fríggjadagur 27. januar 2012síða 8

Fríggjadagur 27. januar 2012 · Nr. 12 8 Sosialurin Hugskot og viðmerkingar – send sms til 225000 Kreppuhjálp til Kaj leo Gjald á djór Tað koma nógvar inntøkur í landskassan við gjøldum, sum eru á innfluttum vørum. Ein lesari skjýtur upp at leggja gjald á øll innflutt djór. Er gjaldið 1000 krónur – alt frá kanariufuglum til hundahvølpar – og 1000 djór verða innflutt, so er ein millión vunnin har. Spar í egnari umsiting Kaj Leo – Løgmaður kann byrja við at spara hjá sær sjálvum, sigur ein lesari. Hesin vísir á, at Løgmansskrivstovan í 2005 hevði eina játtan á 32 milliónir krónur. Í fíggjar­ lógaruppskotinum fyri 2012 er játtanin 48,5 milliónir krónur, tað vil siga 16,5 milliónir krónur dýrari enn fyri sjey árum síðani, hóast uppgávurnar hjá Løgmans­ skrivstovuni ikki eru øðrvísi nú enn tá. Strika stuðul til flokkarnar Politisku flokkarnir mæla ikki runt av sær sjálvum. Partur av fíggjarliga stuðlinum til flokkarnar verður játtaður av teimum sjálvum, tá fíggjarlógin verður samtykt. Uppskotið til »Stuðul til politiskt virksemi og politiska upplýsing«, sum tað eitur, ljóðar í ár – eins og undanfarin – á 2,4 milliónir krónur. Ein lesari okkara skjýtur upp at strika hetta, so var næstan hálvtriðja millión spard har. Lækka tingmannalønina Fleiri lesarar skjóta upp, at politikkararnir vísa seg sum tær fyrimyndirnar, teir eiga at vera. Tær hava júst samtykt skattalætta, men kundu í bøtuflaka fyri hetta lækka sína egnu løn við til dømis 5000 krónum um mánaðin. Við 33 tinglimum er hetta 165.000 krónur um mánaðin ella tað, sum svarar til slakar tvær milliónir krónur árliga. Her eru 2 milliadir løgmaður 200 hugskot frá lesarum Næstan 200 lesarar okkara hava skrivað inn og veitt løgmanni kreppuhjálp. Tilsamans kunnu hugskotini geva løgmanni omanfyri hálva­triðju milliard krónur í sparinum og eyka inntøkum Í dag er júst ein vika síð­ ani, at vit heittu á lesarar hjá Sosialinum, brúk­arar av Portalinum og lurtarar hjá Rás2, um at koma við góðum hug­skotum, sum kundu hjálpa løgmanni at fáa fleiri inntøkur. Og hug­skotini hava ikki manglað. Hvønn dag eru hugskot streymað inn og vit hava varpað ljós á nøkur teirra. Somuleiðis hava aðrir miðlar tikið táttin upp. Út­varpið hjá Krin­g­varp­ inum vísti á, at húsa­ leigan hjá sendi­monn­um okkara og skriv­stovu­ leigan tilsamans kostar 3,6 milliónir krónur ár­liga, meðan Dimma­lætt­ing varpaði ljós á sendi­stov­ una í London, har bara leigan fyri búð­staðin hjá sendi­mann­inum kostar eina hálva millión árliga. Hugskotini, tit les­ar­ar okkara, kunnu til­sam­ans geva løgmanni hálva­ triðju milliard í øktum inn­tøkum og sparingum. Sjálvur kom Kaj Leo Holm Johannesen við sløkum níggju millión­um krónum í øktari ríkis­veiting. Hetta var langt frá tí, hann hevði sett nøsina upp eftir. Nú hava tit, góðu lesarar, givið Kaj Leo Holm Johannesen hugskot og íblástur til, hvussu hann kann fáa pening, sum ikki einans dekkar ætlaðu økingina av ríkis­veitingini, men eisini kann fáa stóran part av uttanlandsskuldini burtur, um tað er ynskiligt. Vit takka hervið fyri ótrúliga stuðulin, »Kreppu­hjálp til Kaj Leo« hevur fingið. Vón­andi fer løgmaður at taka líka væl í móti spari­uppskotunum, sum lesarar okkara hava tikið í móti hesum átaki. Lagt til rættis: Rólant Waag Dam