mikudagur 25. januar 2012síða 19

19 Mikudagur 25. januar 2012 · Nr. 11 Sosialurin Hugskot og viðmerkingar – send sms til 225000 Ítróttur Árni Joensen Men tað kom neyvan óvart á tey, sum hava fylgt við kappingini, og tann so sigursvandi franski landsliðsvenjarin, Claude Onesta, staðfesti veruleikan, tá fjølmiðlarnir fingu orðið á hann beint eftir tapið ímóti kroatum: – Vit eru langt frá okkara besta, og teir olympisku leikirnir í summ­ ar fara at vísa, at tað verður tann seinasta stóra kappingin hjá tí ættarliðnum, sum nú er rygurin á liðnum, segði hann sinniliga. Fransmenn skuldu vinna á kroatum fyri at varðveita vónina um at sleppa í hálvfinaluna. Teir hildu eisini tørn, og av tí at Thierry Omeyer spældi sín frægasta dyst í mál­inum í hesari kappingini, vóru fransmenn á odda 12-11 í hálv­ leikinum. Men í seinna hálvleiki var týðiligur munur á liðunum, og tað seinasta korterið var næstan bara eitt lið á vøllinum. Sjálvt Omeyer misti takið, og ta seinastu løtuni gjørdu teir kroatisku skjúttarnir næstan, sum teimum lyfti, og tí endaði dysturin við einum greiðum sigri, 29-22. Ikki sørt sigandi, at Nikola Karabatic fekk ikki sítt navn á mál­ skjúttalistan. Spanskir favorittar Spania hevði ikki stórvegis trupul­ leikar at spæla seg í hálvfinaluna. Í dystinum ímóti Íslandi í gjár var í roynd og veru ongantíð ivi um úrslitið, og endin var eisini, at spaniu­menn vunnu trygt 31-26. Tað gjørdi so eisini, at íslend­ ingar mistu tann seinasta lítla møgu­leikan at røkka hálvfinaluni. Dysturin millum Spania og Ísland vísti, at tað spanska liðið er eitt gott boð upp á meistaraheitið. Teir hava eina stóra breidd úti á vøllinum við einari arbeiðssamari og sterkari verju og góðum góðum málskjúttum. So hava teir tveir sera góðar málverjar, og soleiðis sum liðið hevur spælt er tað ikki óhugsandi, at teir sponsku hondbóltsspælararnir fara at gera sama bragdið sum landsins fótbóltsspælarar. Slovenar hjálptu kroatum Nakrar tímar eftir at spaniumenn høvdu tryggjað sær eitt av pláss­ unum í hálvfinaluni, fekk Kroatia hitt plássið hjá bólkinum. Kroatar spældu kortini ikki sjálvir, men tað vóru grannarnir úr Slovenia, sum rættu teimum eina hjálpandi hond. Slovenia spældi ímóti Ungarn. Ungarar høvdu meiri at spæla fyri, tí vunnu teir dystin, kundu teir sleppa í hálvfinaluna við at vinna á Kroatia í seinasta dystinum í millum­umfarinum. Men ungarar megnaðu als ikki at standa undir trýstinum frá teimum yngru slovensku spælarunum. Slo­ venar vístu skilagott spæl, og ung­ arska liðið fekk ongantíð fatur á tí góða spælinum, sum tað vísti ímóti Fraklandi og Spania í tí innleiðandi umfarinum. Endin av dystinum var, at Slovenia vann 33-30. arni@sosialurin.fo em-hóndbóltur Zoltán Heister, sum hevur verið venjari hjá slovakiska mans­ landsliðnum í hondbólti, hevur sagt starvið frá sær. Sum skilst tók hann avgerðina, tá liðið tapti 24-41 ímóti póllendingum og endaði niðast í bólki A í EM- kappingini og tí ikki slapp í millum­umfarið. Zoltán Heister stóð á odda fyri slovakiska manslandsliðnum í 99 dystum, og í seinasta dyst­inum undir hansara leiðslu megn­aði liðið at fáa javnleik, 21-21, ímóti EM-vertunum úr Serbia. Her kann verða lagt afturat, at hetta var triðju ferð, at Slovakia var í einari EM-kapping, og stigið ímóti Serbia var tað hjá lands­ inum nakrantíð. arni@sosialurin.fo Ein venjari givin Var hatta farvæl Frakland? Hóndbóltur Tá hallarklokkan í høllini í Novi Sad endaði EM-dystin millum Frakland og Kroatia seinnapartin í gjár, var tað ein sannroynd, at tað tað franska manslandsliðið fór ikki at endurvinna meistaraheitið hesaferð Claude Onesta og Nikola Karabatic hava verið ímyndin av fronskum hondbólti tey seinastu nógvu árini, men nú bendir okkurt á, at hetta skeiðið fer at styttast Guðjón Valur Sigurðsson, Arnór Atlason og teirra liðfelagar fingu einki gjørt við Eduardo Gurbindo og hinar spaniumenninar