatalvuni, sum støðan er nú. Góða úrtøkan seinastu dystirnar hevur havt við sær, at Ternan kundi vinna seg inn í stríðið um finalupláss, um tað eydnaðist at koppa Fleyr í gjár. Tað lukkaðist tó ikki. Úrslitið var helst ein staðfesting av, at Ternan er enn ikki før fyri at kappast við tær bestu. Fleyr vann trivaligan sigur, og tað var bara í fyrsta settini, at toftakvinnur bitu frá sær. Úrslitið var 3-0. Oddaliðini vunnu greitt Ovastu trý liðini á stigatalvuni, Mjølnir, Fleyr og SÍ, vunnu greitt hetta vikuskiftið. Mjølnir hevur framvegis fult stigatal, nú 12 dystir eru spældir. Hesa ferð vunnu kvinnurnar úr Klaksvík lætt og einfalt á TB. Úrslitið var 3-0. SÍ var á vitjan hjá Drátti hetta vikuskiftið, og sørvágskvinnurnar vunnu 3-0. SÍ er enn fýra stig frá næst­fremsta plássinum, sum Fleyr er á, sum eisini gevur atgongd til final­urnar um føroyameistara­ heitið. Úrslitini um vikuskiftið: Dráttur - SÍ 0-3 (08-25, 14-25 og 12-25) Mjølnir - TB 3-0 (25-05, 25-17 og 25-07) Fleyr - Ternan 3-0 (25-18, 25-13 og 25-09) Uni Holm Johannesen Rúni Weihe stendur ikki á odda fyri besta mansliðnum í Fugla­ firði, tá Fleyr kemur á vitjan næsta vikuskiftið. Hann hevur sagt venjarastarvið frá sær. Orsøkin er, at hann hevur ikki rokkið teimum málunum, sum hann og nevndin hava sett sær. Rúni Weihe sigur í viðtalu við Kringvarpið, at hansara venjingarætlan og hugburðurin hjá leikarunum hava helst elvt til hesa avgerðina. – Høvuðsendamálið var at menna yngru leikararnar, men hetta arbeiðið er ikki komið nóg langt, nú kappingin er komin í helvit, sigur Rúni Weihe við kring­varp.fo. Hóast hann er givin sum venjari, verður hann partur av spælarahópinum næstu mán­ að­ir­nar. Suni Hansen, sum stóð á odda fyri liðnum síðsta kapp­ ingarár, tekur nú aftur við venj­ ara­starvinum. uni@sosialurin.fo Rúni Weihe gevst sum venjari VENJARASKIFTI Rúni Weihe, sum hevur verið venjari hjá ÍF, hevur boðað nevndini frá, at hann gevst sum ábyrgdarmaður. Hann hevur ikki rokkið málunum, sum hann og nevndin settu sær fyri kappingarbyrjan Ternan misti flogið KVINNUFLOGBÓLTUR Ternan tók ikki av møguleikanum at vinna seg inn í stríðið um pláss í finalunum um føroyameistaraheitið. Úrslitið í Gundadalshøllini var helst ein staðfesting av, at munurin millum fremstu liðini og hini er enn stórur SÍ heldur fast um oddasessin MANSFLOGBÓLTUR Menninir úr Sørvági eru enn fremstir á stigatalvuni. Hesaferð var tað við bit og slit, at teir fingu stigini við sær úr Havn. TB stríðist framvegis fyri at fáa síni fyrstu stig til høldar Fleyr stríddist væl, tá SÍ vitjaði í Gundadalshøllini í gjár Myndir: Álvur Haraldsen