mikudagur 18. januar 2012síða 20

Mikudagur 18. januar 2012 · Nr. 8 20 Sosialurin Hugskot og viðmerkingar – send sms til 225000 Ítróttur Pætur Albinus Magnus er uppvaksin í einum bónda­garði á Viðivellir skamt uttan­fyri Akureyri í Íslandi. Sum yngri var hann júst sum hinir smá­ dreingirnir á staðnum, har hann á sumri spældi fótbólt og íðkaði frælsan ítrótt, meðan hann um veturin spældi flogbólt. Tað gjørd­ist skjótt greitt, at flogbólturin skuldi vera hansara. Hann var bara 16 ára gamal, tá ið hann slapp at spæla í bestu deildini í Íslandi, og hevur síðani eisini spælt í bestu deildini í Danmark og í Noregi. Lands­dyst­ irnir fyri Ísland vóru heldur ikki so fáir í tali. 38 landsdystir náddi hann at spæla, áðrenn hann av álvara kastaði seg út í lívið sum venjari – lívið, sum nú hevur leitt hann til Føroya. Kenni meg heima Magnus Aðalsteinsson er eitt kent andlit innan føroyskan flogbólt. Hann kom higar á fyrsta sinni í 2005, tá ið hann tók við sum lands­ liðs­venjari hjá kvinnu- og mans­ lands­liðnum. Hetta starv røkti fram til 2007, men fyri tveimum árum síðani vóru aftur boð eftir honum úr Føroyum, tá ið venjarastarvið hjá ÍF stóð honum í boði. Hann tók av og valdi at flyta higar. – Eg var eisini framvið í Føroyum í 1998 og 1999. Eg skal vera púra erligur fyri tær. Frá degi eitt av, tá ið eg kom higar, kendi eg meg sum heima. Eg dugi væl at føla meg heima, men Føroyar og Ísland eru fyri meg nakað heilt, heilt serligt. Eg kenni meg ikki sum ein útlending, stað­festir Magnus Aðalsteinsson. Tað, at Flogbóltssamband Føroya setti seg í samband við hann júst í røttu løtuni, var ein av avgerandi orsøk­unum til, at hann valdi at flyta til Føroya. Men hann hevði eis­ini ein dreym. – Eg havi altíð havt ynski og dreym um at búgva í Føroyum. Hetta er eitt spennandi land, og tá ið eg var tøkur á arbeiðsmarknaðinum tá ið eg fekk tilboðið, var tað júst rætta løtan. Tað passaði perfekt, sigur Magnus, og leggur afturat: – Eg trívist ógvuliga væl. Tað er fantastiskt at búgva í Fuglafirði og eg havi verið ógvuliga væl móttikin har. Spælir framvegis Hóast Magnus nú er vorðin 41 ára gamal og hevur valt at leggja ork­ una í venjarayrkið og sítt borgar­liga starv sum lærari, so er hann fram­ vegis ikki heilt givin sum spælari. Hann spælir nevniliga við besta mans­liðnum hjá ÍF. – Eg vildi í grundini bara vera við fyri at hava tað stuttligt, men eg havi fingið ein størri leiklut, sigur Magnus og vísir á, at hann hevur spælt á høgum støði og Magnus Aðalsteinsson: Kenni meg ikki sum ein útlending Flogbóltur Dámligi íslendingurin, sum hevur gjørt seg galdandi sum venjari hjá fleiri av føroysku flogbóltslandslið­ unum, trívist serstakliga væl í Føroyum. – Lat meg vera púra erligan fyri tær. Frá degi eitt av, tá ið eg kom higar, kendi eg meg sum heima. Føroyar eru – eins og Íslandi – nakað heilt serligt fyri meg, sigur Magnus Aðalsteinsson Magnus Aðalsteinsson hevur biðið um time-out. Hann er útbúgvin innan ítróttarnámsfrøði og skuldi tí ligið væl fyri at givið góð ráð til leikararnar Mynd: Álvur Haraldsen – Eg vil siga, at eg eri strangur til eitt ávíst mark, men annars kanska ov bleytur Mynd: Álvur Haraldsen