mikudagur 25. januar 2012síða 18

Mikudagur 25. januar 2012 · Nr. 11 18 Sosialurin Hugskot og viðmerkingar – send sms til 225000 Ítróttur em-hóndbóltur Í stórum fótbóltskappingum ber Týskland orð fyri at gerast betri og betri, sum kappingini líður, og onkur hevur havt hug at siga tað sama um hondbóltslandsliðið í EM-kappingini í Serbia. Tað er ein sannroynd, at liðið fekk eina vánaliga byrjan, men at tað hevur gingið betur síðani. Ímóti dønum gekk ikki. Men tað kom kanska ikki so óvart á týskar­arnar, tí teir hava havt stórar trupulleikar við Danmark tey seinnu árini. Aftan á dystin fyrra­dagin ásannaði týski venjarin, Martin Heuberger, at teir høvdu tapt fyri einum betri ella í hvussu er klókari liði. Men Týskland er ikki liðugt í kapp­ingini. Í dag skal liðið spæla ímóti Póllandi, og tá fellur avgerðin. Týski spælskiparin, Michael Haaß, heldur, at hevði dysturin ímóti Danmark vera tann avgerandi, høvdu týskararnir vunnið á dønum. – Dysturin ímóti dønum var okkara fyrsti matchbóltur, og vit hava ein eftir. Kanska hevði tað verið betur, um vit bara høvdu havt ein. Nú eru vit í einari støðu, sum vit helst vildu sloppið undan, tí nú skulu vit vitta, sigur Michael Haaß við týsku tíðindastovuna DPA. Dysturin millum Týskland og Pólland byrjar klokkan 15.15 okkara tíð. arni@sosialurin.fo Árni Joensen Tað var einki at siga til, at teir serbisku landsliðsspælararnir vóru ovurfegnir fyrrakvøldið, tá teir høvdu vunnið 24-21 á svium. Við sigrinum høvdu teir tryggjað sær eitt av plássunum í hálvfinaluni, og ivaleyst mundu teir eisini vera fegnir um, at avgerðin ikki skuldi fella í teirra seinasta dysti, sum er ímóti grannunum úr Make­ donia í kvøld. Tað hevði verið dystur! Tað er eitt stórt framstig fyri serbiskan manshondbólt, at landsliðið er komið í EM- hálvfinaluna. Síðani skilnaðin frá júst Makedonia fyri seks árum síðani hevur Serbia ikki gjørt serliga nógv um seg í millumtjóða hondbólti. Satt at siga er 8. plássið í HM-kapp­ ingini í 2009 tað frægasta úrs­ litið hesi árini. Men í EM-kappingini á heima­vølli hevur eingin kunnað bast serbum enn. Teir hava eitt lið við fleiri javnt góðum spæl­ arum úti á vøllinum og ein­um framúrskarandi Darko Stanic í málinum. Og so hava teir spælt fyri fullum hallum, har nógv tvey flestu eru teirra við­ haldsfólk. Grannauppgerðin millum Serbia og Makedonia verður í kvøld kl. 19.15. arni@sosialuri.fo Árni Joensen Vanliga plagar tað ikki at vera trupult hjá dønum at seta seg upp til ein dyst ímóti svium, sama um tað er hondbóltur ella fót­ bóltur. Men støðan undan dags­ ins týdningarmiklu uppgerð í EM-hond­bólts­kappingini er ikki vanlig. Danir vita, at teir skulu vinna, men ikki fyrr enn ein hálvan tíma undan dystinum vita teir, um teir fá nakað burturúr at vinna. Tað er treytað av, at póllendingar basa týskarum. Í stuttum sær støðan hjá dønum soleiðis út: 1. Danmark kemur í hálvfinaluna, um landið vinnur á Svøríki, og Pólland vinnur á Týsklandi. 2. Spæla Týskland og Pólland javnt, skal Danmark framvegis vinna á svium. So enda danir og týsk­arar við seks stigum í part, men so fara danir í hálvfinaluna, tí teir vunnu á týskarunum fyrradagin. Dysturin millum Danmark og Svøríki byrjar klokkan 17.15. arni@sosialurin.fo Verts­landið vísti vegin Hóndbóltur Teir trúgvu serbisku áskoðararnir hava fingið fult fyri áskoðaragjaldið, tí sum tað fyrsta landið hevur Serbia spælt seg í hálvfinaluna Aftasti skansin hjá serbum, málverjin Darko Stanic, hevur havt eina sera góða kapping Týskararnir ikki mist vónina Danir biðja enn um hjálp Hóndbóltur Eftir tveir sigrar sita danir sum á nálum og biðja eftir at fáa hjálp frá póllendingum seinnapartin Danski vongurin Anders Eggert spældi sín besta dyst ímóti Týsklandi, har hann eisini spælir dagliga