mikudagur 11. januar 2012síða 22

Mikudagur 11. januar 2012 · Nr. 5 22 Sosialurin Hugskot og viðmerkingar – send sms til 225000 Ítróttur Tróndur Arge Hann brúkti bara tíggju minuttir at prógva hví tað stendur ein gylt standmynd uttanfyri Emirates leik­vøllinum av honum. Tólv min­ uttir eru eftir í dystinum móti Leeds í FA Cup, tá Alex Song finnur Thierry Henry við neyvari av­ levering. Við høgra beini leggur fram­herjin bóltin til rættis í Leeds brots­teiginum og eina løtu tykist allir fótbóltsheimurin ynskja at Thierry Henry skorar. Við innaru­síðu á høgra fóti plaserar hann bóltin í handara síðunet og megin­parturin av áskoðarunum á Emirates leikvøllinumfegnast sum hava tey vunnið kappingina. Søguliga FA Cup Í Onglandi gera tey alt tey kunnu fyri á vísa á søguliga virðið í ensku steypakappingini, FA Cup. Hon er millum elsu ítróttarkappingarnar í heiminum, men økta vriðið á Premier League og Champions League, umframt altjóða áhugin fyri ensk­um fótbólti, hevur skuggað yvir hesa søguligu steypakappingina, sum stendur bretum nærri enn um­ heiminum. Triðja umfar í kappingini í ár fer tó í søguna, sum eitt milliligt umfar. Fyrst valdi Manchester United miðvallarin, Paul Scholes, at taka fótbóltsskógvarnar av hill­ini, og stóð seg væl í sigrinum á kapp­ ingarneytanum og grann­anum, Manchester City. Dagin eftir kom eisini Thierry Henry á vøllin aftur í eini Arsenal troyggju fyri fyrstu ferð síðani hann skifti til Barcelona í 2007. Hann hevur vunnið HM, EM, Premier League, La Liga, Champ­ ions League, umframt heitið sum heimsins besti leikari – tvær ferðir! Hann hevur eisini megnað at skor­ að móti føroyska landsliðnum, men yrkis­leiðin hjá Thierry Henry hevur ikki bara verið ein dansur á rósum. Wenger og Henry møtast á fyrsta sinni Yrkisleiðin hjá Thierry Daniel Henry byrjaði í gøtunum í Les Ulis, einar tjúgu kilometrar frá miðdepinum í franska høvðusstaðnum, París. Sum trettan ára gamal skiftur hann til Viry-Chatillion, sum um hetta mund­ið hevur gott orð á sær fyri at menna ungar leikarar. Áðrenn hann nær at blíva fjúrt­an, fær hann bjóðað at koma til Clairefontaine Academy, sum verður rikið av franska fótbólts­ sam­bandanum. Millum floks­felag­ ir­nir eru William Gallas, Louis Saha og Nicolas Anelka. Eftir tvey ár í Clairefontaine verð­ur ein 16-ára gamal Thierry Henry ikki mettur at hava eina bjarta fótbóltsframtíð. Skjótleikin er har, men bóltførleikin og evni at finna ein liðfelag ella málið eru ikki nóg gott. Men ein maður er ikki samdur við eyg­ leið­ingini og sær beinanvegin, at talan er um ein leikara við stórum møguleikum. Maðurin er venjari hjá Monaco og eitur einki minni enn Arsene Wenger. Gløggi venjarin skrivar sáttmála við Thierry Henry og í 1994 spælir hann sín fyrsta dyst fyri Monaco. Framherjin endar á vonginum Thierry Henry byrjar sína yrkisleiði sum vongur og serliga er tað mangl­ andi bóltførleikin, ið ger at hann ikki sleppur at royna seg sum framherji. Hann er lyklaleikir á franska U-18 landsliðnum í endaspæli í 1996. Hann setir samstundis nýggjan umboðsmann og skrivar sáttmála við spanska risan, Real Madrid. Monaco sigur seg tó hava avgreitt við fyrrverandi umboðsmannin, at Thierry Henry skal halda fram í fel­agnum og tað vísur seg at nýggi umboðsmaðurin ikki hevur papír­ ini í ordan. Real Madrid og Thierry Henry fáa bót frá FIFA og stutt seinni skrivar hann sáttmála við Monaco. Tað skuldi vísa seg, at verða ein góð loysn, tí ferð kemur av álvara á yrkisleiðina hjá honum og hann gerst ein lyklaleikari á Monaco lið­ num, sum vinnur franska meist­ara­ heitið í 1997. Hann verður eisini úttikin til HM 98, sum verður leikt í heim­land­ inum. Thierry Henry spælir í fleiri av dystinum, men byrjar ikki inni í sjálvari finaluni, tá Frakland vinnur HM gull. Juventus riggar ikki Eftir HM er stórur áhugi fyri skjóta vonginum, men Thierry Henry hev­ur bara eitt felag í huganum – Arsenal. Fyrrverandi venjarin hjá honum í Monaco, Arsene Wenger, hevði tikið yvir á Highbury og ger eitt frálíkt arbeiði. Juventus kemur tó við besta boðnum og so er fraklendingurin á veg til Turin. Tann annars so stolta gamla daman, sum Juventus eisini verður rópt, er í ringum standi og lagið er einki serligt rundan um felagið. Á vonginum gongur einki ser­ ligt og trýstið verður ov nógv av tí góða. Thierry Henry hevur sín lívs niðurtúr og góðu upplivingarnar frá HM og Monaco eru nú bara eitt minni, meðan italski mentali­ tet­urin er um at taka lívi av fót­ bólts­huganum hjá ungan frak­lend­ inginum. Thierry Henry til Arsenal Í januar mánaði 1999 kemur ein upp­ ringing, ið broytur lívið hjá Thierry Henry, Tað er Arsene Wenger, ið er sinnaður at bjarga honum úr krepp­uni í Juventus fyri áleið 100 milliónir krónur. Skiftið vísur seg at verða nakað av tí besta, sum er hent fyri báðar partar. Thierry Henry vinnur Premier League tvær ferðir og FA Cup tríggjar ferðir. Hann vinnur »PFA árs­ins leikari« tvær ferðir og er seks ár á rað á ársins liði. Hann gert eisini toppskjútti fýra ferðir og er ein lyklaleikari í meistaraheitinum í 2004, tá Arsenal ongan dyst tapur í eitt heilt kappingarár. Hann er eisini tann leikarin, ið hevur skotið flest mál í søguni hjá Arenal, heili 226. Hann vinnur eisini EM við franska landsliðnum. Ongin er í iva um at hann er ein framherji og ikki vongur longur. Hann skiftur í 2007 til Barcelona og vinnur har La Liga og Champions League, áðrenn hann í 2010 skiftir til New York Red Bull. Undan skift­ inum til MLS blívur hann sera illa dámdur, tá hann nýtir hondina til hjálpar í einum avgerandi HM undan­kappingardysti móti Írlandi. Thierry Henry tosar alment um at gev­ast sum fótbóltsleikari eftir hend­ingina. Tíðin sum yrkisleikari tykist verða komin til ein enda. Gylt legenda Seint í 2011 avdúkar Arsenal eina gylta standmynd av Thierry Henry uttan­fyri Emirates leikvøllinum. Felagið letur standmyndir gera av Herbert Chapman, Tony Adams og Theirry Henry. Fá vóru tey, sum tá mundu hugsa, at Thierry Henry eitt mánakvøld í 2012 fór at skjóta sítt mál nummar 227 fyri felagið, sum hann elskar so nógv. trondur@sosialurin.fo Thierry Henry er aftur í stórum stíli Fótbóltur Tólv minuttir fyri tíð skoraði Thierry Henry sítt tólvta mál móti Leeds í tólv dystinum – í fyrsta dystinum í 2012. 34-ára gamli Theirry Henry er enn eina ferð gyltur í Arsenal troyggjuni Ein ovurfegin Thierry Henry frøðist saman við áskoðarunum á Emirates leikvøllinum, eftir at afturvendi sonurin hevur skorað fyri Arsenal í FA Cup dystinum móti Leeds