mánadagur 16. januar 2012síða 14

Mánadagur 16. januar 2012 · Nr. 7 14 Sosialurin Hugskot og viðmerkingar – send sms til 225000 Ítróttarblaðið U18 EM-undankapping: Pætur Albinus Av tí at bæði Føroyar og Luksemburg høvdu tvey stig og settúrtøkuna 3-3, var hesin dysturin avgerandi fyri, hvat av liðunum skuldi spæla seg víðari í EM-endaspælið fyri smá­ tjóðir, sum verður leikt á Kýpros á páskum. Aftur hesaferð komu føroysku kvinnurnar illa frá byrjan, og hóast tær í løtum stríddu seg væl inn aftur í dystin, vóru tær ov stuttar og taptu dystin 3-0. Sama søgan Eitt, ið hevur verið alt ov gjøgnum­ gangandi í hesum undanspælinum, hevur verið, at Føroyar er komið langt afturum beinanvegin í so at siga øllum settunum. Tann sama var søgan í hesum dystinum, sum í ov stóran mun var søgan um eitt før­oyskt lið, ið allatíð kom at renna aftaná Luksemburg. Servurnar hjá Luksemburg vóru ótrúliga góðar og settu beinanvegin trýst á tær føroysku genturnar, sum høvdu trupult í móttøkuni og harvið eisini trupult við at fáa álopsspælið at koyra. Tá ið so lagt var upp til álop, endaðu sløgini ov ofta aftanfyri baklinjuna. Føroyar fingu bara níggju bóltar í hesum fyrsta settinum. Væl við Í næsta settinum vóru tær føroysku nógv betur við í dystinum. Føroyar vann fyrsta bóltin í settinum, men so endurtók søgan seg. Tað kom fullkomin stígur í og Luksemburg kom á odda 8-1. Føroyar stríddu seg inn aftur í settið og umvegis einum væl eydnaðum time-out og fleiri sera góðum servum frá Rebekku Magnussen, komu Føroyar á odda 13-12. Tá raknaði Luksemburg við aftur og kom á odda 18-14, áðrenn Føroyar enn einaferð svaraðu aftur og komu á odda 20-18. Hesa løtuna kókaði tað í høllini, sum var væl vitjað og nærmast fullsett henda dagin. Í avgerðini av settinum vóru tær føroysku tó ikki nóg kaldar, gjørdu nógvar villur og taptu settið 25-22. Pætur Albinus Undan dystinum segði hjálp­ ar­venjarin hjá føroyska U18- landsliðnum, at um tær á nakran hátt skuldu standa Liktinstein kurl, so skuldu tær allar leika upp til sítt allarbesta. Tað gjørdu før­ oysku genturnar bara heilt fáar løt­ur í dystinum, og so var lítið og einki at gera. Nervar argaðu aftur Eins og í fyrra dystinum ímóti Írlandi, høvdu føroysku genturnar eina nervøsa byrjan. Ein slík byrjan heldur ikki ímóti einum so sterkum liði sum Liktinstein, og avroknaðu tær við at vera á odda 7-0 alt fyri eitt. Tá gjørdist mót­brekkan hjá føroysku gent­ unum sjálvsagt brøtt. Magnus Aðalsteinsson, føroyskur lands­ liðs­venjari, var skiljandi als ikki nøgdur við gongdina og tók time-out. Lítið nyttaði tó, og løtu seinni var 13-1 til Liktinstein. Tær før­oysku genturnar høvdu stórar trupulleikar í verjupartinum og fingu so at siga ongantíð lagt upp til álop. Tær høgu genturnar úr Liktin­stein langaðu ein bólt fyri og annan eftir í gólvið og vunnu settið stórt 25-9. Milicevic trein fram Hóast føroysku genturnar loksins komu væl frá byrjan og vóru á odda 2-0, so svaraði Liktinstein skjótt og sterkt aftur og kom á odda 5-2. Føroysku kvinnurnar fingu stórar partar av spælinum at rigga betur, men munurin var framvegis ov stórur millum liðini. Liktinstein vann settið 25-14. Serliga var tað Irena Milicevic, sum uttan iva telist millum sterk­ astu leikararnar í kappingini, sum ferð eftir ferð avgjørdi góðu álopini hjá Liktinstein. Punkteraðu Stóran part av triðja setti var spenningur í, men miðskeiðis í settinum dróg Liktinstein frá og punkteraði fyri spenninginum í dystinum. Føroyar spældu ikki upp til sítt besta í kvøld, og serliga varð taktikkurin hjá føroyingum, sum var at standa væl í verjupartinum og stressa Liktinstein, beindur til viks. Liktinstein lat seg ongantíð stressa, vunnu uppiborið triðja sett 25-13 og harvið dystin 3-0. Rannvá Berg í Heiðunum, sum var ein av føstu leikarunum á liðnum ígjøgnum alla kappingina, kastaði ein stóran part av skuldini eftir nervunum. – Tað vóru ov nógvir nervar, ið spældu inn. Vit byrjaðu illa og fingu ikki spælið at koyra. Tær servaðu væl, vit fingu ikki mót­ tøkuna upp á pláss og høvdu tískil trupult við at koyra eitt gott álop, sigur hon. Ein av orsøkunum til nógvu nerv­arnar sigur hon vera: – Tað var harður tónleikur fram til beint áðrenn vit skuldu serva, tá ið tað bleiv púra friðarligt og vit føldu trýstið. Psykan var ikki nóg sterk, staðfestir hon. Hon er tó rímiliga nøgd við kapp­ingina sum heild. – Vit vóru øgiliga væl nøgdar eftir Írland-dystin, hóast vit ei­ heldur tá spældu upp til okkara besta. Sum heild hevur kappingini tó riggað væl og vit hava lært nógv. Hetta er jú fyrstu ferð vit eru við í hesi kappingini, vísir hon at enda á. albinus@sosialurin.fo Rannvá Berg í Heiðunum: Tað sálarliga sveik Rannvá Berg í Heiðunum Liktinstein í stórum stíli Flogbóltur Føroyar hevði lítið at gera í seinna dystinum í bólkaspælinum. Liktin­stein staðfesti útnevningina sum sterkasta lið í bólkinum og vann greitt 3-0 Einki EM-endasp Flogbóltur Føroyska U18-landsliðið hjá kvinnum hevði leygardagin møguleika at spæla seg til EM-endaspæl fyri smátjóðir seinni í ár. Kravið var, at tær vunnu á Luksemburg, men tað megnaðu tær ikki. Tær taptu 3-0