mikudagur 11. januar 2012síða 21

21 Mikudagur 11. januar 2012 · Nr. 5 Sosialurin Hugskot og viðmerkingar – send sms til 225000 Ítróttur Pætur Albinus Stutt undan jólum gjørdu Fót­bólts­ samband Føroya og Nes Kommuna samstarvsavtalu, sum ber í sær, at stór umvæling skal fara fram á Svangaskarði. Umvælingin fevnir um tvey størri stig. Tað fyrsta, sum skal vera liðugt 1. mei, fevnir um at gera nýtt lendi undir fyrrverandi gras­vøllinum og at leggja nýtt gras­ líki á. Avtala er gjørd við privata byggi­fyritøku um at taka sær av ar­beið­num, og sambært Christiani Andreasen, forseta í FSF, gongur í løt­uni sum ætlað. Kommunan yvirtekur Tofta Ítróttarfelag hevur átt Svanga­skarð heilt frá tí tað bleiv bygt fyrst í níti-árunum, og umvegis ein leigu­sáttmála ímillum felagið og FSF, hava føroysku landsliðini frítt vant og spælt har. Ein leigusáttmáli, sum sambært álítandi keldum fevn­ ir um kr. 300.000,- árliga er ikki ein inn­tøka hjá felagnum longur, av tí at Nes Kommuna hevur yvirtikið Svangaskarð. Mista leiguinntøkan kemur tó ikki at kennast sum dyggur fíggjarligur smeitur fyri B68. – Tað merkist ikki meiri fyri felagið enn tað, at kommunan yvir­ tekur tær skyldur, sum vit hava havt. Vit hava átt tveir vallir og eitt stórt hús, og tað kostar, vísir for­maðurin í Tofta Ítróttarfelag, Jógvan Højgaard, og undirstrikar, at leigu­inntøkan hevur javnvigað við tær útreiðslur, ið felagið hevur havt av at átt ítróttarøkið Svangaskarð. Um- og útbygging Samstarvsavtalan millum Nes Kommunu og FSF ber í sær, at FSF – m.a. við 12 mió. kr. í stuðli frá UEFA – rindar fyri um- og út­ bygg­ingina av ítróttarøkinum, har teir sum endurgjald sleppa at nýta ítróttarøkið frítt og ætla at skapa ein tekniskan miðdepil fyri føroyskan fótbólt. – Endamálið er at skapa ein tekn­ iskan miðdepil. Vit hava eina rúgvu av landsliðum og nógvar samlingar, sigur Christian Andreasen, FSF- forseti, sum tó eisini fegin bjóðar Svangaskarð til láns til eitt nú fót­ bóltsfeløg, ið skulu fyrireika seg til at spæla í Evropa. Dystir á Tórsvølli Við einum tekniskum miðdepli liggj­andi uttanfyri Havnina, ljóðar tað sum ein ætlan, ið byggir á at leika flestu dystirnar á Tórsvølli. Tað er eisini spurningurin, ið vit seta FSF-forsetanum. – Tað er myndin, ið vit síggja fyri okkum. Um eingir landsdystir verða spældir har, dugi eg ikki at siga í løtuni, men vit ætla í øllum førum at hava samlingar, venjingar o.a. á Svangaskarði, sigur Christian Andreasen. B68-formaðurin fegnast um, at B68 nú kann virka eftir somum leisti sum onnur feløg, og FSF-for­ setin fegnast eisini og sigur, at tað er betri at gera avtalur við kommunur heldur enn fótbóltsfeløg á slíkum økjum. albinus@sosialurin.fo Svangaskarð sum tekniskur miðdepil Fótbóltur Við FSF sum verkætlanarleiðara fyri einum tekniskum miðdepli á Svangaskarði, bendir alt á fleiri landsdystir á Tórsvølli. – Um eingir landsdystir verða spældir har, dugi eg ikki at siga í løtuni, men vit ætla í øllum førum at hava samlingar, venjingar o.a. har, sigur Christian Andreasen, FSF-forseti Umbygging – Endamálið er at skapa ein tekn­iskan miðdepil. Vit hava eina rúgvu av landsliðum og nógvar samlingar, sigur Christian Andreasen, FSF-forseti Mynd: FSF