mánadagur 23. januar 2012síða 11

11 Mánadagur 23. januar 2012 · Nr. 10 Sosialurin Hugskot og viðmerkingar – send sms til 225000 Vilmund Jacobsen Jákup Mikkelsen er ikki ógegnigur sum lands­stýris­ mað­ur í fiskivinnumálum. Tað er niðurstøðan, sum Ann­ finn V. Hansen, advokatur, er kom­in til. Anfinn var eisini mill­um teirra, sum smíðaðu stýris­skipanarlógina.
 Tað var løgmaður, Kaj Leo Johan­ne­sen, sum eftir nógv kjak í miðlunum um gegnið hjá Jákupi Mikkelsen sum fiski­mála­ráð­harra, ið bað lands­stýri­s­mannin útgreina í hvørj­um føri, hann er ógegn­ ig­ur.

 Høvuðsorsøkin til kjakið er, at systir stórreiðaran, Hanus Hansen, er gift lands­ stýris­manninum í fiski­ vinnu­málum. Í hesum sambandi hevur verð­ur víst til, at Jákup Mikkel­sen eftir ávísari grein fyri­sitingarlógini kann ger­ ast ógegnigur, tá ræður um avgerðir á fiski­vinnu­økinum.
 Danski serførðingurin í umsitingarrætti, Sten Bønsing, sum er lektari á Uni­versitetinum í Aalborg, segði við Norðlýsið herfyri, at lógin skal lesast á tann hátt, at landsstýrismaðurin ikki kann viðgera sína egnu famil­ju, men at lógin sigur einki um familjuna hjá konu­ ni. Talan er um skyld ella svágd í stígandi ella fallandi linju ella síðulinjuni.

 Ikki ógegnigur Jákup Mikkelsen hevur nú sent løgmanni eina løg­frøði­ liga niðurstøðu, sum Ann­ finn­ur V. Hansen, advokatur, hev­ur gjørt.

 Í niðurstøðuni stendur at lesa, at "... í stuttum kann sig­ast, at tað ongantíð kann verða talan um ógegni sam­ svarandi fyri­sit­ing­ar­lógini §3, stk. 1, nr. 2, sum viðvíkur ógegni orsaka av familju, tí familjan hjá hjúnarfelaga tygara er ikki fevnd av áset­ ingini. Tá tað hevur ver­ ið ført fram, at tygum eru ógegnigur orsaka av familju­ viðurskiftum, er talan um eina misskiljing av rætt­ar­ reglu­num. Sjálvt, tá talan kun­di verið um ógegni eft­ir fyrisitingarlógini, er hetta ongantíð galdandi, tá talan er um at gera upp­skot til lóggávu at legg­ja fyri løgtingið, tí hend­an upp­gáv­ an hjá ein­um lands­stýris­ manni er ikki um­fatað av fyri­sit­ing­ar­lóg­ini..."

 Ikki nóg ítøkiligt Annfinnur V. Hansen leggur aftrat, at "... vanlig yvirskipað um­sitingarlig mál, sum t.d. fiski­vinnusamráðingar, býti av fiskirættindum til bólk­ ar og líknandi, vilja van­liga ongantíð verða fevnd av ógegnisreglunum, tí sam­ bandi verður ov fjart til at staðfesta, at ítøkilig ser­ áhuga­mál eru til staðar, ið gera tygum ógegnigan. Tað, at Hanus Hansen, er parta­ eigari í einum felag, sum møgu­liga kann fáa gagn av hes­um á jøvnum føti við onn­ur feløg/persónar, er ikki nóg ítøkiligt til at staðfesta ógeg­ni, hóast tit til dømsi mát­tu verið vinir. At hann er bróð­ur konu tygara, hevur í sær sjálvum ongan týdning í mun til fyrisitingarlógina..."

 Landsstýrismaðurin í fiski­vinnu­málum hevur kunn­að løgmann um niður­ støðu­na hjá Annfinni V. Han­ sen, advokati. vilmund@sosialurin.fo Jákup ikki ógegnigur - At Hanus Hansen er partaeigari í felag, sum møguliga kann fáa gagn á jøvnum føti við onnur feløg/­persónar, er ikki nóg ítøki­ ligt til at staðfesta ógegni. At tyg­um eru ógegnigur orsaka av familju­viðurskiftum, er ein mis­skilj­ ing av rættarreglunum. Tað sigur Ann­finn­ur V. Hansen, advokatur um gegnisspurningin hjá Jákupi Mikkel­sen, landsstýrismanni - At Hanus Hansen er bróður konu tygara, hevur í sær sjálvum ongan týdning í mun til fyrisitingarlógina, sigur Annfinnur V. Hansen, advokatur Vilmund Jacobsen Í Degi & Viku fríggjakvøldið í helt Jógvan Páll Lassen, advo­kat­ur, at tað mátti verið keði­ligt hjá Fólkaflokkinum at hava stríðst seg til at umsita fiskivinnumál - og so at hava ein landsstýrismann, sum í ávísum málum kann ger­ast ógegnigur. - Avleiðingin av hesum verð­ur, at tað verða aðrir flokk­ar, sum koma at taka yvir í fleiri stórum avgerðum á fiskivinnuøkinum, segði advokat­urin Málið í tveimum Hann vísti í Degi & Viku á, at trupulleikin er í tveimum. - Landsstýrismaðurin í fiskivinnumálum er gene­ relt ógegnigur í nógv­um mál­um. Hin er, at Hanus Han­sen kann rokna við ikki at fáa eina sakliga viðgerð í sínum dagliga yrki sum vinnu­lívsmaður. - So, tað er báðar vegir, at trupul­leikin kann vísa seg, segði advokaturin. Jógvan Páll Lassen legði aftrat, at almenningurin kann hava ein mistanka um, at Hanus hevur fingið fyri­ mun­ir, sum hann als ikki hev­ur fingið. - Í aðrar mátar kann tað eisini henda, at Hanus verð­ur viðgjørdur serliga hart í mun til aðrar, og tað skal hann heldur ikki, segði advo­kat­urin. Stórir trupulleikar Jógvan Páll Lassen metti, at Hanus Hansen kann fáa stórar trupulleikar av, at svág­urin er lands­stýris­ mað­ur í fiskivinnumálum, og tí segði hann seg ivast í, hvussu rætt tað er av Jákupi Mikkelsen at sita við júst hesum málsøki í lands­stýri­ num. vilmund@sosialurin.fo Trupulleikin við Jákupi í tveimum - Tann eini er, at Jákup Mikkelsen generelt er ógegnigur í nógvum málum. Hin er, at Hanus Hansen, reiðari, kann rokna við ikki at fáa eina sakliga viðgerð í sínum dagliga yrki sum vinnulívsmaður, sigur Jógvan Páll Lassen, advokatur - Hanus Hansen kann fáa stórar trupulleikar av, at svágurin er landsstýrismaður í fiskivinnumálum. Tí er ivasamt, hvussu rætt tað er av Jákupi Mikkelsen at sita við júst hesum málsøki í landsstýrinum, heldur Jógvan Páll Lassen, advokatur