mánadagur 23. januar 2012síða 14

Mánadagur 23. januar 2012 · Nr. 10 14 Sosialurin Hugskot og viðmerkingar – send sms til 225000 Ítróttarblaðið Pætur Albinus Kvinnurnar úr Stjørnuni vistu, at tær á pappírinum høvdu eina yvir­ komiliga uppgávu, meðan arg­asti kappingarneytin, VB, hevði sera trupla uppgávu í at møta Neist­ anum. Tískil kundu tær bara vóna, at Neistin vann á VB, men sam­ stundis máttu tær ikki gloyma, at tær skuldu vinna Kyndli. Alt fall Stjørnuni í lut – tær vunnu og VB tapti. Runnu avstað Stjørnan legði hart út og vann sær eina leiðslu, sum Stjørnan bara økti um og Kyndil ikki megnaði at svara aftur uppá. Unga kyndlaliðið hevði truplari við at spæla seg til málmøguleikar, meðan tær royndu úr Stjørnuni vístu vegin. Oft­ast skutu tær útifrá, har Simona Petersen væl fylgd av Corinu Demeterca skaraðu framúr. Stjørnan slapp til hálvleiks við eini 17-11-leiðslu. Royndu alt Í seinna hálvleiki royndi Kyndil alt fyri at hála seg inn á Stjørnuna, og hóast tær eitt nú royndu seg við at mansverja skjúttarnar, Simonu Petersen og Corinu Demeterca, so nyttaði einki. Stjørnan spældi næstan enn betur uttan tær báðar, og serliga umvegis vongspælið komu nógv mál. Simona Petersen trein annars fram allatíð – hóast mans­vard – og langaði hon fleiri bóltar í netið. Spælið var annars ikki gott hjá hvørgan av liðunum í seinna hálvleiki. Nógv persónlig mistøk settu síni merki í ein rótutan hálv­ leik, sum Stjørnan slapp best frá og sló ein tryggan 31-21-sigur á talv­ una. Liggja væl fyri Løtu eftir sigurin kundu tær í Stjørnuni fegnast um, at argasti kapp­ingarneytin, VB, tapti heima­ dystin ímóti Neistanum. Hetta ber í sær, at Stjørnan í løtuni er fýra stig frammanfyri VB í stríðnum um at koma í FM-finaluna saman við Neistanum. VB hevur tó leikt ein dyst færri. albinus@sosialurin.fo Pætur Albinus Í Runavík vendir hondbóltslívið á høvdinum í mun til seinastu árini, tá ið Tjaldur av álvara myndaði oddan í føroyskum kvinnuhondbólti. Nú liggja tær aftastar og mugu stríð­ ast fyri hvørt einasta mál. Leygar­ dagin vitjaði StÍF, sum liggur trið­ aftast. StÍF vann stórt 34-16 eftir hálvleiksstøðuna 19-8. Tjaldur byrjaði væl Fyrstu løtuna hevði Tjaldur annars gott flog og legði seg skjótt á odda 4-2. Tær vóru eisini á odda 5-4, men so kom av álvara stígur í og StÍF fekk 11 mál á rað. Tjaldur líður undir at snúningspunktið á liðnum, Adina Petrea, er skadd, og høvdu tær í dystinum sum heild trupult við at spæla seg ígjøgnum StÍF- verj­una. Serliga í seinnu helvt av fyrra hálvleiki skolaðu málini inn í Tjaldurs-málið. Tjaldur má bara ásanna, at trý mál upp á 20 minuttir ikki er nokk, tá ið tú spælir í bestu deildini. StÍF slapp til hálvleiks við tryggari 19-8-leiðslu. Sama gongdin Í seinna hálvleiki minti gongdin nógv um ta í fyrra hálvleiki. StÍF hevði lættari við at seta mál á talv­ una, men hesumeðin hálvleik vísti Tjaldur meiri áhaldni, stríddist betur og skeyt eisini nøkur góð mál. Eisini Katrin Jacobsen í málinum hevði nakrar góðar bjargingar. Munurin millum liðini var tó ov stórur, og í einum saman um tikið heldur linligum dysti, leikti StÍF seg lætt til ein stórsigur 34-16. Tjaldur liggur framvegis full­ komiliga einsamalt á aftasta plássi við einum stigi, meðan StÍF nú hevur átta stig og nærkast hinum liðunum. Næsta lið teimum er Kyndil við 11 stigum. albinus@sosialurin.fo Tjaldur – StÍF 16-34 (8-19) Tjaldur: Heidi Sevdal (6) Sófríða Pattinson (4) Barbara Nygaard (3) Ranvá Jacobsen (2) Útvísingar: 3x2min. StÍF: Birna Tummasardóttir (12) Fríðrún Danielsen (6) Oddrún Danielsen (5) Rebekka Justinussen (5) Irena Dam (2) Ásgerð Káradóttir (2) Mariann Petersen (1) Lilja Gregersen (1) Útvísingar: 2x2min. hondbóltur StÍF vann lættliga Hondbóltur Tjaldur kom betur frá byrjan, men so kom stígur í og StÍF slapp av vísa veruliga munin á liðunum og vann 34-16-stórsigur eftir hálvleiksstøðuna 19-8 Stjørnan dregur frá kvinnuHondbóltur Stjørnan gagnnýtti til fulnar, at VB einki stig fekk hetta umfarið. Tær gjørdu av við kyndilskvinnur við at vinna stórt 31-21, og við sætta sigrinum á rað liggja nú sera væl fyri í mun til at røkka FM-finaluni Mynd: Álvur Haraldsen