mikudagur 25. januar 2012síða 6

Mikudagur 25. januar 2012 · Nr. 11 6 Sosialurin Hugskot og viðmerkingar – send sms til 225000 Leo Poulsen Umrøðan av sonevnda Pidda- málinum hevur tikið seg upp aftur, eftir at kriminalpolitiið í gjár sendi út tíðindaskriv har boðað verður frá, at dna, ið stavar frá horvna Dánjal Petur Hansen er staðfest í Norð­oyatunlinum. Hetta er fyrsta ítøkiliga prógvið fyri, at Piddi er myrd­ur, sum almenningurin fær at vita um. Kriminalpolitiið hevur fing­ið atfinningar fyri, at halda rimmarfast um prógv­ ini í málinum, men tá tað nú er staðfest, at líkið av Pidda hevur verið goymt í Norðoyatunlinum í eitt tíðarbil, hevur politiið valt at varpa ljós á hetta. Og tað verður sjálvandi gjørt fyri at almenningurin kann boða kriminalpolitinum frá, um tey hava sæð Skoda Fabia bilin í Norðoyatunlinum ella har nærhendis í døgunum eftir drápið. Og kriminalpolitiið ar­ beiðir framvegis út frá teirri teori, at Piddi er dripin fríggja­morg­unin 4. no­ vember, hóast í minsta lagi fimm fólk svørja upp á, at tey hava sæð Pidda leygar­dagin 5. november seint seinna­ partin. Hóast kriminalpolitiið nú hevur sent út tíðindaskriv um dna av Pidda í Norð­oya­ tunlinum, so vil kriminal­ ovastin, Bergleif Brimvík, einki siga um aðrar dna- royndir ella aðrar tekniskar kanningar yvirhøvur. – Sum eg havi sagt tað áður, so er hetta eitt mál fyri afturlætnum hurðum, sigur Bergleif Brimvík. Eingin nummarpláta Ein ógvuliga sentralur partur í kanningararbeiðinum, er nógv umrøddi silvurgrái Skoda Fabia Hatchback bil­ urin, sum politiið er sannført um er nýttur at burturbeina Pidda við. Myndir av líknandi bili hava verið sýndar í fjølmiðl­ unum, men tað undrar mong, at politiið ikki vil upplýsa nummarplátuna á bilinum. Tí mong meta, at hetta kundi beint til viks ivamál um, hvørt tað er ein viðkomandi bilur, fólk hava sæð, ella ein, sum bert spillir tíðina hjá politinum. Tað tykist staðfest, at bak­ setrið er tikið úr Skoda Fabia bilinum, og tað tykist líka staðfest, at dna er útdrigið av baksetrinum. Meira ivasom er søgan um ein kodda, sum skal vera funnin í samband drápsmálið. Sjálvandi skal politiið ikki almannakunngera hvønn smálut í málinum, tí tað kann sjálvandi skaða kann­ ingararbeiðið. Men spurn­ ingurin er hinvegin eisini, um ein so total tøgn gagnar arbeiðinum heldur. At politiið í gjár læt eitt lítið sindur upp fyri posa­ bandinum má tulkast tann vegin, at skuldsetti maðurin skal í Føroya Rætt í dag, har politiið fer at krevja varð­ halds­fongslingina longda. Av­dúkingin av dna frá Pidda í Norðoyatunlinum vigar tungt í so máta. Og so kann bert endur­ tak­ast áheitanin frá poli­ ti­num á fólk, sum kunnu hava sæð silvurgráa Skoda Fabia bilin í ella nærhendis Norðoyatunlinum í tíðar­ skeiðinum 4. til 11. november, um at boða politinum frá. Leo Poulsen Týsmorgunin var ein maður førdur í grund­ lógaravhoyri, eftir at hann, saman við einum øðr­um, hevði brotið inn í Etika fyri at stjala brenni­vín. Skuldsetti maðurin greiddi frá, at tað í veru­ leikanum var hin mað­ urin, ið hevði trýst á, fyri at gera innbrotið, tí skuldsetti segði seg eiga brennivín heima við hús, og hevði tí ikki brúk fyri meira. Men hann lat sær lynda, og teir báðir høvdu so tveitt ein stein inn gjøgnum glashurðina á sushi matstovuni. Skuldsetti maðurin segði seg mest sum bert vera áskoðara, með­an hin dragsaði fløsk­ur om­ an á fløskur út úr Etika, og krógvaði ymsa­staðni nærhendis. Ákærin ramsaði upp Single Malt Whiskey, Cognac, fleiri fløskur av hvítvíni og reyðvíni, eina Sommersby, umframt nakrar øl. Men skuldsetti segði seg hava drukkið lítið og einki av hesum, og segði hinum seinni frá, at hann als einki vildi hava við tjóvagóðsið at gera. Tað greiddi hann rætt­inum frá. Rýmdi Men hvussu lítið aktivur skuldsetti enn var, hevði tað eydnast honum at missa fartelefonina und­ir innbrotinum, og tí kundi politiið rættiliga skjótt leiða sín illgruna til mannin. Hann varð eisini tikin seinni sunnudagin, og undir politiavhoyri játt­ aði hann seg sekan í øll­ um ákærum í sam­bandi við innbrotið. Man av tí at hann hevði mist fartelefonina burtur, og politiið eyð­ vit­að hevði hana í varð­ veitslu, lánti skuldsetti eina fartelefon frá poli­ ti­num, so hann kundi ringja til tann, hann leig­aði frá, at fáa hann at læsa íbúðina. Skuldsetti fekk frá politinum at vita, at hann fór at verða kravdur varð­haldsfongslaður, og hetta helt hann vera undarligt, tá hann hevði játtað seg sekan. Hann gjørdi tí ikki mætari enn at snúgva sær av­stað, tá hann sá sær møgu­leik­ an. Fartelefonina hevði hann við sær, men av tí at hon helt á at ringja, legði hann hana frá sær á eitt bussskýli, har politiið fann hana seinni. Maðurin bleiv tó handtikin mánadagin aftur, og í gjár var hann so í grundlógaravhoyri, skuldsettur fyri inn­ brot, fyri at rýma frá poli­tinum, meðan hann var í varðhaldi, og fyri at hava tikið fartelefonina hjá politinum. Aftur her játtaði hann seg sekan, men kort­ ini kravdi ákærin varð­ haldsfongsling í 14 dagar. Verjin mótmælti, men dómarin helt grund­ar­ lag var fyri varð­halds­ fongsling, mill­um annað tí at skuldsetti maðurin hevði ein dóm á níggju mánaðir hang­andi yvir sær. Skuldsetti maðurin góðtók síðani varðhalds­ fongslingina. Fartelefon avdúk­aði innbrot Annar av monnunum, sum sunnunáttina brutu inn í Etika at stjala brennivín, var ikki serliga heppin, tí hann misti fartelefonina undir innbrotinum – og so hevði løgreglan lætt spæl Dna av Pidda í Norðoyatunlinum Eftir at hava verið tigandi sum grøvin um øll teknisk prógv, íroknað dna, sendi kriminalpolitiið í gjár út tíðindaskriv har boðað verður frá, at dna, ið stavar frá Pidda, er funnið í Norðoyartunlinum Tað er staðfest, at líkið av Pidda Hansen í eitt tíðarbil hevur verið goymt aftan fyri ein betongskúr á einum víkiplássi í Norðoyatunlinum