mánadagur 9. januar 2012síða 15

15 Mánadagur 9. januar 2012 · Nr. 4 Sosialurin Hugskot og viðmerkingar – send sms til 225000 Ítróttarblaðið Pætur Albinus Ungi vestmenningurin hevði lagt nógva orku í fyrireikingarnar til hesa kappingina, og seinastu mán­ aðirnar undan kappingini vandi hann heilar fimm ferðir um vikuna. Tað má sigast at hava givið úrslit, tí í 16 mans stóra feltinum á 2000 m teininum var Torstein klárt bestur og vann gull. Hann vann við tíðini 6:37.6 og var tað góð níggju sekund frammanfyri Sebastian Adelhardt úr Ribe Roklub. Rakk málinum Tá ið vit tosaðu við Torstein áðrenn hann fór avstað til kappingina, var málið heilt greitt. – Málið er at vinna. Sjálvandi, tað er tað altíð. Og eg vænti eisini tað er realistiskt, ljóðaði tað trygt frá unga úrmælingarógvaranum úr Vest­manna, sum harvið livdi fult upp til sítt mál í kappingini. Vit hittu Torstein beint eftir heim­kom­una til Føroya seint sunnu­kvøldið, og tað var sjálvsagt ein fegin ungur maður, ið vit fingu orðið á. – Eg eri sera væl nøgdur við av­ rikið. Tað er altíð stuttligt at vinna, segði Torstein. Greið ætlan Torstein legði ikki serliga hart út og legði seg ikki á odda fyrr enn hann hevði róð næstan helvtina av teininum. Men sambært honum, so var hetta fullkomiliga eftir ætl­ anini. – Eg legði meg eftir at halda sama miðaltalið, meðan nógvir av hinum rógvarunum løgdu hart út. Hetta megnaðu teir ikki at halda, tá ið vit raktu múrin (missir styrkina, fer niður við høvdinum, blðm.) eftir einar 800m. Eg havi vant hart fyri ikki at lata meg ávirka av múrinum, og eg kláraði tað eisini hesaferð, vísir Torstein á, sum var eitt sindur ivasamur um mótstøðuna. – Eg hevði væntað harðari mót­ støðu til eina norðurlendska kapp­ ing. Eg hevði næstan kunna farið ein aldursbólk upp, men tað angri eg tó ikki nú, sigur Torstein. Hann luttók eisini á einum styttri spurt-teini, har hann gjørdist numm­ar trý. Kappingin var tó ikki raðfest serliga høgt hjá honum, tí hon krevur serliga venjing og Torstein hevur bara vant eftir lang­ teinum. Stór móttøka Í Vestmanna Ítróttarfelag vóru tey sum vera man erpin av bygda­ dreingi sínum, og var ein stór mót­ tøka hildin fyri Torsteini í bygdini. Eini 50 fólk vóru komin saman, har eitt nú borgarstjórin helt røðu. Heldur snópisligt var tað, at Torstein sjálvur ikki náddi til mót­ tøkuna. – Eg skuldi eftir ætlan lenda í Føroyum kl.20:30, men tað var nógvur mjørki yvir Vágum, so eg var ikki heima fyrr enn um mid­ nátt. Men tað er ein góð kensla at vita, at nógv fólk stuðla mær, sigur Torstein. HM næsta mál Heimkomin setur Torstein seg beint aftur við rógvimaskinuna. Nú rør hann eftir at sleppa longur út í heim. Leygardagin verður nevniliga endaliga úttøkan til HM í Boston, hagar Róðrarsamband Føroya fer at senda seks rógvarar. Torstein sigur, at hann avgjørt ætlar sær við til ta kappingina. Hann fer nú eisini at byrja venj­ ingarnar og fyrireikingarnar fram til DM-kappingina, sum verður róð í Gladsexe seinni í hesum mán­ aðinum. Her skal hann verja DM- heitið; hann gjørdist nevniliga Dan­marksmeistari í fjør í bólkinum dreingir 15-16 ár, hvørs bólki hann helst aftur fer at rógva í hesaferð. albinus@sosialurin.fo Torstein vann norðurlendska kapping: – Nú verður tað HM! Inniróður 15 ára gamli Torstein Brattaberg úr Vestmanna kann vera eitt navn, ið vit fara at hoyra nógv til í framtíðini. Verandi Danmarksmeistarin vann í gjár norðurlendska kapping í inniróðri, og næsti steðgur er eftir ætlan HM í Boston Myndir: Privat