mikudagur 25. januar 2012síða 8

Mikudagur 25. januar 2012 · Nr. 11 8 Sosialurin Hugskot og viðmerkingar – send sms til 225000 Vónandi gevast Dimmalætting og Kringvarpið ikki her. Tað gera vit í øllum førum ikki, tí vit hava framvegis ov mikið av hugskotum frá okkara lesarum at varpa ljós á, umframt at vit framvegis ynskja góð sparihugskot til samgonguna. Send uppskot til sos@sos.fo við heitinum »Kreppuhjálp til Kaj Leo« ella send sms-boð til 225000. kreppuhjálp til kaj leo Fleiri veita kreppuhjálp »Kreppuhjálp til Kaj Leo« varð skotið í gongd mánadagin og lesarar hjá Sosialinum, lurtarar hjá Rás2 og vitjandi á Portalinum eru komin við sera nógvum hugskotum. Mánadagin prentaðu vit trý sparihugskot og í dag prenta vit trý aftrat. Men bæði Dimmalætting og Kringvarpið hava tikið táttin upp. Mánadagin varpaði Útvarpið hjá Kringvarpinum ljós á átak okkara og týsdagin borðreiddu tey við søguni um, at húsaleigan hjá sendimonnum og skrivstovuleiga kostar næstan 300.000 krónur um mánaðin – ella tilsamans 3,6 milliónir krónur Fleiri lesarar okkara hava víst á, hvussu fiskivinnu- og aliloyvini áttu at verið øðr­vísi skipað enn í dag. Rói Egholm er ein teirra, sum alment hevur funnist at verandi skipan og víst á aðr­ar loysnir. Ein loysn, sum gong­ur uppá, at selja verð­ andi fiski- og æliloyvi, sum hava eitt samlað virði á 1,5 milliardir krónur. Rói Egholm ímyndar sær eina fólkaatkvøðu, har allir før­oyingar, sum jú eiga ogn Før­oya fólks, sleppa á fólka­ at­kvøðu um fiski­til­feingi. Her skulu teir sjálvir gera av, hvat skal enda við teirra parti, sum svarar til umleið 30.000 krónur árliga, um vit siga, at 48.000 fólk búgva í Før­oyum. Rói Egholm spælir við tank­an um, at hvør einasti før­oy­ingur árliga fær útgoldið helvtina av sínum parti, tað vil siga 15.000 krón­ur skattafrítt, aftrat van­ligu inntøku síni. Hin helvt­in fer til rakstur og menn­ing av samfelagnum. Hetta merkir, at eitt húski, sum telur eitt foreldrapar og trý børn hevði fingið fimm ferðir 15.000 krónur, sum er 75.000 skattafríar krón­ur, umframt vanligu inn­tøku­na. Um føroyingar valdu henda leistin, hevði bú­skap­ ur­in í 2012 fingið eitt yvir­ skot á umleið 250 milliónir krón­ur, metir Rói Egholm aðra­s­taðni í dagsins blað. - Um allir føroyingar taka av hesum tilboðnum, so fær landsbúskapurin í 2012 eitt yvirskot áljóðandi uml. 250 mió. Kr. Rói Egholm sær eisini ein ann­an møguleika og tað er, at allur ágóðin av søluni fer til Landskassan, og kunnu Før­oyar soleiðis fáa ein sera sterkan landsbúskap, til rakstur og framtíðar menn­ ing. Hetta hevði broytt ver­ andi støðu, har Rói Eg­ holm rør upp undir, at vit hava frásagt okkum oman­fyri nevndu inntøkur og gevur hesi virðini til lands­stýris­mennirnar í fiskivinnumálum og, fyri ali­loyv­ini, til lands­stýris­ mann­in í vinnumálum at um­sita. - Teir kunnu síðani útflíggja hesi virðir til út­ valdar føroyingar og út­ lendingar, uttan nakran kost­nað. Hetta førir so við sær, at tú frásigur tær, tín part av sølu inntøkunum. Um allir føroyingar velja hesa frásøgnina, fara hesar 1,5 milliardir krónur í mill­ um skins og hold í fiski­ vinnu­ni, har ein part­ur­in endar sum skatta­krón­ur av lønum og part­a­felags­skatti, ein partur fer til virðis­ minking í einari til tíðir ikki kappingarførari vin­nu, og restin fer til virði­s­øking og endar sum vinn­ingur hjá nøkrum fáum før­oy­ing­ um og hjá nógvum út­lend­ ingum, skrivar Rói Egholm millum annað. Lagt til rættis: Rólant Waag Dam Selja fiskivinnu- og aliloyvi á uppboðssølu SPARIUPPSKOT Øll fiskivinnu- og aliloyvi skulu seljast á uppboðssølu í fríari kapping. Árliga søluvirði er umleið 1,5 milliardir krónur Og seinnapartin í gjár fór Dimmalætting í dýpdina við hesum máli, har teir nágreinaðu útreiðslurnar av sendistovuni í London. Blaðið vísti á, at bara húsaleigan fyri búðstaðin hjá sendimannin, er sløk hálv millión árliga. Harumframt kemur so leiga fyri hjá sendistovuna, løn til sendimannin og aðrar útreiðslur.